മഴക്കാലമാകുമ്പോള്‍ ഭക്ഷ്യസുരക്ഷയ്ക്കായി ഫുഡ് സേഫ്റ്റി ആന്‍ഡ് സ്റ്റാന്‍ഡേര്‍ഡ്‌സ് അതോറിറ്റി ഓഫ് ഇന്ത്യ ചില പുതിയ മാര്‍ഗനിര്‍ദേശങ്ങള്‍ പുറത്തിറക്കാറുണ്ട്. അതില്‍ പറയുന്നത് പഴങ്ങളും പച്ചക്കറികളും നന്നായി കഴുകിയ ശേഷം മാത്രമേ ഉപയോഗിക്കാന്‍ പൂടുള്ളൂവെന്നും ശുചിത്വം പാലിക്കണമെന്നുമുള്ള പതിവ് ശുപാര്‍ശകളും മാത്രമല്ല, മറ്റൊരു കാര്യം കൂടിയും പറഞ്ഞിട്ടുണ്ട്. രണ്ടാഴ്ച കൂടുമ്പോള്‍ ഫ്രിഡ്ജിന്റെ അകത്തൊക്കെ വൃത്തിയാക്കണമെന്നാണ് പറഞ്ഞിരിക്കുന്നത്. 

എന്തുകൊണ്ടാണ് മഴക്കാലത്ത് ഇങ്ങനെ ചെയ്യണമെന്ന് എഫ്എസ്എസ്എഐ പറയുന്നതിനു പിന്നിലെ കാരണമെന്ന് ആരോഗ്യ വിദഗ്ധര്‍ പറയുന്നത് നോക്കാം. മഴക്കാലം വരുമ്പോള്‍ ഈര്‍പ്പം കൂടിവരും. ഈര്‍പ്പം വര്‍ധിക്കുന്നത് ഫ്രിഡ്ജിനുള്ളില്‍ ഈര്‍പ്പം അടിഞ്ഞുകൂടാന്‍ കാരണമാവും. ഇത് ബാക്ടീരിയ, ഫംഗസ് വളര്‍ച്ചയ്ക്ക് അനുയോജ്യമായ അന്തരീക്ഷം സൃഷ്ടിക്കുകയും ചെയ്യും. ഈ രോഗകാരികള്‍ അത്തരം സാഹചര്യങ്ങളില്‍ വളരുകയും സംഭരിച്ചിരിക്കുന്ന ഭക്ഷണത്തെ മലിനമാക്കുകയും ചെയ്യുമെന്നാണ് ആരോഗ്യവദിഗ്ധര്‍ പറയുന്നത്.

ALSO READ: ആരോഗ്യത്തിനും സൗന്ദര്യത്തിനും ഇതു മാത്രം മതി...; രാവിലെ ദിവസവും കഴിച്ചു നോക്കൂ

ഫ്രിഡ്ജ് പതിവായി വൃത്തിയാക്കുന്നതിലൂടെ ഭക്ഷണാവശിഷ്ടങ്ങള്‍, ഈര്‍പ്പം എന്നിവ നീക്കം ചെയ്യാന്‍ സാധിക്കുന്നു. ഫ്രിഡ്ജ് വൃത്തിയോടെയും ഈര്‍പ്പമില്ലാതെയും നല്ല വൃത്തിയില്‍ സൂക്ഷിക്കുന്നതിലൂടെ, ഭക്ഷ്യജന്യ രോഗങ്ങള്‍ക്കുള്ള സാധ്യത കുറയുകയും ഭക്ഷണം സുരക്ഷിതമായി ഉപയോഗിക്കാമെന്ന് ഉറപ്പാക്കുകയും ചെയ്യാം.

അതുകൊണ്ട് തന്നെ മഴക്കാലത്ത് ഫ്രിഡ്ജ് പതിവായി വൃത്തിയാക്കിയില്ലെങ്കില്‍ ഗുരുതരമായ ആരോഗ്യ പ്രശ്‌നങ്ങള്‍ക്ക് കാരണമാകും. ഈര്‍പ്പവും ഫ്രിഡ്ജിനുള്ളിലെ ചൂടുള്ള താപനിലയും കൂടെയാകുമ്പോള്‍ ഭക്ഷണം വേഗത്തില്‍ കേടാകാന്‍ ഇടയാക്കും. ഭക്ഷണം കേടാകുമ്പോള്‍, ദുര്‍ഗന്ധം ഉണ്ടാവുകയും ഫ്രിഡ്ജ് ബാക്ടീരിയ, ഫംഗസ്, മറ്റ് രോഗകാരികള്‍ എന്നിവയുടെ പ്രജനന കേന്ദ്രമായി മാറുകയും ചെയ്യുന്നു. മലിനമായ ഭക്ഷണം കഴിക്കുന്നത് ദഹനപ്രശ്‌നങ്ങള്‍, അണുബാധകള്‍, ഭക്ഷ്യവിഷബാധ എന്നിവയുള്‍പ്പെടെ വിവിധ ആരോഗ്യപ്രശ്‌നങ്ങള്‍ക്ക് കാരണമാകുമെന്നാണ് ആരോഗ്യവിദഗ്ധരുടെ സൂചന. 

During the monsoon season, the Food Safety and Standards Authority of India (FSSAI) issues specific guidelines to ensure food safety. Apart from the usual advice like washing fruits and vegetables thoroughly and maintaining hygiene, FSSAI also recommends cleaning the inside of the refrigerator every two weeks.