എരുമപ്പെട്ടി: എരുമപ്പെട്ടിയില്‍ ബൈക്കുകള്‍ തമ്മില്‍ കൂട്ടിയിടിച്ച് യുവാക്കള്‍ക്ക് പരുക്കേറ്റു. കടങ്ങോട് പാറപ്പുറം സ്വദേശികളായ തേരണ്ടിയില്‍ വിനയന്‍ (20), പാറക്കല്‍ ഷനോജ് (22) എന്നിവര്‍ക്കാണ് പരുക്കേറ്റത്. ഞായറാഴ്ച രാത്രി ഒന്‍പത് മണിയോടെ എരുമപ്പെട്ടി കടങ്ങോട് റോഡ് സെന്ററില്‍ വെച്ചാണ് അപകടം നടന്നത്. കാലുകള്‍ക്കും തലക്കും പരുക്കേറ്റ യുവാക്കളെ എരുമപ്പെട്ടി ആക്ട്‌സ് പ്രവര്‍ത്തകര്‍ മുളങ്കുന്നത്ത്കാവ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.