മസ്‌കത്ത്: ഖാരിഫ് സീസണ്‍ എത്തിയതോടെ രാജ്യത്തെത്തുന്ന വിനോദസഞ്ചാരികളുടെ സുരക്ഷയ്ക്കായി വിവിധ നടപടികളുമായി റോയല്‍ ഒമാന്‍ പൊലിസ്. ഒമാനിലെ ഓരോ പ്രദേശങ്ങളിലും ഒരുക്കിയിട്ടുള്ള സ്റ്റേഷന്‍ പോയിന്റുകളിലും സിവില്‍ ഡിഫന്‍സ്, ആംബുലന്‍സ് ഡിപ്പാര്‍ട്‌മെന്റുകളുടെയും കാള്‍ സെന്റര്‍ നമ്പര്‍ പുറത്തുവിട്ടു. 

ALSO READ: മസ്‌കത്തില്‍ ഇലക്ട്രിക് ബസില്‍ സൗജന്യയാത്ര; ഓഫര്‍ ഇന്നു മുതല്‍ മൂന്നു ദിവസത്തേക്ക്

ഖാരിഫ് സീസണില്‍ ദോഫാറിലേക്ക് എത്തുന്ന സഞ്ചാരികളുടെ സുരക്ഷ ഉറപ്പാക്കാന്‍ ഒമാന്‍ അധികൃതര്‍ വിപുലമായ സുരക്ഷാ സംവിധാനങ്ങളാണ് ഒരുക്കിയിട്ടുള്ളത്. അടിയന്തര ഘട്ടങ്ങളില്‍ സഹായത്തിനായി വിവിധ നമ്പറുകളില്‍ ബന്ധപ്പെടാമെന്നും, 24 മണിക്കൂര്‍ ലഭ്യമായ 9999 എന്ന ടോള്‍ ഫ്രീ നമ്പറിലും സഹായം തേടാമെന്നും റോയല്‍ ഒമാന്‍ പൊലിസ് അറിയിച്ചു.

സഞ്ചാരികള്‍ക്ക് എളുപ്പത്തില്‍ സേവനങ്ങള്‍ ലഭ്യമാക്കാന്‍ ക്യു.ആര്‍ കോഡ് സംവിധാനവും ഏര്‍പ്പെടുത്തിയിട്ടുണ്ട്. ഓരോ സ്റ്റേഷനുകള്‍ക്കിടയിലുള്ള യാത്രാ ദൂരം വ്യക്തമാക്കുന്ന പോസ്റ്ററുകളും പ്രദേശങ്ങളില്‍ സ്ഥാപിച്ചിട്ടുണ്ട്. ഖാരിഫ് സീസണില്‍ സന്ദര്‍ശകരുടെ സുരക്ഷ ഉറപ്പുവരുത്താന്‍ കൂടുതല്‍ സ്റ്റേഷനുകളും സ്റ്റേഷന്‍ പോയിന്റുകളും ദോഫാറിലുടനീളം ആരംഭിച്ചിട്ടുണ്ട്.

ALSO READ: ഒമാനില്‍ മൂന്ന് വാഹനങ്ങള്‍ കൂട്ടിയിടിച്ചു; 5 മരണം  | Accident in Oman

റോഡ് മാര്‍ഗമുള്ള യാത്രക്കാര്‍ ജാഗ്രത പാലിക്കണം
ദേശീയ സ്ഥിതിവിവര കേന്ദ്രത്തിന്റെ ഏറ്റവും പുതിയ കണക്കുകള്‍ പ്രകാരം, ഖാരിഫ് സീസണില്‍ ഭൂരിഭാഗം സഞ്ചാരികളും ദോഫാറിലേക്ക് റോഡ് മാര്‍ഗം യാത്ര ചെയ്യാനാണ് താല്‍പര്യപ്പെടുന്നത്. ഈ സാഹചര്യത്തില്‍, ദോഫാറിലേക്കുള്ള യാത്രയിലും ഗവര്‍ണറേറ്റിനകത്തും വാഹനമോടിക്കുന്നവര്‍ ഗതാഗത മാര്‍ഗനിര്‍ദേശങ്ങള്‍ കര്‍ശനമായി പാലിക്കണമെന്ന് റോയല്‍ ഒമാന്‍ പൊലിസ് അഭ്യര്‍ത്ഥിച്ചു.

During the Kharif season, Oman Police launch safety initiatives and patrols to ensure the well-being of tourists in popular destinations.