കോട്ടയം: കാഞ്ഞിരപ്പള്ളിയിൽ ഈരാറ്റുപേട്ട-കാഞ്ഞിരപ്പള്ളി റൂട്ടിൽ ഓടുന്ന ‘വാഴയിൽ’ എന്ന സ്വകാര്യ ബസിൽ നിന്ന് വിദ്യാർത്ഥിനി റോഡിലേക്ക് തെറിച്ചുവീണ സംഭവം വിവാദമായി. ആനിത്തോട്ടത്ത് വച്ച് വൈകിട്ട് 4 മണിക്ക് ശേഷം നടന്ന സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു. ബസ് സ്റ്റോപ്പിൽ ഇറങ്ങുന്നതിനിടെ മുന്നോട്ടെടുത്തപ്പോൾ കാഞ്ഞിരപ്പള്ളിയിലെ ഒരു സ്വകാര്യ സ്കൂളിലെ വിദ്യാർത്ഥിനി റോഡിലേക്ക് വീണെങ്കിലും അത്ഭുതകരമായി പരുക്കേൽക്കാതെ രക്ഷപ്പെട്ടു.

സിസിടിവി ദൃശ്യങ്ങളിൽ, വിദ്യാർത്ഥിനി വീണിട്ടും ബസ് നിർത്താതെ മുന്നോട്ട് പോകുന്നത് വ്യക്തമാണ്. ബസ് ജീവനക്കാർ കുട്ടിക്ക് പരുക്കുണ്ടോ എന്ന് പോലും അന്വേഷിക്കാൻ തയ്യാറായില്ലെന്ന് ദൃക്സാക്ഷികൾ ആരോപിച്ചു. സംഭവം വിവാദമായതോടെ, ബസ് ജീവനക്കാരുടെ അനാസ്ഥയ്‌ക്കെതിരെ പ്രാദേശികമായി പ്രതിഷേധം ഉയർന്നിട്ടുണ്ട്. പോലീസ് സംഭവത്തെക്കുറിച്ച് അന്വേഷണം ആരംഭിച്ചിട്ടുണ്ട്.

A female student narrowly escaped injury after falling from the 'Vazhayil' private bus in Kanjirappally, Kottayam, when the bus moved forward while she was alighting at Anithottam. CCTV footage showing the bus driving off without stopping, despite the incident, has gone viral, prompting public outrage over the crew's negligence. Police have launched an investigation into the incident, which occurred after 4 PM, targeting the bus operating on the Erattupetta-Kanjirappally route.