കുവൈത്ത് സിറ്റി: കുവൈത്തിൽ ഓടി രക്ഷപ്പെടാൻ ശ്രമിച്ച മയക്കുമരുന്ന് കേരിയർമാരായ മൂന്ന് പ്രവാസികളെ പോലിസ് പിന്തുടർന്ന് പിടികൂടി. കുവൈറ്റിലെ ഹവല്ലി സുരക്ഷാ വിഭാഗം സൽമിയയിൽ വെച്ച് ആണ് മയക്കുമരുന്നുമായി മൂന്ന് പ്രവാസികളെ അറസ്റ്റ് ചെയ്തത്. 

സംഭവത്തെ കുറിച്ച് പോലിസ് പറയുന്നത് ഇപ്രകാരം: കഴിഞ്ഞ ദിവസം വൈകുന്നേരം നടത്തിയ പതിവ് വാഹന പരിശോധനക്കിടെ സംശയാസ്പദമായ രീതിയിൽ ഒരു കാർ കണ്ടെത്തി. 

പോലീസിനെ കണ്ടപ്പോൾ വാഹനം ഓടിച്ച് രക്ഷപ്പെടാൻ ശ്രമിച്ചെങ്കിലും പട്രോളിംഗ് സംഘം പിന്തുടർന്ന് ചെയ്‌സ് ചെയ്തു തടഞ്ഞു നിർത്തി. ചോദ്യം ചെയ്യലിൽ ഇവർ പ്രവാസികൾ ആണെന്ന് തിരിച്ചറിഞ്ഞു. തുടർന്ന് കാറിൽ നടത്തിയ പരിശോധനയിൽ മയക്കുമരുന്ന്, മയക്കുമരുന്ന് ഉപയോഗിക്കാനുള്ള ഉപകരണങ്ങൾ, പണം എന്നിവ കണ്ടെടുത്തു. ഇതോടെ മൂന്ന് പേരെയും കസ്റ്റഡിയിൽ എടുക്കുകയായിരുന്നു. പിടിച്ചെടുത്ത സാധനങ്ങൾ കൂടുതൽ പരിശോധനകൾക്കായി ജനറൽ ഡിപ്പാർട്ട്‌മെന്റ് ഫോർ ഡ്രഗ് കൺട്രോളിന് കൈമാറി. പ്രതികളുടെ വിവരങ്ങൾ പുറത്തു വീട്ടിട്ടില്ല.

Patrol officers from the Hawalli Security Directorate arrested three expatriates in Salmiya after discovering narcotics, drug paraphernalia, and a sum of money in their possession.