കരിന്തളം: കാലാവസ്ഥയിലുണ്ടായ വ്യതിയാനം കാരണം മലയോരത്ത് പച്ചക്കറി കൃഷി നശിക്കുന്നു. തുടര്‍ച്ചയായ മഴയും മൂടിക്കെട്ടിയ കാലാവസ്ഥയുമാണു പച്ചക്കറി കൃഷിക്ക് പ്രതികൂലമായി മാറിയത്. ഏക്കര്‍ കണക്കിനു പച്ചക്കറികള്‍ ഇത്തരത്തില്‍ ചീഞ്ഞളിഞ്ഞു പോയിട്ടുണ്ട്.
കിനാനൂര്‍ കരിന്തളം പഞ്ചായത്തിലെ കരിന്തളം കുറുവാട്ട് വീട്ടില്‍ കെ സുരേന്ദ്രന്റെ രണ്ടരയേക്കറോളം പച്ചക്കറി കൃഷിയാണു നശിച്ചുപോയത്.
തൈകള്‍ വേരോടെ ചീഞ്ഞ നിലയിലാണ്.
ഓണം വിപണി ലക്ഷ്യമിട്ടു കൃഷി ചെയ്ത പച്ചക്കറികളാണ് നശിച്ചത്.
സ്ഥലം പാട്ടത്തിനെടുത്തും വായ്പയെടുത്തും കൃഷി ചെയ്ത കര്‍ഷകരാണ് ഇതോടെ ദുരിതത്തിലായത്.