ഐഎസ്എസ്: അന്താരാഷ്ട്ര ബഹിരാകാശ നിലയത്തിൽ (ഐഎസ്എസ്) നിന്ന് ഇന്ത്യയിൽ നിന്നുള്ള ശുഭാംശു ശുക്ല ഉൾപ്പെടുന്ന ആക്സിയം 4 സംഘം ജൂലൈ 14-ന് ഭൂമിയിലേക്ക് മടങ്ങുമെന്ന് നാസ അറിയിച്ചു. ജൂൺ 26-ന് ബഹിരാകാശ നിലയത്തിലെത്തിയ നാലംഗ സംഘത്തിന്റെ 14 ദിവസത്തെ ദൗത്യം ഇന്ന് പൂർത്തിയായി. കാലാവസ്ഥ ഉൾപ്പെടെയുള്ള സാഹചര്യങ്ങൾ വിലയിരുത്തി, ജൂലൈ 14-ന് ക്രൂ ഡ്രാഗൺ ഗ്രേസ് പേടകം അൺഡോക്ക് ചെയ്യാൻ തീരുമാനിച്ചു. കൃത്യമായ സമയക്രമം ഉടൻ പ്രഖ്യാപിക്കും.

ആക്സിയം 4 സംഘം 60 പരീക്ഷണങ്ങൾ വിജയകരമായി പൂർത്തിയാക്കി, 230-ലധികം തവണ ഭൂമിയെ ചുറ്റി. ശുഭാംശു കഴിഞ്ഞ ദിവസങ്ങളിൽ ഇന്ത്യയിൽ നിന്ന് കൊണ്ടുപോയ വിത്തുകളുടെ പഠനത്തിനായി 'സ്പ്രൗട്ട്സ്' പരീക്ഷണത്തിൽ ശ്രദ്ധ കേന്ദ്രീകരിച്ചു. ബഹിരാകാശത്ത് മുളപ്പിച്ച വിത്തുകൾ ഫ്രീസറിലേക്ക് മാറ്റി. കേരളത്തിൽ നിന്നുള്ള ആറ് വിത്തിനങ്ങളുടെ നിരീക്ഷണവും ചിത്രീകരണവും നടത്തി. മൈക്രോ ആൽഗെ വളർച്ചാ പഠനവും തുടരുന്നു.

ശുഭാംശു ആക്സിയം സ്പേസ് ചീഫ് സയന്റിസ്റ്റുമായി ദൗത്യത്തെക്കുറിച്ച് ചർച്ച നടത്തി. മൂലകോശ ഗവേഷണം മുതൽ ചെടികളുടെ വളർച്ച വരെയുള്ള പഠനങ്ങൾ നടത്തിയതിൽ അഭിമാനവും സന്തോഷവും പ്രകടിപ്പിച്ചു. അന്താരാഷ്ട്ര ബഹിരാകാശ നിലയത്തിലേക്കുള്ള അടുത്ത ദൗത്യമായ ക്രൂ 11-ന്റെ വിക്ഷേപണം ജൂലൈ 31-ന് നടക്കും.

NASA has scheduled the return of the Axiom 4 team, including India’s Shubhamshu Shukla, from the International Space Station on July 14. The 14-day mission, which began on June 26, concluded today. The Crew Dragon Grace will undock after assessing weather conditions. The team completed 60 experiments, with Shukla focusing on seed sprouting studies, including six seed varieties from Kerala. The next ISS mission, Crew 11, is set for July 31.