സംസ്ഥാനത്ത് സ്വര്‍ണവില ഇന്ന് വീണ്ടും കുതിച്ചുയര്‍ന്നു. അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ താരിഫ് പ്രഖ്യാപനമാണ് സ്വര്‍ണവില കുതിക്കാന്‍ ഇടയാക്കിയത്. കാനഡയ്ക്കെതിരെ 35% താരിഫ് ഏര്‍പ്പെടുത്തുമെന്ന് ഇന്നലെ ട്രംപ് പ്രഖ്യാപിച്ചിരുന്നു. ഇതാണ് ഇന്നത്തെ സ്വര്‍ണവിലയിലെ കുതിപ്പിന് കാരണമായതെന്നാണ് വിദഗ്ധര്‍ ചൂണ്ടിക്കാട്ടുന്നത്. 

ഇന്നത്തെ സ്വര്‍ണ വില നോക്കാം
ഇന്ന് സംസ്ഥാനത്ത് 22 കാരറ്റ് ഒരു ഗ്രാം സ്വര്‍ണത്തിന് 55 രൂപയും 18 കാരറ്റ് ഒരു ഗ്രാമിന് 45 രൂപയുമാണ് വര്‍ധിച്ചിരിക്കുന്നത്. ഇതോടെ 22 കാരറ്റ് ഒരു ഗ്രാമിന് 9075 രൂപയായി. ഇന്നലെ 9020 രൂപയായിരുന്നു വില.  പവന് 440 രൂപയുടെ വര്‍ധനവാണ് ഉണ്ടായിരിക്കുന്നത്. 18 കാരറ്റില്‍ ഗ്രാമിന് 9,075 രൂപയായാണ് ഉയര്‍ന്നത്. 

ALSO READ: സ്വര്‍ണമോ ഓഹരിയോ..ഏതാണ് സുരക്ഷിത നിക്ഷേപം, ലാഭകരവും; അറിഞ്ഞിരിക്കാം ഇക്കാര്യങ്ങള്‍ 

ഇന്നലെ 72160 രൂപയായിരുന്ന 22 കാരറ്റ് ഒരു പവന്‍ സ്വര്‍ണം ഇന്ന് വാങ്ങിക്കാന്‍ 72600 രൂപകൊടുക്കണം. ആഭരണമായി വാങ്ങുമ്പോഴാകട്ടെ ഇന്നത്തെ വില പ്രകാരം 75000 രൂപയ്ക്ക് മുകളില്‍ കൊടുക്കേണ്ടി വരും. ജി എസ് ടി, ഹാള്‍മാര്‍ക്കിംഗ് നിരക്കുകള്‍ക്ക് പുറമെ പണിക്കൂലിയും ആഭരണമായി സ്വര്‍ണം വാങ്ങുമ്പോള്‍ ഈടാക്കാറുണ്ട്. എന്നാല്‍ ആഭരണങ്ങളുടെ ഡിസൈന്‍ ആണ് പണിക്കൂലി നിശ്ചയിക്കുന്നത്.

വില വിവരം അറിയാം
24 കാരറ്റ് 
ഗ്രാം കൂടിയത് 60 രൂപ വില 9,900
പവന്‍ കൂടിയത് 480 രൂപ, വില 79,200

22 കാരറ്റ്
ഗ്രാം കൂടിയത് 55 രൂപ വില 90,75
പവന്‍ കൂടിയത് 440 രൂപ, വില 72,600

18 കാരറ്റ് 
ഗ്രാം കൂടിയത് 45 രൂപ വില 7,425
പവന്‍ കൂടിയത് 360 രൂപ, വില 59,400

ALSO READ: ഇപ്പോള്‍ വാങ്ങി വെച്ചോളൂ....ഭാവിയില്‍ നേട്ടം കൊയ്യാം; പാവപ്പെട്ടവരുടെ ഡയമണ്ടിനുണ്ട് നേട്ടമേറെ

അഡ്വാന്‍സ് ബുക്കിങ് ഉചിതം 
ആഭരണമായോ അല്ലാതേയോ സ്വര്‍ണം വാങ്ങാന്‍ ആഗ്രഹിക്കുന്നവര്‍ക്ക് ജ്വല്ലറികളിലെ അഡ്വാന്‍സ് ബുക്കിങ് സംവിധാനമാണ് ഇപ്പോള്‍ ഉചിതം.  ഈ രീതിയില്‍ സ്വര്‍ണം നേരത്തെ ബുക്ക് ചെയ്യാന്‍ ഉപഭോക്താക്കള്‍ക്ക് സാധിക്കും.  ഇങ്ങനെ ചെയ്യുമ്പോള്‍ പിന്നീട് വില കൂടിയാലും വലിയ രീതിയില്‍ ബാധിക്കില്ല. ബുക്ക് ചെയ്ത ദിവസത്തെ വിലക്ക് സ്വര്‍ണം വാങ്ങിക്കാന്‍ സാധിക്കും. ഇനി ബുക്ക് ചെയ്ത ശേഷം വില കുറയുകയാണ് ചെയ്യുന്നതെങ്കിലോ കുറഞ്ഞ വില കൊടുത്താല്‍ മതി എന്നതാണ്. ഇതാണ് ഈ സംവിധാനത്തിന്റെ നേട്ടം.