ഫിഫ ക്ലബ് ലോകകപ്പിന്റെ സെമി ഫൈനലിലേക്ക് മുന്നേറി നിലവിലെ യൂറോപ്യൻ ചാമ്പ്യന്മാരായ പാരീസ് സെയ്ന്റ് ജെർമെയ്ൻ. ക്വാർട്ടറിൽ ജർമൻ ക്ലബ് ബയേൺ മ്യൂണിക്കിനെ വീഴ്ത്തിയാണ് ഫ്രഞ്ച് വമ്പന്മാർ സെമിയിലേക്ക് യോഗ്യത നേടിയത്. മത്സരത്തിൽ എതിരില്ലാത്ത രണ്ട് ഗോളുകൾക്കായിരുന്നു പിഎസ്ജിയുടെ വിജയം. ഡിസൈർ ഡൗ, ഉസ്മാൻ ഡെംബെലെ എന്നിവരാണ് പിഎസ്ജിക്കായി ലക്ഷ്യം കണ്ടത്.   

ചരിത്രത്തിൽ ആദ്യമായണ് പിഎസ്ജി പ്രധാനപ്പെട്ട ടൂർണമെന്റുകളിൽ നോക്ക് ഔട്ട് മത്സരങ്ങളിൽ തുടർച്ചയായി അഞ്ചു മത്സരങ്ങൾ വിജയിക്കുന്നത്. കഴിഞ്ഞ ചാമ്പ്യൻസ് ലീഗിൽ മൂന്ന് വിജയവും ഇപ്പോൾ നടന്നുകൊണ്ടിരിക്കുന്ന ഫിഫ ക്ലബ് ലോകകപ്പിൽ രണ്ട് മത്സരങ്ങളിലും ആണ് പാരീസ് വിജയിച്ചത്. ചാമ്പ്യൻസ് ലീഗ് സെമി ഫൈനലിൽ ആഴ്സണലിനെ രണ്ട് ലെഗുകളിലും പിഎസ്ജി പരാജയപ്പെടുത്തിയിരുന്നു. ആദ്യ പാദ മത്സരത്തിൽ ഏകപക്ഷീയമായ ഒരു ഗോളിനും രണ്ടാം പാദ മത്സരത്തിൽ ഒന്നിനെതിരെ രണ്ട് ഗോളുകൾക്കുമാണ് പിഎസ്ജി വിജയിച്ചത്,

പിന്നീട് ഫൈനൽ പോരാട്ടത്തിൽ ഇറ്റാലിയൻ വമ്പന്മാരായ ഇന്റർ മിലാനെയും വീഴ്ത്തിയാണ് പാരീസ് നോക്ക് ഔട്ട് മത്സരങ്ങളിലെ തങ്ങളുടെ മൂന്നാം വിജയം സ്വന്തമാക്കിയത്. മത്സരത്തിൽ എതിരില്ലാത്ത അഞ്ചു ഗോളുകൾക്കായിരുന്നു പിഎസ്ജി വിജയിച്ചത്. ഈ വിജയത്തിന് പിന്നാലെ ചരിത്രത്തിലെ പാരീസ് സെയ്ന്റ് ജെർമെയ്ൻ ചരിത്രത്തിലെ ആദ്യ യുവേഫ ചാമ്പ്യൻസ് ലീഗ് കിരീടവും സ്വന്തമാക്കിയിരിക്കുകയാണ്ന്നു. കലാശപ്പോരാട്ടത്തിൽ പിഎസ്‌ജിക്കായി അഷറഫ് ഹക്കിമി (12'), ഡിസൈർ ഡൗ (20', 63'), ക്വിച്ച ഖ്വാരസ്കേലിയ (73'), സെന്നി മയൂലു (86') എന്നിവരാണ് ഗോളുകൾ നേടിയത്. 

ഫിഫ ക്ലബ് ലോകകപ്പിലെ പ്രീ ക്വർട്ടർ പോരാട്ടത്തിൽ ലയണൽ മെസിയുടെ ഇന്റർ മയാമിയെ തകർത്താണ് പാരീസ് നാലാം വിജയം സ്വന്തമാക്കിയയത്. മത്സരത്തിൽ എതിരില്ലാത്ത നാല് ഗോളുകൾക്കായിരുന്നു പിഎസ്ജിയുടെ ജയം. ഇപ്പോൾ ബയേൺ മ്യൂണിക്കിനെയും തകർത്തുകൊണ്ട് പിഎസ്ജിയുടെ ചരിത്രത്തിലെ എക്കാലത്തെയും മികച്ച വിജയകുതിപ്പാണ് നടത്തിക്കൊണ്ടിരിക്കുന്നത്. സെമി ഫൈനലിൽ സ്പാനിഷ് വമ്പന്മാരായ റയൽ മാഡ്രിഡിനെയാണ് പിഎസ്ജി നേരിടുക. ജൂലൈ പത്തിനാണ് സെമി ഫൈനൽ പോരാട്ടം. 

Defending European champions Paris Saint-Germain have advanced to the semi-finals of the FIFA Club World Cup The French giants qualified for the semi-finals by defeating German club Bayern Munich in the quarter-finals