ന്യൂഡൽഹി: പാർലമെന്റിന്റെ പബ്ലിക് അക്കൗണ്ട്സ് കമ്മിറ്റി (പിഎസി) നിർദേശത്ത തുടർന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) രാജ്യത്ത് വിമാന  നിരക്കുകൾ ഏകീകരിക്കുന്നതിനുള്ള സംവിധാനം കൊണ്ടുവരാൻ തയ്യാറെടുക്കുന്നു. വിമാന കമ്പനികൾക്ക് ഇഷ്ടാനുസരണം നിരക്കുകൾ നിശ്ചയിക്കാൻ അനുമതി നൽകരുതെന്നും ഈ വിഷയത്തിൽ ഉടൻ നടപടി സ്വീകരിക്കണമെന്നുമുള്ള നിർദേശത്തെ തുടർന്നാണ് നടപടി.

ചൊവ്വാഴ്ച നടന്ന പിഎസി യോഗത്തിൽ വ്യോമയാന മന്ത്രാലയത്തിലെയും ഡിജിസിഎയിലെയും ഉന്നത ഉദ്യോഗസ്ഥരെ വിളിച്ചുവരുത്തി. കെ.സി. വേണുഗോപാൽ അധ്യക്ഷനായ യോഗത്തിൽ വിമാന നിരക്കുകളും സുരക്ഷാ വിഷയങ്ങളും ചർച്ച ചെയ്തു. ബിജെപി അംഗങ്ങളായ രവിശങ്കർ പ്രസാദ്, സുധാംശു ത്രിവേദി, ജഗദംപിക പാൽ തുടങ്ങിയവർ നിരക്ക് വർധനവിനെ ശക്തമായി വിമർശിച്ചു.

ALSO READ: ഗസ്സയില്‍ കൂട്ടക്കൊലക്ക് അന്ത്യമില്ല; പുലര്‍ച്ചെ മുതല്‍ കൊന്നൊടുക്കിയത് 82 ഫലസ്തീനികളെ, എങ്ങുമെത്താതെ വെടിനിര്‍ത്തല്‍ ചര്‍ച്ചകള്‍

നടപടിയെടുക്കാനുള്ള അധികാരമുണ്ടായിട്ടും അതിന് തയ്യാറാകാത്ത വ്യോമയാന റെഗുലേറ്ററുടെ നടപടിയെ ചെയർമാൻ വേണുഗോപാൽ രൂക്ഷമായി വിമർശിച്ചു. ഈ വിഷയത്തിൽ ഉടൻ നടപടി സ്വീകരിക്കണമെന്നും വിശദമായ റിപ്പോർട്ട് സമർപ്പിക്കണമെന്നും സമിതി ആവശ്യപ്പെട്ടു.

തീർഥാടന സമയങ്ങളിലും ഉത്സവ കാലങ്ങളിലും ടിക്കറ്റുകൾക്ക് വൻതുകയാണ് വിമാന കമ്പനികൾ ഈടാക്കുന്നത്. കുംഭമേള സമയത്ത് 5,000 രൂപയുടെ ടിക്കറ്റിന് ഒരു ലക്ഷം രൂപ വരെ നൽകേണ്ട സാഹചര്യമുണ്ടായിരുന്നു. ഓണം, വേനൽ അവധി സമയങ്ങളിൽ ഗൾഫിൽ നിന്ന് കേരളത്തിലേക്കുള്ള വിമാന നിരക്കുകളും ഗണ്യമായി ഉയരാറുണ്ട്.

രാഷ്ട്രീയ ഭേദമന്യേ ഈ വിഷയം എംപിമാർ ലോക്സഭയിലും രാജ്യസഭയിലും ഉന്നയിച്ചിരുന്നു. എന്നാൽ, അനുകൂലമായ മറുപടി വ്യോമയാന മന്ത്രി രാം മോഹൻ നായിഡുവിന്റെ ഭാ​ഗത്തു നിന്നുണ്ടായില്ല. ഷാഫി പറമ്പിൽ ഈ വിഷയം സഭയിൽ ഉന്നയിച്ചപ്പോൾ, സ്പീക്കർ ഓം ബിർള വ്യോമയാന മന്ത്രിയോട് നടപടി സ്വീകരിക്കാൻ നിർദേശിച്ചിരുന്നു.

The Directorate General of Civil Aviation (DGCA) is set to introduce a system to standardize flight fares in India, following a directive from the Parliament's Public Accounts Committee (PAC). The move aims to prevent airlines from arbitrarily setting fares, promoting transparency and fairness in pricing. The PAC's recommendation emphasizes the need for immediate action to regulate flight pricing ¹.