ഫിലാഡെൽഫിയ: എംഎൽഎസിൽ മെസ്സി മാജിക്ക് തുടരുന്നു. ഇന്ന് ന്യൂ ഇംഗ്ലണ്ട് റെവല്യൂഷനെതിരായ മത്സരത്തിൽ 2-1 എന്ന സ്കോറിനാണ് ഇന്റർമയാമി ജയിച്ചു കയറിയത്. രണ്ട് ​ഗോളുകളും നേടിയത് മെസ്സിയായിരുന്നു. 

മത്സരത്തിന്റെ 27-ാം മിനിറ്റിലായിരുന്നു മെസ്സിയുടെ ആദ്യ ഗോൾ വന്നത്. ന്യൂ ഇംഗ്ലണ്ട് താരത്തിന്റെ മിസ് പാസ് പിടിച്ചെടുത്ത് മെസ്സി എടുത്ത ഷോട്ട് ​ഗോൾ കീപ്പർക്ക് യാതൊരവസരവും നൽകാതെ വലയിലേക്ക് കയറി. 38-ാം മിനിറ്റിൽ മെസ്സി തന്റെ രണ്ടാം ഗോളും സ്വന്തമാക്കി. സെർജിയോ ബുസ്കെറ്റ്സിന്റെ അസിസ്റ്റിലായിരുന്നു മെസ്സിയുടെ രണ്ടാം ​ഗോൾ. 80-ാം മിനിറ്റിൽ കാൾസ് ഗിൽ ന്യൂ ഇം​ഗ്ലണ്ടിനായി ഒരു ഗോൾ മടക്കിയെങ്കിലും, സമനില നേടാൻ അവർക്ക് കഴിഞ്ഞില്ല.  

Leo Messi abre el marcador en Boston 🐐✨ pic.twitter.com/mjNLWo6Mvh

— Inter Miami CF (@InterMiamiCF) July 10, 2025

ALSO READ: എതിരില്ലാത്ത നാല് ഗോളുകള്‍ക്ക് റയലിനെ പരാജയപ്പെടുത്തി പിഎസ്ജി; ഫാബിയന്‍ റൂയിസിന് ഇരട്ട ഗോള്‍

ഇന്ന് ഇരട്ട ​ഗോൾ നേടിയതോടെ എംഎൽഎസ് ചരിത്രത്തിൽ തുടർച്ചയായി നാല് മത്സരങ്ങളിൽ ഇരട്ട ഗോളുകൾ നേടുന്ന ആദ്യ താരമായി മെസ്സി മാറി. നേരത്തെ മൊൺട്രിയൽ, കൊളംബസ് ടീമുകൾക്കെതിരെയായിരുന്നു മെസ്സിയുടെ ഇരട്ട ഗോളുകൾ നേട്ടം. പിന്നീട്, ഫിഫ ക്ലബ് ലോകകപ്പിന് ശേഷം ലീഗ് മത്സരങ്ങൾ പുനരാരംഭിച്ചപ്പോഴും മെസ്സി തന്റെ ഫോം തുടരുകയാണ്.

Busquets ➡️ Messi 😮‍💨 pic.twitter.com/0dTp41hu50

— Inter Miami CF (@InterMiamiCF) July 10, 2025

ഈസ്റ്റേൺ കോൺഫറൻസിൽ 18 മത്സരങ്ങളിൽ 10 ജയവും, 3 തോൽവിയും, 5 സമനിലയുമായി 35 പോയന്റുമായി ഇൻ്റർ മയാമി നിലവിൽ അഞ്ചാം സ്ഥാനത്താണ്.

Lionel Messi's outstanding performance led Inter Miami to a 2-1 victory over New England Revolution in their recent MLS match. Messi scored both goals for Inter Miami, showcasing his exceptional skills. This win highlights Inter Miami's growing strength in the league, with Messi playing a pivotal role in their success ¹.