അർജന്റൈൻ ഫുട്ബോളിന് മികച്ച സംഭാവനകൾ നൽകിയ ഇതിഹാസ താരങ്ങളാണ് ലയണൽ മെസിയും ഡീഗോ മറഡോണയും. ഇരുവർക്കും അർജന്റീനയുടെ ഫുട്ബോൾ ചരിത്രത്തിൽ വലിയ സ്ഥാനമാണുള്ളത്. ഇപ്പോൾ മറഡോണയും മെസിയും തമ്മിലുള്ള വ്യതാസങ്ങളെക്കുറിച്ച് പറയുകയാണ് മുൻ അർജന്റീന താരം സെർജിയോ ഗൊയ്കോച്ചിയ. ഇരു താരങ്ങളെയും താരതമ്യം ചെയ്യുക ബുദ്ധിമുട്ട് നിറഞ്ഞ കാര്യമാണെന്നും എന്നാൽ മെസിക്ക് കളിക്കളത്തിൽ കുറച്ചുകൂടി ശക്തമായിട്ടുള്ള മുന്നേറ്റം ഉണ്ടായിരുന്നുവെന്നുമാണ് സെർജിയോ ഗൊയ്കോച്ചിയ പറഞ്ഞത്. 

എനിക്ക് ഇവർ മെസിയും മറഡോണയുമാണ്. ഇവരെ തമ്മിൽ താരതമ്യം ചെയ്യുക എന്നത് ബുദ്ധിമുട്ടാണ്. എന്നാൽ മെസിയെക്കാൾ കൂടുതൽ ഡീഗോയുടെ കാര്യത്തിൽ എനിക്കറിയാം. എങ്കിലും ഞാൻ മെസിയുടെ കളി ശൈലി വിശകലനം ചെയ്യുന്നുണ്ട്. ഫുട്ബോളിൽ ഇവർ രണ്ട് പേരും അത്ഭുതകരമാണ്. അവർക്ക് ഓരോരുത്തർക്കും അവിശ്വസനീയമായ ശക്തിയും മാനസിക വേഗതയുമുണ്ട്. എന്ന; ലിയോക്ക് കുറച്ചുകൂടി ശക്തമായിട്ടുള്ള മുന്നേറ്റം ഉണ്ടായിരുന്നു'' മുൻ അർജന്റൈൻ താരം ഡയറിയോ എഎസിന് നൽകിയ അഭിമുഖത്തിൽ പറഞ്ഞു. 

അർജന്റീനക്ക് 1986ലെ ലോകകപ്പ് നേടിക്കൊടുത്തത് മറഡോണയായിരുന്നു. അർജന്റീനയുടെ പരിശീലകനാണ് മറഡോണ പ്രവർത്തിച്ചിട്ടുണ്ട്.  2010 ലോകകപ്പിൽ മറഡോണയുടെ കീഴിലായിരുന്നു അർജന്റീന കളത്തിൽ ഇറങ്ങിയിരുന്നത്. എന്നാൽ ആ ടൂർണമെന്റിൽ ക്വാർട്ടർ ഫൈനലിൽ ജർമ്മനിയോട് പരാജയപ്പെട്ട് അർജന്റീന പുറത്താവുകയായിരുന്നു. 

1986ന് ശേഷം നീണ്ട വർഷക്കാലം അർജന്റീനക്ക് ലോക കിരീടം സ്വന്തമാക്കാൻ സാധിച്ചിരുന്നില്ല. എന്നാൽ നീണ്ട കാലത്തേ അവസാനിപ്പിച്ചുകൊണ്ട് 2022ലെ ലോകകപ്പ് അർജന്റീന സ്വന്തമാക്കിയത് മെസിയുടെ മികവിലായിരുന്നു. 2022ൽ ഫ്രാൻസിനെ കീഴടക്കിയാണ് മെസിയും സംഘവും ലോകത്തിന്റെ നെറുകയിൽ എത്തിയത്. ലോകകപ്പിന് പുറമെ അർജന്റീന സമീപകാലങ്ങളിൽ നാല് കിരീടങ്ങളാണ് സ്വന്തമാക്കിയത്. രണ്ട് കോപ്പ അമേരിക്ക, ഫൈനൽ സീമ എന്നീ കിരീടങ്ങളാണ് അർജന്റീന ലോകകപ്പിന് പുറമെ സ്വന്തമാക്കിയത്. 

Lionel Messi and Diego Maradona are two legends who have made great contributions to Argentine football Now former Argentine player Sergio Goicoechea is talking about the differences between Maradona and Messi