പത്തനംതിട്ട: വളര്‍ത്തു നായയുമായി ഡോക്ടര്‍ ആശുപത്രിയിലെത്തിയ സംഭവത്തില്‍ നടപടിയെടുക്കാന്‍ നിര്‍ദേശം നല്‍കി മുഖ്യമന്ത്രിയുടെ ഓഫീസ്. പത്തനംതിട്ട ജനറൽ ആശുപത്രി ആർ.എം.ഓ ഡോ. ദിവ്യ രാജനാണ് വളര്‍ത്തു നായയുമായി ആശുപത്രിയിലെത്തിയത്. ഗുരുതര രോഗികൾ ഉൾപ്പെടെ എത്തുന്ന ആശുപത്രിക്കകത്ത് നായയുമായി എത്തിയതിൽ വിമർശനമുയർന്നിരുന്നു. സംഭവത്തിൽ ഹൈക്കോടതി അഭിഭാഷകനും പൊതു പ്രവര്‍ത്തകനുമായ അഡ്വ. കുളത്തൂര്‍ ജയ്സിങ് മുഖ്യമന്ത്രിക്ക് പരാതി നല്‍കിയിരുന്നു. ഇതിലാണ് ഇപ്പോൾ മുഖ്യമന്ത്രിയുടെ ഓഫീസിൽ നിന്ന് നടപടിക്ക് നിർദേശം ഉണ്ടായത്.

ഡോക്ടർ നായയുമായി ആശുപത്രിക്കകത്ത് നിൽക്കുന്ന ചിത്രങ്ങൾ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു. നായയെ ആശുപത്രിയിൽ പ്രവേശിപ്പിച്ച നടപടി ശരിയായി കാണുവാന്‍ കഴിയില്ല എന്ന് കാണിച്ചാണ് മുഖ്യമന്ത്രിയ്ക്ക് പരാതി നൽകിയിരുന്നത്. രോഗികളും ആരോഗ്യപ്രവര്‍ത്തകരും തികഞ്ഞ ജാഗ്രതയോടെ പ്രവര്‍ത്തിക്കുന്ന ആശുപത്രിയില്‍ ഡോക്ടര്‍ വളര്‍ത്തു നായയുമായി എത്തിയത് മര്യാദ ലംഘനമാണെന്നും പരാതിയില്‍ പറയുന്നു.

ALSO READ: ഇന്ത്യൻ അതിർത്തി കാക്കാൻ 'പറക്കും ടാങ്കുകൾ' എത്തുന്നു; അമേരിക്കൻ നിർമിത അപ്പാച്ചെ ഹെലികോപ്റ്ററുകൾ ഈ മാസം എത്തും

മുഖ്യമന്ത്രിയുടെ ഓഫീസ് നടപടിയെടുക്കാൻ നിർദേശിച്ചതിന് പിന്നാലെ സംഭവത്തിൽ വകുപ്പ് തല അന്വേഷണം ഉണ്ടാകും. ശേഷമാകും നടപടിയിലേക്ക് കടക്കുക. അവധി ദിവസത്തിൽ നായയെ വെറ്റിനറി ആശുപത്രിയിലേയ്ക്ക് കൊണ്ടുപോകുമ്പോള്‍ ഓഫീസില്‍ കയറിയതാണെന്നാണ് ഡോ. ദിവ്യ രാജന്‍ വിഷയത്തിൽ പ്രതികരിച്ചത്. വാഹനം പാർക്ക് ചെയ്ത് അതിൽ നായയെ ഇരുത്തി പോകാന്‍ കഴിയാത്തതു കൊണ്ടാണ് ഒപ്പം ആശുപത്രിയിലേക്ക് കൊണ്ടുവന്നതെന്നും ദിവ്യ രാജന്‍ പറഞ്ഞിരുന്നു.

The Chief Minister’s Office (CMO) has issued a directive to take action against a doctor who brought her pet dog into the Pathanamthitta General Hospital premises. The doctor involved is Dr. Divya Rajan, the Resident Medical Officer (RMO) of the hospital. The incident drew public criticism, especially since the hospital caters to seriously ill patients.