വാഷിങ്ടണ്‍: ഗസ്സയില്‍ നടത്തുന്ന വംശഹത്യക്ക് ഇസ്‌റാഈലിന് സഹായം നല്‍കുന്ന കോര്‍പറേറ്റുകളുടേയും കമ്പനികളുടേയും പേരുകള്‍ പുറത്തു വിട്ട് യു.എന്‍. ഗസ്സയിലെ മനുഷ്യാവകാശ ലംഘനങ്ങളെ കുറിച്ച് പഠിക്കുന്ന റിപ്പോര്‍ട്ടറാണ് ഇതുസംബന്ധിച്ച വിവരങ്ങള്‍ പുറത്തുവിട്ടത്. അന്താരാഷ്ട്ര നിയമങ്ങള്‍ ലംഘിച്ച് ഫലസ്തീനികളുടെ കുടിയിറക്കത്തിനും ഗസ്സക്കെതിരായ വംശഹത്യാ യുദ്ധത്തിനും ഇസ്‌റാഈലിനെ സഹായിക്കുന്ന കമ്പനികളുടെ രേഖകള്‍ സംബന്ധിച്ചാണ് അധിനിവേശ ഫലസ്തീന്‍ പ്രദേശത്തെ മനുഷ്യാവകാശ സ്ഥിതിയെക്കുറിച്ചുള്ള ഐക്യരാഷ്ട്രസഭയുടെ പ്രത്യേക റിപ്പോര്‍ട്ടര്‍ (ഒ.പി.ടി) പുറത്തിറക്കിയ പുതിയ റിപ്പോര്‍ട്ടില്‍ പറയുന്നത്.  

48 കോര്‍പ്പറേറ്റ് കമ്പനികളാണ് പ്രധാനമായും വംശഹത്യക്കായി ഇസ്‌റാഈലിന് സഹായം നല്‍കുന്നതെന്ന് ഫ്രാന്‍സിസ്‌ക അല്‍ബനീസിന്റെ റിപ്പോര്‍ട്ടില്‍ ചൂണ്ടിക്കാട്ടുന്നത്. യു.എസ് ടെക് ഭീമന്‍ മൈക്രോസോഫ്റ്റ്, ഗൂഗിളിന്റെ മാതൃകമ്പനി അല്‍ഫബെറ്റ്, ആമസോണ്‍ തുടങ്ങിയവ പട്ടികയില്‍ ഉള്‍പെടുന്നു. അന്വേഷണത്തിന്റെ ഭാഗമായി 1000-ലധികം കോര്‍പ്പറേറ്റ് സ്ഥാപനങ്ങളുടെ ഡാറ്റാബേസും റിപ്പോര്‍ട്ടിനൊപ്പം ചേര്‍ത്തിട്ടുണ്ട്.

ഇസ്‌റാഈല്‍ നിര്‍മിക്കുന്ന എഫ്35 വിമാനത്തിന് വേണ്ടി അസംസ്‌കൃത വസ്തുക്കള്‍ ഉള്‍പ്പടെ നല്‍കുന്നത് യു.എസ് കമ്പനിയായ ലോക്ക്‌ഹെഡ് മാര്‍ട്ടിനാണ്. ജാപ്പനീസ് കമ്പനിയായ ഫാനുക് കോര്‍പറേഷനാണ് റോബോട്ടിക് ആയുധങ്ങള്‍ നിര്‍മിക്കാന്‍ സഹായം നല്‍കുന്നത്.ഇറ്റാലിയന്‍ കമ്പനിയാ ലിയോനാര്‍ഡോയാണ് ഇസ്രായേലിന് ആയുധസഹായം നല്‍കുന്ന കമ്പനി.

മൈക്രോസോഫ്റ്റ്, ആല്‍ഫബെറ്റ്, ആമസോണ്‍ തുടങ്ങിയ കമ്പനികള്‍ അവരുടെ ക്ലൗഡ് എ.ഐ സാങ്കേതികവിദ്യ ഉപയോഗിക്കാന്‍ അനുവദിക്കുന്നു. ഇസ്‌റാഈല്‍ സൈന്യത്തിനും ഇന്റലിജന്‍സ് ഏജന്‍സിക്കും പരിശീലനം കൊടുക്കാന്‍ സഹായിക്കുന്നതും ഐ.ബി.എമ്മാണ്- റിപ്പോര്‍ട്ടില്‍ ചൂണ്ടിക്കാട്ടുന്നു. 

ബുക്കിങ്.കോം, എയര്‍ബിഎന്‍ബി തുടങ്ങിയ കമ്പനികള്‍ അനധികൃത സെറ്റില്‍മെന്റുകളെ ആപുകളില്‍ ലിസ്റ്റ് ചെയ്ത് വിവാദത്തിലായിട്ടുണ്ട്. വീടുകള്‍ തകര്‍ക്കാന്‍ വലിയ യന്ത്രങ്ങള്‍ നല്‍കി ദക്ഷിണകൊറിയയിലെ എച്ച്.ഡി ഹ്യുണ്ടായി, സ്വീഡനിലെ വോള്‍വോ ഗ്രൂപ്പ് എന്നിവയും ഇസ്‌റാഈലിന് സഹായം നല്‍കുന്നു.

ALSO READ: കാസ ക്രിസ്ത്യന്‍ സമൂഹത്തിനിടയില്‍ മുസ്‌ലിം വിദ്വേഷം വളര്‍ത്തുന്നു: സജി ചെറിയാന്‍; മുസ്‌ലിം ലീഗ് വര്‍ഗീയ രാഷ്ട്രീയം പ്രചരിപ്പിക്കുന്ന പാര്‍ട്ടിയെന്നും മന്ത്രി 

ചൈനീസ് കമ്പനിയായ നുവയാണ് ഇസ്‌റാഈലിലെ വലിയ ഫുഡ് വിതരണകമ്പനികളിലൊന്ന്. ഫ്രാന്‍സിന്റെ ബി.എന്‍.പി പാരിബാസ്, യു.കെയിലെ ബാര്‍ക്ലേയ്‌സ് എന്നിവ ഇസ്‌റാഈലിന്റെ ക്രെഡിറ്റ് റേറ്റ് കുറയാതിരിക്കാന്‍ സഹായിക്കുന്നു. 2023 ഒക്ടോബറില്‍ ഗസ്സയില്‍ യുദ്ധം ആരംഭിച്ചതിനുശേഷം യു.എസ് സോഫ്റ്റ്വെയര്‍ പ്ലാറ്റ്ഫോമായ പാലന്തിര്‍ ടെക്നോളജീസ് ഇസ്‌റാഈല്‍ സൈന്യത്തിനുള്ള പിന്തുണ വിപുലീകരിച്ചതായി കണ്ടെത്തിയെന്നും റിപ്പോര്‍ട്ടില്‍ പറയുന്നു. യുദ്ധക്കളത്തില്‍ ഓട്ടോമേറ്റഡ് തീരുമാനമെടുക്കലിനായി ഉപയോഗിക്കുന്ന ഓട്ടോമാറ്റിക് പ്രെഡിക്റ്റീവ് പൊലിസിങ് സാങ്കേതികവിദ്യ കമ്പനി നല്‍കിയെന്ന് വിശ്വസിക്കാന്‍ 'ന്യായമായ കാരണങ്ങളുണ്ടെന്ന്' റിപ്പോര്‍ട്ടില്‍ പറയുന്നു. 'ലാവെന്‍ഡര്‍', 'ഗോസ്‌പെല്‍', 'വെര്‍ ഈസ് ഡാഡി?' തുടങ്ങിയ കൃത്രിമ ഇന്റലിജന്‍സ് സംവിധാനങ്ങള്‍ ഉള്‍പ്പെടെ ഡാറ്റ പ്രോസസ്സ് ചെയ്യുന്നതിനും ലക്ഷ്യങ്ങളുടെ പട്ടിക സൃഷ്ടിക്കുന്നതിനും സഹായകമായി റിപ്പോര്‍ട്ടില്‍ പറയുന്നു. 

ALSO READ: അനധികൃത കുടിയേറ്റക്കാരനെന്ന് ആരോപണം, അറസ്റ്റ് ചെയ്യുമെന്ന് ഭീഷണി; സംഹ്‌റാന്‍ മംദാനെ പുറത്താക്കാന്‍ വഴികള്‍ തേടി ട്രംപ് , പൗരത്വം റദ്ദാക്കാനും നീക്കം

ലിസ്റ്റ് ചെയ്ത നിരവധി കമ്പനികള്‍ക്ക് പിന്നിലെ പ്രധാന നിക്ഷേപകരായി യു.എസ് ബഹുരാഷ്ട്ര നിക്ഷേപ കമ്പനികളായ ബ്ലാക്ക് റോക്ക്, വാന്‍ഗാര്‍ഡ് എന്നിവയാണെന്നും റിപ്പോര്‍ട്ട് ചൂണ്ടിക്കാട്ടുന്നു. വംശഹത്യക്ക് സഹായം നല്‍കുന്ന ഈ കമ്പനികള്‍ക്കെതിരെ നിയമപരമായ നടപടി സ്വീകരിക്കാനും സാധിക്കുമെന്നും യു.എന്‍ പറയുന്നു.

സ്വകാര്യ കമ്പനികളും അന്താരാഷ്ട്ര നിയമങ്ങള്‍ പാലിക്കേണ്ടതാണെന്ന് റിപ്പോര്‍ട്ട് ചൂണ്ടിക്കാട്ടുന്നു. അവര്‍ നേരിട്ടോ അവരുടെ ബിസിനസ് പങ്കാളിത്തങ്ങളിലോ മനുഷ്യാവകാശ ലംഘനങ്ങള്‍ നടത്തുന്നില്ലെന്ന് കമ്പനികള്‍ ഉറപ്പ് വരുത്തേണ്ടതാണ്. ഇക്കാര്യം ഉറപ്പുവരുത്തേണ്ട ഉത്തരവാദത്വം സ്റ്റേറ്റുകള്‍ക്ക് കൂടിയാണെന്നും യു.എന്‍ ചൂണ്ടിക്കാട്ടുന്നു. 

A new UN report on the Occupied Palestinian Territories lists companies allegedly assisting Israel in its military actions and forced displacement in Gaza, describing the situation as a violation of international law and potential genocide against Palestinians.