പാലക്കാട്: മലമ്പുഴയിൽ പുലിയെ കണ്ടതിനെ തുടർന്ന് പ്രദേശവാസികൾക്ക് അധികൃതർ ജാഗ്രതാ നിർദേശം നൽകി. അനാവശ്യ യാത്രകൾ ഒഴിവാക്കണമെന്ന് പൊലിസും വനം വകുപ്പും നിർദ്ദേശിച്ചിട്ടുണ്ട്. മലമ്പുഴ, അകത്തേത്തറ, കെട്ടേക്കാട് വനം റേഞ്ചിന്റെ പരിധിയിൽ രാത്രി യാത്ര ചെയ്യുന്നവർക്കാണ് പ്രധാനമായും മുന്നറിയിപ്പ് നൽകിയിരിക്കുന്നത്.

ALSO READ: രാഹുലിന്റെ പാലക്കാട്ടെ ഫ്‌ളാറ്റില്‍ പരിശോധന; പരാതിക്കാരി ഫ്‌ളാറ്റില്‍ വന്ന  ദിവസത്തെ സി.സി.ടി.വി ദൃശ്യങ്ങള്‍ ലഭിച്ചില്ല, സമീപത്തെ സി.സി.ടി.വികളും പരിശോധിക്കും

സ്ഥലത്ത് മുഴുവൻ സമയ നിരീക്ഷണത്തിനായി വനം വകുപ്പ് രണ്ട് പ്രത്യേക സ്ക്വാഡുകളെ നിയോഗിച്ചിട്ടുണ്ട്. രാവിലെ മലമ്പുഴ സർക്കാർ സ്കൂൾ പരിസരത്തും ജയിൽ ക്വാർട്ടേഴ്സിനായി എടുത്ത സ്ഥലത്തും സ്ക്വാഡുകൾ പരിശോധന നടത്തി. നിലവിൽ, പൊലിസിന്റെ സഹായത്തോടെ പ്രദേശത്തെ സിസിടിവി ദൃശ്യങ്ങൾ ശേഖരിക്കാനുള്ള ശ്രമത്തിലാണ് വനം വകുപ്പ്.

പുലിയെ കണ്ടെന്ന് അറിയിച്ച വ്യക്തിയിൽ നിന്ന് വനം വകുപ്പ് കൂടുതൽ വിവരങ്ങൾ ശേഖരിച്ചിട്ടുണ്ട്. ഇന്നത്തെ രാത്രി പരിശോധനകൾക്ക് ശേഷം സംഭവത്തിൽ തുടർ നടപടികൾ സ്വീകരിക്കുമെന്ന് റേഞ്ച് ഫോറസ്റ്റ് ഓഫിസർ (ആർഎഫ്ഒ) വ്യക്തമാക്കി. 

A leopard has been spotted in Malampuzha, prompting local authorities to issue a warning to residents and visitors. The police and forest department advise against unnecessary travel, especially at night, in the Malampuzha, Aggatetra, and Kettekada forest areas.