മനാമ: ഓണ്‍ലൈന്‍ കാര്‍ വില്‍പ്പന തട്ടിപ്പിന് ഇരയായ ബഹ്‌റൈനിലെ പ്രവാസി യുവതിക്ക് നഷ്ടമായത് 400 ദിനാര്‍. ഇന്‍സ്റ്റാള്‍മെന്റ് പ്ലാനില്‍ കാര്‍ ലഭ്യമാണ് എന്ന സോഷ്യല്‍ മീഡിയ പരസ്യം കണ്ട് കാര്‍ വാങ്ങാന്‍ ശ്രമിച്ച യുവതിയാണ് വഞ്ചിക്കപ്പെട്ടത്. സോഷ്യല്‍ മീഡിയയിലൂടെയും മറ്റ് ഓണ്‍ലൈന്‍ പ്ലാറ്റ്‌ഫോമുകളിലൂടെയും ഇന്‍സ്റ്റാള്‍മെന്റ് പ്ലാനുകളില്‍ വാഹനങ്ങള്‍ വില്‍ക്കുന്ന ഏജന്റുമാരാണ് വഞ്ചിച്ചതെന്ന് 40 കാരിയായ പ്രവാസി വനിത പറഞ്ഞു.

യുവതിയുടെ വാക്കുകള്‍:  'കാര്‍ ഡൗണ്‍ പേയ്‌മെന്റായി 400 ദിനാറും പ്രതിമാസ ഗഡുവായും 50 ദിനാറും ലഭ്യമാണെന്നായിരുന്നു തട്ടിപ്പുകാര്‍ പറഞ്ഞത്. ഞങ്ങള്‍ കാര്‍ കണ്ടു, ഒരു ടെസ്റ്റ് ഡ്രൈവിന് പോലും പോയി. എല്ലാം ശരിയാണെന്ന് തോന്നിയതിനാലാണ് പണം നല്‍കിയത്. ഇതുപ്രകാരം യുവതിയും കുടുംബവും മുന്‍കൂട്ടി 50 ദിനാര്‍ നല്‍കി. കരാര്‍ ഫൈനല്‍ ചെയ്യാന്‍ പിറ്റേന്ന് രാവിലെ വരാനും ആവശ്യപ്പെട്ടു. ഇതുപ്രകാരം രാവിലെ ഏജന്റ് എന്ന പേരില്‍ വിളിച്ചയാള്‍ ബാക്കി 350 ദിനാര്‍ കൂടി ബെനിഫിറ്റ് പേ വഴി അയയ്ക്കാന്‍ ഞങ്ങളോട് ആവശ്യപ്പെട്ടു. ഉടന്‍ കരാര്‍ കൊണ്ടുവരുമെന്നും പറഞ്ഞു. എന്നാല്‍ പണം ലഭിച്ചതിനുശേഷം അദ്ദേഹം അപ്രത്യക്ഷനായി. ഞങ്ങളുടെ കോളുകള്‍ക്ക് മറുപടി നല്‍കുന്നത് നിര്‍ത്തി, എല്ലാ ആശയവിനിമയങ്ങളും അദ്ദേഹം ബ്ലോക്ക്‌ചെയ്‌തെന്നും യുവതി പറഞ്ഞു.

'ഞങ്ങള്‍ പ്രവാസികളാണ്. ഞങ്ങളുടെ പണം സമ്പാദിക്കാന്‍ ഞങ്ങള്‍ കഠിനമായി പരിശ്രമിക്കുന്നു. ദയവായി ശ്രദ്ധിക്കുക, ശരിയായ പരിശോധനയില്ലാതെ അത്തരം ഇടപാടുകളില്‍ വിശ്വസിക്കരുത്- അവര്‍ എല്ലാവരോടുമായി അഭ്യര്‍ഥിച്ചു.

വിഷയം നിലവില്‍ പോലീസ് അന്വേഷണത്തിലാണ്. 

Expatriate woman in Bahrain has come forward to share her painful experience after falling victim to an online car sale scam. The 40-year-old, who filed a case with the police, is urging others—especially fellow expats—to be cautious when dealing with online advertisements and installment car sales.