കേന്ദ്രത്തിന്റെ തൊഴിലാളി വിരുദ്ധ, കര്‍ഷക വിരുദ്ധ, കോര്‍പറേറ്റ് അനുകൂല നയങ്ങള്‍ക്കെതിരെ പ്രതിഷേധിക്കാന്‍ സര്‍ക്കാര്‍ മേഖലകളില്‍ നിന്നുള്ള 25 കോടിയിലധികം തൊഴിലാളികള്‍ ഇന്ന് രാജ്യവ്യാപകമായി പണിമുടക്ക് സംഘടിപ്പിക്കുന്നു.

കര്‍ഷക സംഘടനകളുടെയും ഗ്രാമീണ തൊഴിലാളി ഗ്രൂപ്പുകളുടെയും പിന്തുണയോടെ 10 കേന്ദ്ര ട്രേഡ് യൂണിയനുകള പൊതു പണിമുടക്ക് ആഹ്വാനം ചെയ്തിരിക്കുന്നത്. ബാങ്കിങ്, തപാല്‍ പ്രവര്‍ത്തനങ്ങള്‍, ഗതാഗതം, വൈദ്യുതി വിതരണം തുടങ്ങിയ അവശ്യ പൊതു സേവനങ്ങളില്‍ വലിയ തടസങ്ങള്‍ പ്രതീക്ഷിക്കുന്നു. 
രാജ്യമെമ്പാടുമുള്ള കര്‍ഷകരും ഗ്രാമീണ തൊഴിലാളികളും പ്രതിഷേധത്തില്‍ പങ്കുചേരും.

ഓള്‍ ഇന്ത്യ ബാങ്ക് എംപ്ലോയീസ് അസോസിയേഷനുമായി (എഐബിഇഎ) അഫിലിയേറ്റ് ചെയ്തിട്ടുള്ള ബംഗാള്‍ പ്രൊവിന്‍ഷ്യല്‍ ബാങ്ക് എംപ്ലോയീസ് അസോസിയേഷന്‍, ബാങ്കിംഗ്, ഇന്‍ഷുറന്‍സ് മേഖലകള്‍ പണിമുടക്കില്‍ പങ്കെടുക്കുമെന്ന് സ്ഥിരീകരിച്ചു. ഇന്ന് ഔപചാരിക ബാങ്കിംഗ് അവധിയില്ലെങ്കിലും, ശാഖകളിലും എടിഎമ്മുകളിലും ഉടനീളമുള്ള സേവനങ്ങള്‍ തടസ്സപ്പെടാന്‍ സാധ്യതയുണ്ട്.

27 ലക്ഷത്തിലധികം വൈദ്യുതി മേഖലയിലെ തൊഴിലാളികള്‍ പണിമുടക്കില്‍ പങ്കെടുക്കുമെന്ന് പ്രതീക്ഷിക്കുന്നതായി പി.ടി.ഐ റിപ്പോര്‍ട്ട് ചെയ്യുന്നു.

റെയില്‍വേ ഔദ്യോഗികമായി പണിമുടക്ക് നോട്ടീസ് നല്‍കിയിട്ടില്ല. പ്രതിഷേധങ്ങളോ ലോജിസ്റ്റിക് പ്രശ്നങ്ങളോ കാരണം ട്രെയിന്‍ സര്‍വീസുകളില്‍ തടസ്സങ്ങളോ കാലതാമസമോ ഉണ്ടാകാന്‍ സാധ്യതയുണ്ട്.

പങ്കെടുക്കുന്ന സംഘടനകള്‍:

അഖിലേന്ത്യാ ട്രേഡ് യൂണിയന്‍ കോണ്‍ഗ്രസ് (എ.ഐ.ടി.യു.സി) ഇന്ത്യന്‍ നാഷണല്‍ ട്രേഡ് യൂണിയന്‍ കോണ്‍ഗ്രസ് (ഐ.എന്‍.ടി.യു.സി) സെന്റര്‍ ഓഫ് ഇന്ത്യന്‍ ട്രേഡ് യൂണിയന്‍സ് (സിഐടിയു) ഹിന്ദ് മസ്ദൂര്‍ സഭ (ഒങട) സ്വയംതൊഴില്‍ ചെയ്യുന്ന വനിതാ അസോസിയേഷന്‍ (ടഋണഅ) ലേബര്‍ പ്രോഗ്രസീവ് ഫെഡറേഷന്‍ (എല്‍പിഎഫ്) യുണൈറ്റഡ് ട്രേഡ് യൂണിയന്‍ കോണ്‍ഗ്രസ് (ഡഠഡഇ)

പാര്‍ലമെന്റ് പാസാക്കിയ നാല് പുതിയ തൊഴില്‍ നിയമങ്ങളോടുള്ള ട്രേഡ് യൂണിയനുകളുടെ എതിര്‍പ്പാണ് പ്രക്ഷോഭത്തിന്റെ കാതല്‍.