തിരുവനന്തപുരം: സംസ്ഥാന വനിതാ ശിശു വികസന വകുപ്പിന് കീഴിലുള്ള ശ്രീചിത്ര ഹോമിൽ മൂന്ന് പെൺകുട്ടികൾ ആത്മഹത്യക്ക് ശ്രമിച്ചു. 16, 15, 12 വയസ്സുള്ള പെൺകുട്ടികളാണ് ഗുളികകൾ വിഴുങ്ങി ആത്മഹത്യക്ക് ശ്രമിച്ചത്. ഇവരിൽ രണ്ടുപേർ തിരുവനന്തപുരം മെഡിക്കൽ കോളേജ് ആശുപത്രിയിലും ഒരാൾ എസ്.എ.ടി. ആശുപത്രിയിലും ചികിത്സയിൽ കഴിയുകയാണ്.

ALSO READ: നിമിഷ പ്രിയയുടെ വധശിക്ഷ: ഇന്ത്യയ്ക്ക് സഹായിക്കാൻ പരിമിതികളുണ്ടെന്ന് കേന്ദ്രം സുപ്രീം കോടതിയിൽ അറിയിച്ചു

ഇന്നലെ രാത്രിയാണ് സംഭവം നടന്നത്. പിന്നാലെ കുട്ടികളെ ഉടൻ ആശുപത്രികളിൽ പ്രവേശിപ്പിച്ചു. മെഡിക്കൽ കോളേജ് ആശുപത്രിയിലെ പതിനാലാം വാർഡിൽ രണ്ട് കുട്ടികൾ ചികിത്സയിലാണ്. ശ്രീചിത്ര ഹോമിലെ മുതിർന്ന കുട്ടികളുടെ പീഡനം സഹിക്കാനാവാതെയാണ് ആത്മഹത്യക്ക് ശ്രമിച്ചതെന്ന് കുട്ടികൾ പരാതിപ്പെട്ടു. ഇതുസംബന്ധിച്ച് ഹോമിലെ അധികാരികളോട് പരാതി ഉന്നയിച്ചെങ്കിലും യാതൊരു നടപടിയും സ്വീകരിച്ചില്ലെന്നും കുട്ടികൾ ആരോപിച്ചു.

Three girls, aged 16, 15, and 12, attempted suicide at Sree Chitra Home in Thiruvananthapuram due to alleged ragging and harassment by senior residents. The incident occurred last night when the girls consumed pills. Two are under treatment at Thiruvananthapuram Medical College Hospital, and one is at SAT Hospital. The girls reported that their complaints to the home authorities were ignored