മംഗലാപുരം: 2026 ഫെബ്രുവരി നാല് മുതൽ എട്ട് വരെ കാസർകോട് കുണിയ വരക്കൽ മുല്ലക്കോയ തങ്ങൾ നഗറിൽ നടക്കുന്ന സമസ്ത നൂറാം വാർഷിക മഹാസമ്മേളനത്തിന്റെ ജില്ലാതല സ്വാഗതസംഘം രൂപീകരണം പുരോഗമിക്കുന്നു. തിരുവനന്തപുരം, തൃശൂർ, കോഴിക്കോട്, വയനാട്, കണ്ണൂർ, കൊല്ലം,  എറണാകുളം, കാസർകോട്, ദക്ഷിണ കന്നഡ, കൊടക് ജില്ലകളിലെ സ്വാഗതസംഘം രൂപീകരണം പൂർത്തിയായി. 

കഴിഞ്ഞ ദിവസങ്ങളിൽ കാസർകോട്ടും ദക്ഷിണ കന്നഡയിലും നടന്ന കൺവെൻഷൻ ജനപങ്കാളിത്തം കൊണ്ട് ശ്രദ്ധേയമായിരുന്നു. മറ്റു ജില്ലകളിലും സമാനമായിരുന്നു പരിപാടികൾ. ഈ ആഴ്ചയോടെ മുഴുവൻ ജില്ലകളിലും സ്വാഗതസംഘം രൂപീകരിക്കും. 

തുടർന്ന് മണ്ഡലം, പഞ്ചായത്ത്, മഹല്ല് തലങ്ങളിലും സംഘാടകസമിതി രൂപീകരിക്കും. ഇതോടെ പ്രവർത്തനം താഴെത്തട്ടിൽ കൂടുതൽ ശക്തമാകുമെന്ന് സ്വാഗതസംഘം കോഡിനേറ്ററും എസ്.കെ.ഐ.എം.ബി.വി  ജനറൽ മാനേജറുമായ കെ. മോയിൻകുട്ടി മാസ്റ്റർ അറിയിച്ചു.   

ഇന്നലെ മംഗലാപുരത്ത് അക്കരങ്ങാടി  എച്ച്.എച്ച് കൺവെൻഷൻ സെന്ററിൽ ദക്ഷിണ കന്നട ജില്ലാ ജംഇയ്യതുൽ ഉലമയുടെ നേതൃത്വത്തിൽ നടന്ന സ്വാഗതസംഘം രൂപീകരണ കൺവെൻഷന്   ജില്ലയിലെ സമസ്തയുടെയും പോഷക സംഘടനകളുടെയും നേതാക്കളും പ്രവർത്തകരും ഉൾപ്പെടെ വൻ ജനാവലി എത്തിയിരുന്നു. ദക്ഷിണ കന്നട ജില്ലാ ജംഇയ്യതുൽ ഉലമ പ്രസിഡന്റ് സൈനുൽ ആബിദീൻ തങ്ങൾ  കുന്നുംകൈയുടെ അധ്യക്ഷതയിൽ നടന്ന സംഗമം സമസ്ത കേന്ദ്ര മുശാവറ അംഗവും ജില്ലാ ജംഇയ്യതുൽ ഉലമ ജനറൽ സെക്രട്ടറിയുമായ ബംബ്രാണ  അബ്ദുൽ ഖാദർ അൽഖാസിമി ഉദ്ഘാടനം ചെയ്തു. സമസ്ത മാനേജർ മോയിൻകുട്ടി മാസ്റ്റർ വിഷയാവതരണം നടത്തി. 

ദക്ഷിണ കന്നട ജില്ലാ ജംഇയ്യത്തുൽ  ഉലമ വർക്കിങ് പ്രസിഡന്റ് കേന്ദ്ര മുശാവറ അംഗം ഉസ്മാൻ ഫൈസി തോടാർ സ്വാഗതം പറഞ്ഞു. ജില്ലാ ജംഇയ്യത്തുൽ ഉലമ ട്രഷറർ ബൽത്തങ്ങടി ജിഫ് രി തങ്ങൾ ആമുഖ പ്രസംഗം നടത്തി. ജില്ലാ മദ്റസ മാനേജ്മെന്റ് പ്രസിഡന്റ് എം.എച്ച് മൊയ്തീൻ ഹാജി രണ്ട് ലക്ഷം  രൂപ സംഭാവന ചെയ്ത് പ്രവർത്തന ഫണ്ട് ഉദ്ഘാടനം ചെയ്തു. 
കുക്കില അബ്ദുൽ ഖാദർ ദാരിമി, മൂസൽ ഫൈസി, കടബ ശരീഫ് ഫൈസി, സയ്യിദ് അമീർ തങ്ങൾ, വിദ്യാഭ്യാസ ബോർഡ് മെംബർ അബ്ദുൽ റഷീദ് ഹാജി പർളടുക്ക, അക ്റമലി തങ്ങൾ, കുക്കാജെ തങ്ങൾ, ത്വാഹാ തങ്ങൾ, അസീസ് ദാരിമി ചൊക്കബെട്ടു, മുഫത്തിശ് ഉമർ ദാരിമി സാൽമറ, റഫീഖ് ഹുദവി കോളാരി, അനീസ് കൗസരി, മിത്തബയിൽ ഇർഷാദ് ദാരിമി, ഹനീഫ ഹാജി മംഗലാപുരം, ഷംസുദ്ദീൻ ദാരിമി ഗാളിമുഖ, മുസൽ ഫൈസി സംബന്ധിച്ചു. ദക്ഷിണ ജില്ലാ സെക്രട്ടറി കെ.എൽ ഉമർ ദാരിമി പട്ടോരീ നന്ദി പറഞ്ഞു.

The Dakshina Kannada district welcome committee has been formed to organize the centenary celebrations of Samastha, a prominent Islamic organization in Kerala. The committee will oversee the preparations and events leading up to the centenary celebrations, which promise to be a grand affair [1]. (Couldn't find more info)