തിരുവനന്തപുരം: കേരള സർവകലാശാല വിവാദങ്ങൾ പുതിയ വഴിത്തിരിവിലേക്ക്. സർവകലാശാല രജിസ്ട്രാർ ചുമതലയിൽ നിന്ന് ഒഴിവാക്കണമെന്ന് ആവശ്യപ്പെട്ട് രജിസ്ട്രാറുടെ ചുമതല വഹിക്കുന്ന ഡോ. മിനി കാപ്പൻ. പദവി ഏറ്റെടുക്കാൻ താല്പര്യമില്ലെന്ന് കാണിച്ച് മിനി കാപ്പൻ വിസി മോഹനൻ കുന്നുമ്മലിന് കത്ത് നൽകി. വിവാദങ്ങൾക്ക് താല്പര്യമില്ലാത്തതിനാലാണ് വിട്ടുനിൽക്കുന്നത് എന്നും അവർ കത്തിൽ പറയുന്നു. കഴിഞ്ഞ ദിവസമാണ് വിസി മിനി കാപ്പന് രജിസ്ട്രാറുടെ ചുമതല നൽകിയത്.

മിനി കാപ്പന് രജിസ്ട്രാരുടെ ചുമതല ഏഴാം തീയതിയാണ് നൽകിയത്. എന്നാൽ ഉത്തരവ് ഇറങ്ങിയിരുന്നില്ല. തുടർന്ന് ഇന്നലെ രാവിലെയാണ് ഉത്തരവ് പുറത്തിറക്കിയത്. ഇതിന് പിന്നാലെയാണ് വിവാദങ്ങൾക്കില്ലെന്ന് കാണിച്ച് അവർ ചുമതലയിൽ നിന്ന് മാറിനിൽക്കാൻ തീരുമാനിച്ചത്. വിസി മിനി കാപ്പനെ രജിസ്ട്രാറാക്കിയതിന് പിന്നാലെ അച്ചടക്ക നടപടിയുണ്ടാകുമെന്ന് സിൻഡിക്കേറ്റ് പ്രതികരിച്ചിരുന്നു. മിനി കാപ്പൻ കത്ത് നൽകിയതോടെ ഇനി ആരാകും ആ സ്ഥാനത്തേക്ക് എന്ന കാര്യം കൂടി ചർച്ചയാകും.

ഇതിനിടെ, വിസി - രജിസ്ട്രാർ പോരിൽ കേരള സർവകലാശാലയിലെ കാര്യങ്ങൾ താറുമാറായിട്ടുണ്ട്. രജിസ്ട്രാർ  ഡോ. കെ.എസ് അനിൽ കുമാറിനെതിരെ വൈസ് ചാൻസലർ മോഹനൻ കുന്നുമ്മൽ നടപടി ശക്തമാക്കിയതോടെ ഭരണപ്രതിസന്ധി രൂക്ഷമാവുകയാണ്. അനിൽകുമാർ അയച്ച ഫയലുകൾ വിസി മടക്കി അയച്ചു. അടിയന്തര സ്വഭാവത്തിലുള്ളതടക്കം 3 ഫയലുകളാണ് തിരിച്ചയച്ചത്. അതേസമയം, രജിസ്ട്രാർ ഇൻ ചാർജ് എന്ന നിലയ്ക്ക് മിനി കാപ്പൻ അയച്ച 25 ഫയലുകൾ വിസി അംഗീകരിക്കുകയും ചെയ്തു.

ALSO READ: തിങ്കളാഴ്ച ജോയിൻ ചെയ്തു, വെള്ളിയാഴ്ച ജോലി പോയി; ജൂനിയർ ജീവനക്കാരനെ അധിക്ഷേപിച്ച സീനിയറെ പുറത്താക്കി സ്റ്റാർട്ട്-അപ്പ് സ്ഥാപകൻ

ഇതിനിടെ, രജിസ്ട്രാർ കെ.എസ് അനിൽ കുമാറിനെതിരെ വിസി രാജ്ഭവനെ സമീപിച്ചിട്ടുണ്ട്. തന്റെ നിർദേശം മറികടന്ന് അനധികൃതമായാണ് കെ.എസ് അനിൽ കുമാർ സർവകലാശാലയിൽ എത്തിയതെന്ന് ചൂണ്ടിക്കാട്ടിയാണ് വിസി രാജ്ഭവനിൽ റിപ്പോർട്ട് നൽകിയത്.

The ongoing administrative crisis at Kerala University has taken a new turn. Dr. Mini Kappen, who was recently assigned the role of Acting Registrar, has officially declined to take charge. In a letter submitted to Vice Chancellor Dr. Mohanan Kunnummal, Dr. Mini Kappen expressed her unwillingness to assume the position, citing that she does not wish to be part of ongoing controversies surrounding the post.