തെരുവ് ഭക്ഷണം എന്ന് പറയുമ്പോള്‍ തന്നെ പേസി..ഒയിലി..അണ്‍ഹെല്‍തി ഈ വാക്കുകളൊക്കെയാണ് നമ്മുടെ മനസ്സിലെത്തുന്നത്. നമ്മുടെ തെരുവ് ഭക്ഷണങ്ങളുടെ ഏതാണ്ട് അവസ്ഥയും ഇത് തന്നെയാണ്. എന്നാല്‍ ഇന്ത്യന്‍ തെരുവ് ഭക്ഷണങ്ങള്‍ യഥാര്‍ഥത്തില്‍ രുചിയോടൊപ്പം ആരോഗ്യകരവും കൂടിയാണ്. എന്നാല്‍ അത് എങ്ങനെ പാചകം എന്നതിനനുസരിച്ചിരിക്കും ഇതെന്ന് മാത്രം. വൃത്തിയും ഗുണവും ശ്രദ്ധിച്ചാല്‍ ആരോഗ്യത്തിന് ഏറെ ഗുണകരമായ ഭക്ഷണങ്ങള്‍ ഇന്ത്യന്‍ തെരുവ് രുചിക്കൂട്ടുകളെന്ന് കാണാം.  

അനാരോഗ്യകരമല്ലാത്ത ചില തെരുവ് ഭക്ഷണങ്ങള്‍ ഏതൊക്കെയാണെന്ന് നോക്കാം

ഭേല്‍ പുരി: മുര്‍മെര്‍ (പഫ്ഡ് റൈസ്) അഥവാ പൊരി, അരിഞ്ഞ പച്ചക്കറികള്‍,  പുളി സോസ് തുടങ്ങിയവ ചേര്‍ത്താണ് ഈ ജനപ്രിയ ഇന്ത്യന്‍ ലഘുഭക്ഷണം ഉണ്ടാക്കുന്നത്. പൊരിയില്‍ കലോറി കുറവാണ്. മാത്രമല്ല പച്ചക്കറികളും സുഗന്ധവ്യഞ്ജനങ്ങളും അതിന്റേതായ പോഷകമൂല്യം നല്‍കുകയും ചെയ്യുന്നു. വേഗത്തില്‍ തയ്യാറാക്കാന്‍ കഴിയുന്നതും എന്നാല്‍ രുചികരവുമായ ജനപ്രിയ സ്‌നാക്‌സ് ആണിത്. ഡയറ്റീഷ്യന്‍മാര്‍ വരെ അംഗീകരിക്കും ഇത്. അതേസമയം, ഇതിലൊഴിക്കുന്ന പുളി സോസിന്റെ അളവ് ശ്രദ്ധിക്കണം

ധോക്‌ല: പുളിപ്പിച്ച അരിയിലെ റവ കൊണ്ടോ  ഉണ്ടാക്കുന്ന വിഭവമാണിത്. ഏറെ പ്രിയകരമാണ് ഈ ഗുജറാത്തി ഫുഡ്. ഇതില്‍ പരിപ്പോ പയറോ ചേര്‍ക്കുന്നതിനാല്‍ നല്ല പ്രോട്ടീന്‍ കണ്ടന്റുമുണ്ടാകും.

ചന ചാട്ട്: പ്രോട്ടീനിന്റെയും നാരുകളുടെയും നല്ല ഉറവിടമാണ് കടല.  കുറച്ച് സുഗന്ധവ്യഞ്ജനങ്ങള്‍, തക്കാളി, ഉള്ളി, വെള്ളരിക്ക, മുളക് എന്നിവയും ഇതോടൊപ്പം ചേര്‍ക്കും.  പോഷകത്തിന്റെയും രുചിയുടെയും ആരോഗ്യകരമായ മിശ്രിതമാണിത്.

പാനിപൂരി (ഗോല്‍ഗപ്പ): മസാല ചേര്‍ത്ത വെള്ളം,പുളി ചട്ണി,  ഉരുളക്കിഴങ്ങ്, ഉള്ളി, കടലപ്പരിപ്പ് തുടഹ്ങിയവ ഇതില്‍ ഉള്‍ക്കൊള്ളുന്നു. ക്രിസ്പി ആയിട്ടുള്ള പൂരിയാണ് ഇതിന്റെ ഹൈലൈറ്റ്. 

കോണ്‍ കോബ് : പുകയുടെ ചൂടിലോ ആവിലിയലോ വെന്ത കോണ്‍ ഉപ്പ് ചേര്‍ത്ത് ബട്ടര്‍ ചേര്‍ത്ത് മസാല പൊടികള്‍ ചേര്‍ത്തുണ്ടാക്കുന്ന വിഭവം. നാരുകളുടെയും ആന്റിഓക്സിഡന്റുകളുടെയും നല്ല ഉറവിടമാണ് ചോളം. ഇത് ഏറെ ആരോഗ്യകരമാണ് എന്നതില്‍ ഒരു സംശയവുമില്ല. 

ഇഡ്ഡലി:  മൃദുവായതും, ആവിയില്‍ വേവിച്ചതും ആയ ഈ ദക്ഷിണേന്ത്യന്‍ വിഭവം പുളിപ്പിച്ച അരിയും ഉഴുന്നും ചേര്‍ത്ത് ഉണ്ടാക്കുന്ന മാവ് കൊണ്ടാണ് ഉണ്ടാക്കുന്നത്. ഇതില്‍ കലോറി കുറവാണ്. പക്ഷേ നാരുകള്‍ ധാരാളം അടങ്ങിയിട്ടുള്ളതും ദഹനത്തിന് അനുയോജ്യവുമാണ്.

ഫ്രൂട്ട് ചാറ്റ് : ഇന്ത്യന്‍ തെരുവുകളില്‍ കാണാവുന്ന മറ്റൊരു വിഭവമാണ് ഫ്രൂട്ട്ചാട്ട്. പലതരം പഴങ്ങള്‍ ചേര്‍ക്കുന്നതിനാല്‍ നാരുകളും ആന്റിഓക്സിഡന്റുകളും നിറഞ്ഞ വിഭവമാണ് നിങ്ങള്‍ക്ക് ലഭിക്കുന്നത്. ഇതില്‍ ചാട്മസാല കൂടി ചേര്‍ക്കുമ്പോള്‍ വിഭവത്തിന്റെ ലെവല്‍ തന്നെം മാറുന്നു. 
 
വേവിച്ച മുട്ടകള്‍ : മുട്ടകള്‍ എത്രത്തോളം ആരോഗ്യകരമാണെന്ന് പറയുന്നതില്‍ അതിശയിക്കാനില്ല. സുഗന്ധവ്യഞ്ജനങ്ങള്‍ ചേര്‍ത്ത് താളിക്കുക, മല്ലിയില വിതറി അലങ്കരിക്കുക, വില്‍പ്പനക്കാരന്റെ വണ്ടിയില്‍ നിന്ന് നേരിട്ട് പ്രോട്ടീന്‍ നിറഞ്ഞ ലഘുഭക്ഷണം ആസ്വദിക്കുക.

ALSO READ: തടി കുറയ്ക്കാന്‍ താല്‍പര്യമുള്ളവരാണോ..?  ഈ പച്ചക്കറികള്‍കൊണ്ട് സൂപ്പ് റെഡിയാക്കി നോക്കൂ... കലോറി ഒട്ടും ഉണ്ടാവില്ല
 
മൂങ് ദാല്‍ ചീല : ചെറുപയര്‍ പരിപ്പ് ഉപയോഗിച്ചുണ്ടാക്കുന്ന രുചികരമായ വിഭവമാണിത്. പ്രോട്ടീന്റേും ഫൈബറിന്റേയും നല്ല ഉറവിടമാണ് ഈ വിഭവം. 

കബാബുകള്‍. ഇഡലി, വെജിറ്റബിള്‍ റോളുകള്‍ തുടങ്ങിയവയെല്ലാം ഇന്ത്യന്‍ തെരുവുകളില്‍ ലഭിക്കുന്ന രുചിയൂറുന്നതും ഹെല്‍തിയുമായി വിഭവങ്ങളാണ്. 

Indian street food is often labeled oily, greasy, and unhealthy — but that’s not always true. When prepared with care and hygiene, these flavorful dishes can also be surprisingly nutritious. It all depends on how they’re made.