ഫിഫ ക്ലബ്  ലോകകപ്പ് സെമിഫൈനലിലേക്ക് മുന്നേറി ഫ്രഞ്ച് വമ്പന്മാരായ പാരീസ് സെയ്ന്റ് ജെർമെയ്ൻ. മെറ്റ്‌ലൈഫ് സ്റ്റേഡിയത്തില്‍ നടന്ന മത്സരത്തിൽ റയലിനെതിരെ 4-0ന്റെ തകര്‍പ്പന്‍ വിജയം നേടിയാണ് പിഎസ്ജി ഫിഫ ക്ലബ് ലോകകപ്പ് ഫൈനലിലേക്ക് മുന്നേറിയത്. നിലവിലെ ചാമ്പ്യൻസ് ലീഗ് ജേതാക്കളായ പിഎസ്ജി സമ്പൂർണ ആധിപത്യത്തോടെയാണ് ക്ലബ് ലോകകപ്പ് ഫൈനലിലേക്ക് മുന്നേറിയത്. 

സെമി ഫൈനലിൽ ഈ നാല് ഗോളുകളുടെ വിജയത്തിന് പിന്നാലെ പാരീസ് പരിശീലകൻ ലൂയിസ് എൻറിക്വ ഒരു അപൂർവ നേട്ടമാണ് കൈവരിച്ചത്. രണ്ട് വ്യത്യസ്ത ടീമുകളുടെ പരിശീലകനായി റയൽ മാഡ്രിഡിനെ നാല് ഗോളുകൾക്ക് പരാജയപ്പെടുത്തുന്ന ആദ്യ പരിശീലകനായാണ് എൻറിക്വ മാറിയത്. ഇതിന് മുമ്പ് ലാ ലിഗയിൽ ബാഴ്സലോണയുടെ പരിശീലകനായാണ് റയലിനെതിരെ നാല് ഗോളുകളുടെ വിജയം നേടിയത്. 

മത്സരത്തിൽ സൂപ്പര്‍ താരം കിലിയന്‍ എംബപ്പെ നിറം മങ്ങിയത് റയലിന് കനത്ത തിരിച്ചടിയായി. പിഎസ്ജിക്കായി ഫാബിയന്‍ റൂയിസ് ഇരട്ട ഗോള്‍ നേടി. ഫാബിയന്‍ റൂയിസ് (6', 24'), ഉസ്മാന്‍ ഡെംബെലെ (9'), ഗൊണ്‍സാലോ റാമോസ് (88') എന്നിരാണ് പിഎസ്ജിക്കായി ഗോള്‍ നേടിയത്.

ആദ്യ പത്ത് മിനുട്ടില്‍ തന്നെ രണ്ട് ഗോള്‍ നേടിയ പിഎസ്ജി തുടക്കം മുതല്‍ തന്നെ സ്പാനിഷ് വമ്പന്‍മാര്‍ക്ക് മേല്‍ ആധ്യപത്യം ഉറപ്പിച്ചു. മുന്‍ പിഎസ്ജി സ്‌ട്രൈക്കര്‍ എംബാപ്പെ, ജൂഡ് ബെല്ലിംഗ്ഹാം, വിനീഷ്യസ് ജൂനിയര്‍ തുടങ്ങിയ താരങ്ങളെ കളത്തില്‍ ഇറക്കിയിട്ടും മത്സരത്തിലേക്ക് തിരിച്ചുവരാന്‍ റയലിനായില്ല. ക്ലബ് ലോകകപ്പ് ഫൈനലില്‍ ഫ്രഞ്ച് ചാമ്പ്യന്മാരായ പിഎസ്ജി ചെല്‍സിയെ നേരിടും.

ചാമ്പ്യന്‍സ് ലീഗ് ജേതാക്കളായ പിഎസ്ജിക്ക് ഫിഫ ക്ലബ് ലോകകപ്പും സ്വന്തമാക്കാനുള്ള സുവര്‍ണാവസരമാണ് കൈവന്നിരിക്കുന്നത്. ഇരു ടീമുകളും തങ്ങളുടെ ആദ്യ ക്ലബ് ലോകകപ്പ് കിരീടത്തിനായി മത്സരിക്കുമ്പോള്‍ പോരാട്ടം കടുക്കുമെന്നുറപ്പാണ്.

luis enrique create historical record against club football in Real Madrid