കോട്ടയം: കോട്ടയം മെഡിക്കൽ കോളജ് ആശുപത്രിയിലെ കെട്ടിടം തകർന്നു വീണ് ഒരു മരണം. കെട്ടിട അവശിഷ്ടത്തിൽ നിന്ന് പുറത്തെടുത്ത സ്ത്രീയാണ് മരിച്ചത്. തലയോലപ്പറമ്പ് സ്വദേശി ബിന്ദുവാണ് (54) മരിച്ചത്. അപകടം നടന്ന് രണ്ടുമണിക്കൂറിന് ശേഷമാണ് ഇവരെ പുറത്തെടുത്തത്. രക്ഷാപ്രവർത്തനം വൈകിയതാണ് മരണത്തിന് കാരണമായത്. ആരും ഉപയോഗിക്കാത്ത കെട്ടിടം എന്ന് മന്ത്രിമാരായ വീണ ജോർജ്ജും വി.എൻ വാസവനും പറഞ്ഞിടത്ത് നിന്നാണ് ഒരാളെ മരിച്ച നിലയിലേക്ക് കാര്യങ്ങൾ എത്തിയത്. 11 മണിക്ക് ആയിരുന്നു അപകടം ഉണ്ടായത്.

പതിനാലാം വാർഡിന്റെ ഒരു ഭാഗമാണ് തകർന്നത്. അപകടത്തിൽ രണ്ടുപേർക്കു പരുക്കു പറ്റിയെന്നാണു വിവരം. രാവിലെ പതിനൊന്നുമണിയോടെയാണു കെട്ടിടം ഇടിഞ്ഞുവീണത്. കാലപ്പഴക്കവും ബലക്ഷയവുമാണ് കെട്ടിടം തകരാൻ കാരണമെന്നാണ് പ്രാഥമിക വിവരം. രക്ഷാപ്രവർത്തനം വൈകിയതിനെതിരെ കോൺഗ്രസ് നേതാക്കൾ ചോദ്യങ്ങൾ ഉന്നയിച്ചിരുന്നു. സ്ഥലത്ത് ഉള്ള ചാണ്ടി ഉമ്മൻ എംഎൽഎ രക്ഷാപ്രവത്തനത്തിൽ അനാസ്ഥ ഉണ്ടായതായി ആരോപണം ഉന്നയിച്ചു.

ALSO READ: ഇവയാണ് ഗസ്സയിലെ പിഞ്ചുമക്കളുടെ ചോരപുരണ്ട ആ കൈകള്‍;  ഇസ്‌റാഈലിന് സഹായം നല്‍കുന്ന കോര്‍പറേറ്റ് കമ്പനികളുടെ ലിസ്റ്റ് പുറത്തു വിട്ട് യു.എന്‍

അപകടത്തിൽ വയനാട് മീനങ്ങാടി സ്വദേശിയായ പതിനൊന്ന് വയസുകാരി അലീന വിൻസന്റിന് ആണ് പരുക്കേറ്റത്. ശസ്ത്രക്രിയ കഴിഞ്ഞ് ചികിത്സയിൽ കഴിയുന്ന മുത്തശി ത്രേസ്യാമ്മയുടെ കൂടെ ബൈ സ്റ്റാൻഡറായി നിൽക്കുകയായിരുന്നു അലീന. കുട്ടിയുടെ പരുക്ക് ഗുരുതരമല്ല. അലീനയ്ക്ക് പുറമെ മെഡിക്കൽ കോളേജ് ജീവനക്കാരനായ ഒരാൾക്കും പരുക്കേറ്റിട്ടുണ്ട്

പരിക്കേറ്റവരുടെ പരുക്കുകൾ സാരമുള്ളതല്ല. കെട്ടിടം ഉപേക്ഷിച്ചെങ്കിലും ഇവിടെ ശുചിമുറി ഉണ്ടായിരുന്നു. മൂന്നുനില കെട്ടിടത്തിന്റെ ശുചിമുറിയാണ് ഇടിഞ്ഞുവീണതെന്ന് ആശുപത്രി സൂപ്രണ്ട് ഡോ. ടി.കെ. ജയകുമാർ അറിയിച്ചു. 11, 14, 10 വാർഡുകളാണ് ഇവിടെ പ്രവർത്തിച്ചിരുന്നത്. താഴത്തെ രണ്ടു ശുചിമുറികളും പൂർണമായി ഉപയോഗിച്ചിരുന്നില്ല എന്നും അദ്ദേഹം പറഞ്ഞു. കെട്ടിടത്തിന് ഏറെ കാലപ്പഴക്കമുണ്ട്. 

One person has died in the building collapse at Kottayam Medical College Hospital. The identity of the deceased is yet to be confirmed. The victim is a woman who was pulled out from the debris nearly two hours after the incident. Reports suggest that the delay in rescue operations contributed to the fatality.