അമേരിക്കയിലേക്ക് സന്തോഷ പൂർവം യാത്ര ചെയ്യാൻ കാത്തിരുന്ന ഒരു കുടുംബത്തിന് എയർ ഇന്ത്യ സമ്മാനിച്ചത് ദുരിത യാത്ര. മുൻകൂട്ടി ബുക്ക് ചെയ്ത യാത്രയിൽ എയർ ഇന്ത്യ പെട്ടെന്ന് മാറ്റങ്ങൾ വരുത്തിയതോടെ കുടുംബം വ്യത്യസ്ത വിമാനങ്ങളിലും ഭൂഖണ്ഡങ്ങളിലുമായി ചിതറിപ്പോയി. അമേരിക്കയിൽ ഒറ്റപ്പെട്ട വയോധികയുടെ ലഗ്ഗേജ് പോലും ലഭിക്കാതായതോടെ ദുരിതത്തിന്റെ ദിവസങ്ങളാണ് ഇവർക്കുണ്ടായത്. പൂനെയിൽ നിന്നുള്ള കുടുംബത്തിനാണ് ഈ അനുഭവം ഉണ്ടായത്.

നാലംഗ കുടുംബം ജനുവരിയിലാണ് ടിക്കറ്റ് ബുക്ക് ചെയ്തിരുന്നത്. ജൂൺ 27 ന് ആയിരുന്നു യാത്ര പോകേണ്ടിയിരുന്നത്. പൂനെയിൽ നിന്ന് ന്യൂജഴ്‌സിയിലെ ന്യൂവാർക്കിലേക്കുള്ള എയർ ഇന്ത്യ ഫ്ലൈറ്റ് AI-191 വിമാനത്തിലാണ് ബുക്ക് ചെയ്തത്. എന്നാൽ പുറപ്പെടുന്നതിന് തൊട്ടുമുമ്പ്, അവരുടെ വിമാനം റദ്ദാക്കിയതായി അവർക്ക് ഒരു സന്ദേശം ലഭിച്ചു. ഇതോടെയാണ് അവരുടെ മൊത്തം യാത്രകളും അവതാളത്തിലായത്.

എയർ ഇന്ത്യ ആദ്യം വിമാനം റദ്ദാക്കിയതായി പറഞ്ഞു. പിന്നീട് അവർ വിമാനം റീ ഷെഡ്യൂൾ ചെയ്തതായി അറിയിച്ചു. എന്നാൽ വീൽചെയർ സഹായം ആവശ്യമുള്ള 71 വയസ്സുള്ള കുടുംബാംഗമായ വയോധികയ്ക്ക് മാത്രമാണ് ആദ്യ വിമാനത്തിൽ അന്നേ ദിവസം പറക്കാൻ അവസരം നൽകിയത്. ശേഷിക്കുന്ന മൂന്ന് കുടുംബാംഗങ്ങൾക്ക് രണ്ട് ദിവസത്തിന് ശേഷം ഞായറാഴ്ച വൈകുന്നേരം ഉള്ള വിമാനമാണ് ചാർട്ട് ചെയ്ത് നൽകിയത്.

ALSO READ: പുറപ്പെടുന്നതിന് മുൻപ് യന്ത്രത്തകരാർ; പുലർച്ചെ പുറപ്പെടേണ്ട ദുബൈ വിമാനം വൈകുന്നു

എല്ലാ കുടുംബാംഗങ്ങളെയും ഒരുമിച്ച് പോകാൻ അനുവദിക്കണമെന്ന് പലതവണ അഭ്യർത്ഥിച്ചെങ്കിലും ഫലമുണ്ടായില്ല. താമസ ചാർജും അധികമായിരുന്നു എന്നും ടിക്കറ്റ് റിസർവേഷനിൽ കുടുംബത്തെ സഹായിച്ച ശ്രീ വിനായക് ഹോളിഡേയ്‌സിന്റെ സ്ഥാപകനായ സന്തോഷ് ഗുപ്ത പറഞ്ഞു.

''ലഗേജില്ലാതെ വയോധിക ന്യൂവാർക്കിൽ എത്തിയപ്പോൾ സ്ഥിതി കൂടുതൽ വഷളായി. ഇവർ എത്തിച്ചേർന്നതിന് ശേഷം മൂന്ന് നാല് ദിവസത്തിനുള്ളിൽ ബാഗുകൾ എത്തിക്കുമെന്ന് ആണ് എയർ ഇന്ത്യ അവരെ അറിയിച്ചത്. പ്രായമായ യാത്രക്കാരിക്ക് ആവശ്യമായ മരുന്നുകൾ ലഗേജിൽ ഉണ്ടായിരുന്നു. അതോടെ ഈ കാലതാമസം ആശങ്കാജനകമായി. ഈ അനുഭവം ഞങ്ങൾക്ക് ശരിക്കും നിരാശാജനകമായിരുന്നു," ഗുപ്ത പറഞ്ഞു.

ALSO READ: പുരസ്കാരത്തുക പുസ്തകം വാങ്ങാൻ വായനശാലയ്ക്ക് തിരികെ നൽകി വേടൻ; ഒരു ലക്ഷം രൂപയ്ക്കൊപ്പം സമ്മാനമായി പുസ്തകങ്ങളും

ജൂൺ 29 ന് ആണ് കുടുംബത്തിൽ മറ്റു മൂന്ന് കുടുംബാംഗങ്ങൾക്കും യാത്ര ചെയ്യാനായത്. എന്നാൽ അവിടെയും പ്രശ്നങ്ങൾ നേരിട്ട്. ആദ്യം ബുക്ക് ചെയ്യുമ്പോൾ കുടുംബം പ്രത്യേകമായി അടുത്തടുത്ത ഇരിപ്പിടങ്ങൾ ക്രമീകരിച്ചിരുന്നു. എന്നാൽ പുനഃക്രമീകരിച്ച എയർ ഇന്ത്യ വിമാനത്തിൽ അവരുടെ സീറ്റുകൾ പലയിടത്തായാണ് ലഭിച്ചത്. ഒരുമിച്ച് ഇരിക്കാൻ അവർ അഭ്യർത്ഥിച്ചപ്പോൾ, സീറ്റ് മാറ്റത്തിനായി എയർലൈൻ അധിക പണം ആവശ്യപ്പെട്ടു എന്നും ഇവർ പറയുന്നു.

ഇതിന് പുറമെ, മുംബൈയിൽ നിന്നുള്ള പുറപ്പെടൽ കേന്ദ്രം ഡൽഹിയിലേക്ക് മാറ്റിയത് കുടുംബത്തെ കൂടുതൽ യാത്രാ ക്രമീകരണങ്ങൾ ചെയ്യാൻ നിർബന്ധിതരാക്കി. ഇത് കുടുംബത്തിന്റെ പ്രശ്‌നങ്ങൾ കൂടുതൽ വഷളാക്കി.

A joyful trip to the U.S. turned into a distressing ordeal for a family from Pune, thanks to Air India’s last-minute travel disruptions. Despite booking their tickets well in advance, sudden changes by the airline left the family scattered across different flights and even continents. To make matters worse, the elderly member traveling alone in the U.S. was left without her luggage, causing several days of hardship.