കോഴിക്കോട്: എസ്എഫ്ഐ ദേശീയ സമ്മേളനത്തിൽ പങ്കെടുക്കാൻ കോഴിക്കോട് മെഡിക്കൽ കോളജ് കാംപസ് ഹൈസ്‌കൂൾ വിദ്യാർഥികൾക്ക് അവധി നൽകിയ സംഭവത്തിൽ പ്രധാനാധ്യാപകന് അനുകൂലമായി ഡി.ഇ.ഒ റിപ്പോർട്ട്. ക്ലാസ് വിട്ടത് സ്‌കൂളിൽ പ്രശ്നങ്ങൾ ഉണ്ടാകാതിരിക്കാനാണെന്ന് റിപ്പോർട്ടിൽ പറയുന്നു. സ്‌കൂൾ വിടണമെന്നു കാണിച്ച് എസ്എഫ്ഐ നേരത്തെ പ്രധാനാധ്യാപകൻ ടി. സുനിലിന് കത്ത് നൽകിയിരുന്നുവെന്നും റിപ്പോർട്ടിൽ പരാമർശമുണ്ട്.

ALSO READ: വിവാദങ്ങൾക്കിടെ ഗവര്‍ണര്‍ രാജേന്ദ്ര ആര്‍ലേക്കറെ സന്ദര്‍ശിച്ച് നിയുക്ത ഡിജിപി

ഡി.ഇ.ഒയുടെ ചുമതലയുള്ള സിറ്റി എ.ഇ.ഒ ആണ് റിപ്പോർട്ട് നൽകിയത്. പൊതുവിദ്യാഭ്യാസ ഡയരക്ടർക്ക് റിപ്പോർട്ട് കൈമാറുമെന്ന് ഡി.ഡി.ഇ കെ. ശിവദാസൻ പറഞ്ഞു. ജില്ലയിലെ എസ്എഫ്ഐ നേതാക്കൾ സ്‌കൂളിലെത്തി ക്ലാസുകൾ വിടണമെന്ന് ആവശ്യപ്പെട്ടിരുന്നു. അവരുമായി സംഘർഷം വേണ്ടെന്നു കരുതിയാണ് ഹൈസ്‌കൂൾ വിഭാഗത്തിലെ ക്ലാസുകൾ വിട്ടതെന്നാണ് പ്രധാനാധ്യാപകൻ ടി. സുനിലിന്റെ വിശദീകരണം. 

The District Education Officer’s report supports the principal's decision to grant leave for the SFI conference, amid criticism and political debate surrounding the move.