തിരുവനന്തപുരം: കേരള സർവകലാശാല രജിസ്ട്രാർ ഡോ. കെ.എസ് അനിൽകുമാർ സർവകലാശാലയിൽ കയറരുതെന്ന് നോട്ടിസ് നൽകി താത്കാലിക വിസി ഡോ. സിസ തോമസ്. അനിൽകുമാറിന്റെ സസ്പെൻഷൻ പിൻവലിച്ചിട്ടില്ലെന്ന് നോട്ടിസിൽ പറയുന്നു. രജിസ്ട്രാറുടെ ഓഫീസ് ഉപയോഗിച്ചാൽ അച്ചടക്ക നടപടി എടുക്കുമെന്നും വിസി നൽകിയ നോട്ടിസിൽ മുന്നറിയിപ്പ് നൽകുന്നു. കഴിഞ്ഞ ദിവസം ചേർന്ന സിൻഡിക്കേറ്റ് യോഗം അനിൽകുമാറിന്റെ സസ്പെൻഷൻ പിൻവലിക്കാൻ തീരുമാനിച്ചിട്ടില്ലെന്നും വിസി വ്യക്തമാക്കുന്നു.

രജിസ്ട്രാറായി കെ.എസ് അനിൽകുമാർ തുടരുന്നതിൽ ഹൈക്കോടതി അനുകൂല നിലപാട് എടുത്തെങ്കിലും സിസ തോമസ് ഇത് അംഗീകരിച്ചിട്ടില്ല. ഫയലുകൾ രജിസ്ട്രാർ മുഖേന അയക്കേണ്ടതില്ലെന്ന് വി.സി ജോയിന്റ് രജിസ്ട്രാർമാർക്ക് നിർദേശം നൽകി. കഴിഞ്ഞ ദിവസം രജിസ്ട്രാറുടെ സസ്പെൻഷൻ റദ്ദാക്കിയത് നിയമവിരുദ്ധമാണെന്നു ചൂണ്ടിക്കാണിച്ച് ഗവർണർക്ക് റിപ്പോർട്ടു നൽകിയതിനു പിന്നാലെയാണ് വി.സിയുടെ പുതിയ നിർദേശം. സിൻഡിക്കറ്റ് തീരുമാനത്തിൽ ഉചിതമായ ഫോറത്തെ സമീപിക്കാമെന്ന് ഹൈക്കോടതി പറഞ്ഞിരുന്നു. തുടർന്നാണ് വി.സി രാജ്ഭവന് റിപ്പോർട്ട് നൽകിയത്.

ALSO READ: കേന്ദ്ര നയങ്ങള്‍ക്കെതിരെ തൊഴിലാളി സംഘടനകള്‍ പ്രഖ്യാപിച്ച ദേശീയ പണിമുടക്കില്‍ തിരുവനന്തപുരത്തും കൊച്ചിയിലും തൃശൂരും കൊല്ലത്തും ബസുകള്‍ തടഞ്ഞു

സിൻഡിക്കേറ്റ് നിർദേശത്തെ തുടർന്ന് രജിസ്ട്രാറായി തിരികെ ചുമതലയേറ്റെടുത്ത ഡോ.കെ.എസ് അനിൽകുമാർ ഇന്നലെയും സർവകലാശാലയിലെത്തി. രജിസ്ട്രാറുടെ ചുമതലയിലേക്ക് വി.സി നിയമിച്ച മിനി കാപ്പൻ ഇതുവരെ ചുമതലയേറ്റെടുത്തിട്ടില്ല. രജിസ്ട്രാറെ തിരിച്ചെടുത്ത സിൻഡിക്കേറ്റ് തീരുമാനം ഗവർണർക്കു റദ്ദാക്കാമെന്നും ആവശ്യമെങ്കിൽ സിൻഡിക്കേറ്റ് പിരിച്ചുവിടാമെന്നും ഗവർണർക്കു നിയമോപദേശം ലഭിച്ചു. വിഷയത്തിൽ രാജ്ഭവൻ അഭിഭാഷകനും സ്വകാര്യ അഭിഭാഷകരും ഒരേ തീരുമാനമാണ് അറിയിച്ചത്. ജോയിന്റ് രജിസ്ട്രാറായിരുന്ന പി.ഹരികുമാറിനെതിരേയും നടപടിയുണ്ടാകുമെന്നും വിവരമുണ്ട്. കഴിഞ്ഞ ഞായറാഴ്ച വി.സി യോഗം പിരിച്ചുവിട്ടു എന്നറിയിച്ചതിനു ശേഷം ചേർന്ന സിൻഡിക്കേറ്റ് യോഗത്തിൽ പങ്കെടുത്തതിന് ഹരികുമാറിനെ ചുമതലകളിൽനിന്ന് നീക്കിയിരുന്നു.

അവധിയിലുള്ള വൈസ് ചാൻസിലർ ഡോ.മോഹനൻ കുന്നുമ്മൽ ഇന്ന് തിരികെയെത്തും. സർവകലാശാലയിലേക്ക് ഡോ.മോഹനൻ കുന്നുമ്മൽ എത്തിയാൽ തടയുമെന്ന് എസ്.എഫ്.ഐ നേതൃത്വം അറിയിച്ചിട്ടുണ്ട്. സ്ഥിതിഗതികൾ സങ്കീർണമാകുന്ന സാഹചര്യത്തിൽ വിഷയത്തിൽ ഗവർണർ സ്വീകരിക്കുന്ന തുടർനടപടി നിർണായകമാണ്. കടുത്ത നടപടികളിലേക്ക് ഗവർണർ കടന്നാൽ തെരുവിൽ പ്രതിഷേധവും രൂക്ഷമാകുന്ന സാഹചര്യമുണ്ടാകും.

In a new twist to the ongoing administrative tussle, Kerala University’s interim Vice Chancellor Dr. C.S. Thomas has issued a notice to Registrar Dr. K.S. Anilkumar, barring him from entering the university premises. The notice states that Anilkumar’s suspension has not been officially revoked, despite reports of the Syndicate meeting deciding otherwise. The Vice Chancellor warned that any attempt by the suspended registrar to access the office or perform official duties would result in disciplinary action.