കൊച്ചി: എറണാകുളം ജനറൽ ആശുപത്രിയിൽ നടന്ന പ്രസവ ശസ്ത്രക്രിയയ്ക്കിടെ ഗുരുതര ചികിത്സാ പിഴവ് സംഭവിച്ചതായി പരാതി. വൈക്കം കാട്ടിക്കുന്ന് സ്വദേശിനി ഷബീനയുടെ വയറ്റിൽ ശസ്ത്രക്രിയയ്ക്ക് ശേഷം നൂലിന്റെ അവശിഷ്ടങ്ങൾ കണ്ടെത്തിയെന്നാണ് ആരോപണം.

പ്രസവത്തിന് ശേഷം ഷബീനയ്ക്ക് ശാരീരിക അസ്വസ്ഥതകൾ അനുഭവപ്പെട്ടതിനെ തുടർന്ന് കോട്ടയം മെഡിക്കൽ കോളേജ് ആശുപത്രിയിൽ ചികിത്സ തേടി. അവിടെ നടത്തിയ സ്കാനിംഗിലാണ് വയറ്റിൽ നൂൽ കുടുങ്ങിക്കിടക്കുന്നത് കണ്ടെത്തിയത്. തുടർന്ന് നടത്തിയ ശസ്ത്രക്രിയയിലൂടെ നൂൽ നീക്കം ചെയ്തു.

സംഭവത്തിൽ എറണാകുളം ജനറൽ ആശുപത്രിക്കെതിരെ നിയമനടപടി സ്വീകരിക്കുമെന്ന് ഷബീനയുടെ ഭർത്താവ് താജുദ്ദീൻ മാധ്യമങ്ങളോട് വ്യക്തമാക്കി. ആശുപത്രിയുടെ അനാസ്ഥയാണ് ഈ ഗുരുതര വീഴ്ചയ്ക്ക് കാരണമെന്ന് അദ്ദേഹം ആരോപിച്ചു.

Ernakulam General Hospital is under scrutiny for alleged medical malpractice after a thread was found in the stomach of Shabeena, a woman from Vaikom, following obstetric surgery. Post-delivery discomfort led her to Kottayam Medical College, where a scan revealed the thread, later removed via surgery. Her husband, Tajuddin, plans legal action against the hospital.