തിരുവനന്തപുരം: സംസ്ഥാനത്തെ 152 ബ്ലോക്ക് പഞ്ചായത്തുകളിലെ വാര്‍ഡ് വിഭജനത്തിന്റെ അന്തിമവിജ്ഞാപനം ഡീലിമിറ്റേഷന്‍ കമ്മിഷന്‍ പ്രസിദ്ധീകരിച്ചു. 187 വാര്‍ഡുകള്‍ വര്‍ധിച്ചിട്ടുണ്ട്. നിലവിലുണ്ടായിരുന്ന 2,080 വാര്‍ഡുകള്‍ 2,267 ആയി വർധിച്ചു. വിജ്ഞാപനം ബ്ലോക്ക് പഞ്ചായത്ത് ഓഫിസുകളിലും സംസ്ഥാന അച്ചടി വകുപ്പിന്റെ ഇ- ഗസറ്റ് വെബ്‌സൈറ്റിലും (www.compose.kerala.gov.in) ലഭിക്കും.

ALSO READ: ബസിൽ നിന്ന് വിദ്യാർത്ഥിനി തെറിച്ചു വീണു എന്നിട്ടും നിർത്താതെ ബസ്; സിസിടിവി ദൃശ്യങ്ങൾ പുറത്ത്

അതേസമയം, സംസ്ഥാനത്തെ ജില്ലാപഞ്ചായത്ത് വാര്‍ഡ് വിഭജനത്തിന്റെ കരട് റിപ്പോര്‍ട്ട് ഈ മാസം 21ന് പ്രസിദ്ധീകരിക്കുമെന്ന് ഡീലിമിറ്റേഷന്‍ കമ്മിഷന്‍ ചെയര്‍മാന്‍ എ. ഷാജഹാന്‍ അറിയിച്ചു. കരട് റിപ്പോര്‍ട്ട് സംബന്ധിച്ച് പരാതികളും ആക്ഷേപങ്ങളും ജൂലൈ 25 വരെ സമര്‍പ്പിക്കാം. ആക്ഷേപങ്ങളും അഭിപ്രായങ്ങളും ഡീലിമിറ്റേഷന്‍ കമ്മിഷന്‍ സെക്രട്ടറിക്കോ കലക്ടര്‍ക്കോ നേരിട്ടോ രജിസ്റ്റേര്‍ഡ് തപാലിലോ നല്‍കാം. ആക്ഷേപങ്ങള്‍ക്കൊപ്പം ഏതെങ്കിലും രേഖകള്‍ ഹാജരാക്കാനുണ്ടെങ്കില്‍ അവയുടെ സ്വയം സാക്ഷ്യപ്പെടുത്തിയ പകര്‍പ്പുകളും നല്‍കണം. ഡീലിമിറ്റേഷന്‍ കമ്മിഷന്റെ വിലാസം: സംസ്ഥാന ഡീലിമിറ്റേഷന്‍ കമ്മിഷന്‍, കോര്‍പറേഷന്‍ ബില്‍ഡിങ് നാലാംനില, വികാസ്ഭവന്‍ പി.ഒ, തിരുവനന്തപുരം- 695033 ഫോണ്‍: 04712335030.

ALSO READ: സർക്കിൾ ഇൻസ്പെക്ടറുടെ ആത്മഹത്യ: മേലുദ്യോഗസ്ഥരുടെ സമ്മർദമെന്ന് ആരോപണം

ജനസംഖ്യയും ബ്ലോക്ക്പഞ്ചായത്ത് വാര്‍ഡ് വിഭജനത്തിന്റെ അന്തിമവിജ്ഞാപനവും അടിസ്ഥാനമാക്കിയാണ് ജില്ലാപഞ്ചായത്ത് വാര്‍ഡ് വിഭജനത്തിന്റെ കരട് റിപ്പോര്‍ട്ട് തയാറാക്കുന്നത്. 14 ജില്ലാ പഞ്ചായത്തുകളിലായി നിലവിലുള്ള 331 വാര്‍ഡുകള്‍ 346 ആയി വർധിക്കും.