കോഴിക്കോട്: ട്രെയിനിന്റെ സ്റ്റെപ്പിൽ ഇരുന്ന് യാത്ര ചെയ്ത യുവാവിന്റെ കാൽവിരലുകൾ പ്ലാറ്റ്ഫോമിനിടയിൽപ്പെട്ട് അറ്റു വീണു. പാലക്കാട്‌- കണ്ണൂർ എക്സ്പ്രസ്സിലെ യാത്രക്കാരനാണ് പരുക്ക് സംഭവിച്ചത്.

സ്റ്റെപ്പിൽ ഇരിക്കുകയായിരുന്ന യുവാവിന്റെ കാൽ കോഴിക്കോടിലെ വെസ്റ്റ് ഹിൽ സ്റ്റേഷനിൽ എത്തിയപ്പോൾ പ്ലാറ്റ്ഫോമിൽ തട്ടുകയായിരുന്നു. സംഭവം നടന്ന ഉടനെ തന്നെ ആർഡിഎഫുകാരെ വിവരം അറിയിക്കുകയായിരുന്നു. ട്രെയിൻ അടുത്ത സ്റ്റേഷനായ എലത്തൂരിൽ എത്തിയപ്പോൾ പരുക്കേറ്റ യാത്രക്കാരനെ ആശുപത്രിയിലേക്ക് മാറ്റുകയായിരുന്നു. 

ട്രെയിനിന്റെ ചവിട്ടു പടിയിൽ ഇരുന്ന് യാത്ര ചെയ്യുന്നത് നിയമ വിരുദ്ധവും പിഴയടക്കാവുന്ന കുറ്റവുമാണ്. എന്നിരുന്നാലും നിരവധി പേർ ഇത്തരത്തിൽ സ്റ്റെപ്പിൽ ഇരുന്ന് യാത്ര ചെയ്യുന്നത് കാണുന്നുണ്ടെന്നാണ് യാത്രക്കാർ പറഞ്ഞത്.