തിരുവനന്തപുരം: സംസ്ഥാന പൊലിസ് മേധാവി റവാഡ ചന്ദ്രശേഖർ രാജ്ഭവനിലെത്തി ഗവർണർ രാജേന്ദ്ര വിശ്വനാഥ് ആർലേക്കറെ കണ്ടു. ഇന്നലെ വൈകീട്ടായിരുന്നു കൂടിക്കാഴ്ച. സംസ്ഥാന പൊലിസ് മേധാവിയായി ചുമതലയേൽക്കുന്നവർ രാജ്ഭവനിലെത്തുന്നത് സ്വാഭാവിക നടപടിയാണെങ്കിലും ഗവർണറുടെ സുരക്ഷയ്ക്കായി രാജ്ഭവൻ  ആവശ്യപ്പെട്ട പൊലിസുകാരുടെ പട്ടിക സർക്കാർ വെട്ടിയതിനു ശേഷമുള്ള കൂടിക്കാഴ്ച ശ്രദ്ധിക്കപ്പെട്ടു.

ALSO READ: സർക്കാർ ആശുപത്രികളിലെ സ്ഥിതി ​ഗുരുതരമെന്നത് സത്യം; തുറന്ന് പറഞ്ഞതിന് ഒരാളെ ഭയപ്പെടുത്തുന്നത് ശരിയല്ല; ഡോ. ഹാരിസിനെ ഭീഷണിപ്പെടുത്തുന്നതിൽ സി.പി.എമ്മിനെ വിമർശിച്ച് വി.ഡി. സതീശൻ

ഡി.ജി.പിയോട് ഗവർണർ നീരസം പ്രകടിപ്പിച്ചതായാണ് വിവരം. കഴിഞ്ഞ ദിവസമാണ്  രാജ്ഭവൻ ആവശ്യപ്പെട്ട ആറ് പൊലിസുകാരുടെയും ഒരു ഡ്രൈവറുടെയും സ്ഥലംമാറ്റം ഉത്തരവ് മണിക്കൂറുകൾക്കുള്ളിൽ റദ്ദാക്കിയത്. വിഷയത്തിൽ രാജ്ഭവൻ സർക്കാരിനോട് വിയോജിപ്പ് അറിയിക്കാനിരിക്കെയാണ് പുതിയ ഡി.ജി.പി കൂടിക്കാഴ്ചക്കായി എത്തിയത്. സ്ഥലംമാറ്റം ഉത്തരവ് റദ്ദാക്കിയ നടപടി ഗവർണർ ചൂണ്ടിക്കാണിച്ചുവെന്നാണ് പുറത്തുവരുന്ന വിവരം.

Amid swirling controversies, the newly appointed Director General of Police held a crucial meeting with Governor Rajendra Arlekar.