ലണ്ടൻ: ഇംഗ്ലണ്ടിനെതിരായ മൂന്നാം ടെസ്റ്റിന്റെ രണ്ടാം ദിനത്തിൽ ജസ്പ്രീത് ബുമ്രയുടെ മിന്നുന്ന പ്രകടനം. ഒന്നാം ഇന്നിംഗ്‌സിൽ 5/74 എന്ന മികച്ച ബൗളിംഗ് പ്രകടനത്തോടെ, മുൻ ഇന്ത്യൻ ക്യാപ്റ്റൻ കപിൽ ദേവിന്റെ റെക്കോർഡ് തകർത്ത ബുമ്ര, വിദേശ മണ്ണിൽ ഏറ്റവും കൂടുതൽ തവണ അഞ്ച് വിക്കറ്റ് നേട്ടം സ്വന്തമാക്കുന്ന ഇന്ത്യൻ ബൗളറായി. 35 വിദേശ ടെസ്റ്റുകളിൽ നിന്ന് 13-ാം അഞ്ച് വിക്കറ്റ് നേട്ടമാണ് ബുമ്ര സ്വന്തമാക്കിയത്, 66 ടെസ്റ്റുകളിൽ 12 അഞ്ച് വിക്കറ്റ് നേട്ടങ്ങളുമായി കപിൽ ദേവിനെ മറികടന്നു. ഈ നേട്ടത്തോടെ, ഇംഗ്ലണ്ടിൽ ഏറ്റവും കൂടുതൽ അഞ്ച് വിക്കറ്റ് നേട്ടം സ്വന്തമാക്കിയ ഏഷ്യൻ ബൗളർമാരുടെ പട്ടികയിൽ പാകിസ്ഥാൻ മുൻ ക്യാപ്റ്റൻ ഇമ്രാൻ ഖാനൊപ്പം (നാല്) ബുമ്ര എത്തി. ശ്രീലങ്കയുടെ മുത്തയ്യ മുരളീധരൻ (അഞ്ച്) മാത്രമാണ് ഇതിൽ മുന്നിൽ.

47 ടെസ്റ്റുകളിൽ നിന്ന് 215 വിക്കറ്റുകൾ വീഴ്ത്തിയ ബുമ്ര, എല്ലാ ഫോർമാറ്റുകളിലുമായി 453 വിക്കറ്റുകൾ സ്വന്തമാക്കിയിട്ടുണ്ട്. ലോക ടെസ്റ്റ് ചാമ്പ്യൻഷിപ്പിൽ ഏറ്റവും കൂടുതൽ അഞ്ച് വിക്കറ്റ് നേട്ടങ്ങൾ സ്വന്തമാക്കിയ ബൗളർ എന്ന റെക്കോർഡും ബുമ്രയ്ക്കാണ്. 12 അഞ്ച് വിക്കറ്റ് നേട്ടങ്ങളുമായി ബുമ്ര, ആർ. അശ്വിനെ (11) മറികടന്ന് ഒന്നാമതെത്തി. ഓസ്ട്രേലിയന്‍ ക്യാപ്റ്റന്‍ പാറ്റ് കമ്മിന്‍സ് (10), നതാന്‍ ലിയോണ്‍ (10) എന്നിവര്‍ അടുത്തടുത്ത സ്ഥാനങ്ങളില്‍.

ലോർഡ്‌സിൽ, ബുമ്രയുടെ മിന്നുന്ന ബൗളിംഗ് പ്രകടനം ഇംഗ്ലണ്ടിന്റെ ഒന്നാം ഇന്നിംഗ്‌സിനെ 387 റൺസിൽ ഒതുക്കി. ആദ്യ ദിനം ഹാരി ബ്രൂക്കിന്റെ വിക്കറ്റ് മാത്രം നേടിയ ബുമ്ര, രണ്ടാം ദിനം രാവിലെ ബെൻ സ്റ്റോക്‌സ് (44), ജോ റൂട്ട് (104), ക്രിസ് വോക്സ് (0) എന്നിവരെ പുറത്താക്കി. ജോഫ്ര ആർച്ചറിന്റെ വിക്കറ്റോടെ അഞ്ച് വിക്കറ്റ് നേട്ടം പൂർത്തിയാക്കി, ലോർഡ്‌സിലെ ഓണേഴ്‌സ് ബോർഡിൽ പേര് ചേർത്തു. ഈ പ്രകടനം ബുമ്രയെ ലോക ക്രിക്കറ്റിലെ മുൻനിര പേസ് ബൗളറിൽ ശക്താനാക്കുന്നതാണ്.

അതേസമയം, ഇംഗ്ലണ്ടിന്റെ 387 റൺസിന് മറുപടിയായി, ഇന്ത്യ രണ്ടാം ദിനം 145/3 എന്ന നിലയിൽ കളി അവസാനിപ്പിച്ചു. യശസ്വി ജയ്‌സ്വാൾ (13), കരുൺ നായർ (40), ശുഭ്മാൻ ഗിൽ (16) എന്നിവരുടെ വിക്കറ്റുകൾ നഷ്ടമായെങ്കിലും, കെ.എൽ. രാഹുൽ (53*), റിഷഭ് പന്ത് (19*) എന്നിവർ പിരിയാത്ത 38 റൺസിന്റെ കൂട്ടുകെട്ടുമായി ക്രീസിൽ. ഇംഗ്ലണ്ടിന്റെ ഒന്നാം ഇന്നിംഗ്‌സ് സ്കോറിനൊപ്പമെത്താൻ ഇന്ത്യക്ക് ഇനിയും 242 റൺസ് വേണം. ഇംഗ്ലണ്ടിനായി ജോഫ്ര ആർച്ചർ, ക്രിസ് വോക്സ്, ബെൻ സ്റ്റോക്സ് എന്നിവർ ഓരോ വിക്കറ്റ് വീഴ്ത്തി.

Jasprit Bumrah etched his name in cricket history during the third Test against England at Lord’s, claiming a stunning 5/74 to secure his 15th Test five-wicket haul and 13th overseas, breaking Kapil Dev’s record of 12 overseas five-wicket hauls. The Indian pacer’s spell dismantled England’s batting, earning him a spot on the Lord’s Honours Board. Bumrah also equaled Imran Khan’s record of four five-wicket hauls in England by an Asian pacer. With 215 wickets in 47 Tests, Bumrah leads the World Test Championship with 12 five-wicket hauls. India ended Day 2 at 145/3, trailing England’s 387 by 242 runs, with KL Rahul (53*) and Rishabh Pant (19*) unbeaten.