അബൂദബി: കള്ളപ്പണം വെളുപ്പിക്കല്‍ വിരുദ്ധ (എ.എം.എല്‍) ചട്ടങ്ങള്‍ പാലിക്കുന്നതില്‍ പരാജയപ്പെട്ടതിന് യു.എ.ഇയില്‍ പ്രവര്‍ത്തിക്കുന്ന വിദേശ ബാങ്കിന്റെ ശാഖയ്ക്ക് യു.എ.ഇ സെന്‍ട്രല്‍ ബാങ്ക് (CBUAE) 5.9 മില്യണ്‍ ദിര്‍ഹം പിഴ ചുമത്തി. യു.എ.ഇയുടെ ചട്ടക്കൂടിനും അനുബന്ധ വ്യവസ്ഥകള്‍ക്കുമനുസൃതമായി മതിയായ നടപടികള്‍ നടപ്പാക്കുന്നതില്‍ ബാങ്ക് പരാജയപ്പെട്ടുവെന്ന് പരിശോധനയില്‍ കണ്ടെത്തിയതിനെ തുടര്‍ന്നാണ് നടപടി. എന്നാല്‍, ഈ ബാങ്കിന്റെ പേര് അധികൃതര്‍ വെളിപ്പെടുത്തിയിട്ടില്ല.

2018ലെ ഫെഡറല്‍ ഡിക്രി നിയമ നമ്പര്‍ (20), ആര്‍ട്ടിക്കിള്‍ 14 പ്രകാരമാണ് നടപടി സ്വീകരിച്ചത്. എ.എം.എല്‍ നടപടിയും, തീവ്രവാദത്തിനും നിയമ വിരുദ്ധ സംഘടനകള്‍ക്കും ധനസഹായം നല്‍കുന്നതിനെ ചെറുക്കുന്നത് സംബന്ധിച്ച ഭേദഗതികളും ഇതില്‍ ഉള്‍പ്പെടുന്നു.

മുഴുവന്‍ ബാങ്കുകളും അവരുടെ ജീവനക്കാരും രാജ്യത്തിന്റെ നിയമങ്ങളും നിയന്ത്രണ മാനദണ്ഡങ്ങളും പൂര്‍ണമായും പാലിക്കുന്നുണ്ടെന്നുറപ്പാക്കാന്‍ യു.എ.ഇ സെന്‍ട്രല്‍ ബാങ്ക് അതിന്റെ മേല്‍നോട്ട, നിയന്ത്രണ ഉത്തരവുകള്‍ മുഖേന ലക്ഷ്യമിടുന്നുവെന്ന് പ്രസ്താവനയില്‍ പറഞ്ഞു. സാമ്പത്തിക ഇടപാടുകളിലുടനീളം സുതാര്യതയും സമഗ്രതയും നിലനിര്‍ത്താനും യു.എ.ഇയുടെ സാമ്പത്തിക വ്യവസ്ഥയുടെ സ്ഥിരത സംരക്ഷിക്കാനും ഇത് അത്യാവശ്യമാണ്.
മേല്‍നോട്ട, നിയന്ത്രണ ഉത്തരവാദിത്തങ്ങള്‍ വിശേഷിച്ചും, ലൈസന്‍സുള്ള ധനകാര്യ സ്ഥാപനങ്ങള്‍ക്കിടയില്‍ നിറവേറ്റി എ.എം.എല്‍, തീവ്രവാദ വിരുദ്ധ ധനസഹായ ആവശ്യകതകള്‍ പാലിക്കുന്നതില്‍ സി.ബി.യു.എ.ഇ തങ്ങളുടെ പ്രതിജ്ഞാബദ്ധത ആവര്‍ത്തിച്ചു വ്യക്തമാക്കി.

UAE Central Bank fines foreign bank branch Dh5.9 million The Central Bank of the UAE (CBUAE) has imposed a financial penalty of Dh5.9 million on a foreign bank branch operating within the country for failing to comply with anti-money laundering regulations. 
The name of the bank penalised by the apex bank was not disclosed.