തൃശ്ശൂർ: പ്രഥമ പ്രിയദർശിനി പുരസ്‌കാരത്തിന്റെ തുക വായനശാലയ്ക്ക് തിരികെ നൽകി റാപ്പർ വേടൻ. തളിക്കുളത്തെ പ്രിയദർശിനി വായനശാല വേടന് നൽകിയ പുരസ്കാരത്തിന്റെ തുകയായ ഒരു ലക്ഷം രൂപയാണ് വേടൻ വായനശാലയ്ക്ക് തന്നെ തിരികെ നൽകിയത്. വായന ശാലയിലേക്ക് കൂടുതൽ പുസ്തകങ്ങൾ വാങ്ങണമെന്ന് നിർദേശിച്ചായിരുന്നു വേടൻ പണം തിരികെ കൈമാറിയത്. ഷാഫി പറമ്പിൽ എംപിയാണ് പുരസ്കാരം വേടന് കൈമാറിയത്.

ഷാഫി പറമ്പിലിൽ നിന്ന് പുരസ്‌കാരം ലഭിച്ച ശേഷം നടത്തിയ പ്രസംഗത്തിനിടയിലാണ് പുരസ്‌കാര തുക പ്രിയദർശിനി വായനശാല പ്രസിഡന്റ് ടി.എൻ പ്രതാപന് തിരികെ നൽകുന്നതായി അറിയിച്ചത്. പുരസ്കാരം വാങ്ങാൻ എത്തിയപ്പോൾ തന്നെ വേടൻ കുറച്ച് പുസ്തകം കൊണ്ടുവന്നിരുന്നു. ഈ പുസ്തകത്തോടൊപ്പമാണ്, പുരസ്കാരത്തുകയും ടി.എൻ പ്രതാപന് കൈമാറിയത്. ഒരു ലക്ഷം രൂപയാണ് പുരസ്‌കാരം.

ALSO READ: അറേബ്യന്‍ ഉപദ്വീപില്‍ ആദിമ മനുഷ്യ വാസത്തിന് തെളിവ്; ഷാര്‍ജയില്‍ നിന്ന് കണ്ടെത്തിയത് 80,000 വര്‍ഷം പഴക്കമുള്ള ഉപകരണങ്ങള്‍; കൗതുകമുണര്‍ത്തുന്ന ചിത്രങ്ങള്‍ കാണാം

പുരസ്കാരത്തിനും പ്രസംഗത്തിനും ശേഷം ഏതാനും റാപ്പ് ഗാനങ്ങളും വേടൻ പാടി. നവീകരിച്ച വായനശാലയുടെ ഉദ്ഘാടനവും നടന്നു. ടി എൻ പ്രതാപൻ സംഘടിപ്പിച്ച ചടങ്ങളിൽ വിവിധ രാഷ്ട്രീയ കക്ഷികളുടെ നേതാക്കളും പൊതുപ്രവർത്തകരും പങ്കെടുത്തു. ഇതിനിടെ, സർപ്രൈസായി പ്രതാപന്റെ പിറന്നാൾ കേക്കും ഇവിടെ വെച്ച് മുറിച്ച് എല്ലവർക്കും മധുരം വിതരണം ചെയ്തു.

Rapper Vedan returns the cash award of the first Priyadarshini Award to the library itself. Vedan, who received the inaugural Priyadarshini Award from the Priyadarshini Library in Thalikkulam, handed back the ₹1 lakh prize money to the library. He suggested that the amount be used to purchase more books for the library. The award was presented to Vedan by MP Shafi Parambil.