കോഴിക്കോട്: സസ്‌പെന്‍ഷനിലുള്ള സീനിയര്‍ സിവില്‍ പൊലിസ് ഓഫീസര്‍ ഉമേഷ് വള്ളിക്കുന്നിനെ പൊലീസ് സേനയില്‍ നിന്ന് പിരിച്ചുവിടാന്‍ നടപടി തുടങ്ങി. ഇതിന് മുന്നോടിയായി ഉമേഷിനോട് പത്തനംതിട്ട എസ്.പി വിശദീകരണം തേടി. പതിനഞ്ച് ദിവസത്തിനുള്ളില്‍ വിശദീകരണം നല്‍കണമെന്നാവശ്യപ്പെട്ടാണ് പത്തനംതിട്ട എസ്.പി നോട്ടിസ് നല്‍കിയത്. 

കഴിഞ്ഞ 18 മാസമായി ഉമേഷ് സസ്‌പെന്‍ഷനിലാണ്.പത്തനംതിട്ട ആറന്മുള പൊലിസ് സ്റ്റേഷനില്‍ ജോലി ചെയ്യുന്നതിനിടെയാണ് അവസാനമായി ഉമേഷിനെ സസ്‌പെന്റ് ചെയ്തത്. സര്‍വീസിലുള്ളപ്പോഴും സസ്‌പെന്‍ഷനിലായിരിക്കുമ്പോഴും ഉന്നത പൊലിസ് ഉദ്യോഗസ്ഥരേയും പൊലിസ് സംവിധാനത്തെയും വിമര്‍ശിച്ചുകൊണ്ട് സമൂഹമാധ്യമങ്ങളില്‍ നിരവധി പോസ്റ്റുകള്‍ ഇദ്ദേഹം പങ്കുവെക്കാറുണ്ട്. ഇതേതുടര്‍ന്ന് മൂന്ന് സസ്‌പെന്‍ഷനുകളും മുപ്പതോളം അച്ചടക്ക നടപടികളുമാണ് ഇദ്ദേഹം നേരിട്ടത്. 

സര്‍വീസിലിരിക്കുമ്പോഴും സസ്‌പെന്‍ഷനിലായപ്പോഴും ഉമേഷ് വള്ളിക്കുന്നിന്റെ ഭാഗത്ത് നിന്ന് ഗുരുതരമായ അച്ചടക്ക ലംഘനങ്ങള്‍ ഉണ്ടായെന്ന് വിവിധ അന്വേഷണ റിപ്പോര്‍ട്ടുകള്‍ ചൂണ്ടിക്കാട്ടിയിരുന്നു. 

Kerala Police initiates dismissal proceedings against suspended CPO Umesh Vallikunnu, issuing a show-cause notice demanding an explanation within 15 days. Umesh, suspended multiple times, faces action for repeated social media posts criticizing senior officers and serious disciplinary violations.