ചെന്നൈ: തമിഴ്‌നാട്ടിലെ കസ്റ്റഡി മരണങ്ങളില്‍ നിയമപോരാട്ടത്തിനൊരുങ്ങി നടനും ടിവികെ അധ്യക്ഷനുമായ വിജയ്. കസ്റ്റഡിയില്‍ കൊല്ലപ്പെട്ട ഇരകളുടെ കുടുംബാംഗങ്ങളുമായി വിജയ് കൂടിക്കാഴച്ച നടത്തി. ഇവര്‍ക്ക് നിയമസഹായം നല്‍കുമെന്നും വിജയ് പ്രഖ്യാപിച്ചു. 

തമിഴക വെട്രി കഴകം പാര്‍ട്ടി ആസ്ഥാനത്ത് വെച്ച് നടന്ന ചടങ്ങിലാണ് വിജയ് ഇരകളുടെ കുടുംബങ്ങളുമായി കൂടിക്കാഴച്ച നടത്തിയത്. ചെങ്കല്‍പ്പെട്ട് ജില്ലയിലെ ഗോകുല്‍ ശ്രീ, അയനാവരം സ്വദേശിയായ വിഘ്‌നേഷ്, കൊടുങ്ങയ്യൂര്‍ സ്വദേശി രാജശേഖര്‍, തിരുവണ്ണാമല ജില്ലയിലെ തങ്കമണി, പുതുക്കോട്ട ജില്ലയില്‍ നിന്നുള്ള ചിന്നദുരൈ, ധര്‍മ്മപുരി ജില്ലയില്‍ നിന്നുള്ള സെന്തില്‍ എന്നിവരുടെ കുടുംബങ്ങള്‍ കൂടിക്കാഴ്ച്ചയില്‍ പങ്കെടുത്തു. 

തമിഴ്‌നാട്ടില്‍ നിയമസഭാ തെരഞ്ഞെടുപ്പ് നടക്കാനിരിക്കെ നാട്ടിലെ ക്രമസമാധാന പ്രശ്‌നങ്ങളും കസ്റ്റഡി മരണങ്ങളും ചര്‍ച്ചയാക്കാനാണ് വിജയ് നീക്കം നടത്തുന്നത്. ഏതാനും ദിവസങ്ങൾക്ക് മുൻപ് തമിഴ്‌നാട്ടിലെ ശിവഗംഗയിൽ മോഷണം ആരോപിച്ച് പൊലിസ് കസ്റ്റഡിയിലെടുത്ത യുവാവിനെ മരിച്ച നിലയിൽ കണ്ടെത്തിയിരുന്നു.ശിവഗംഗ മഡപ്പുറം കാളിയമ്മൻ ക്ഷേത്രത്തിലെ കരാർ ജീവനക്കാരനായ ബി അജിത് കുമാർ (27) ആണ് മരിച്ചത്. ക്ഷേത്ര ദർശനത്തിനെത്തിയ യുവതി നൽകിയ പരാതിയിലാണ് പൊലിസ് യുവാവിനെ കസ്റ്റഡിയിലെടുത്തത്. 

ALSO READ: അമിത് ഷാ പങ്കെടുത്ത പരിപാടികളിൽ നിന്ന് കേന്ദ്രമന്ത്രി സുരേഷ് ഗോപി വിട്ടുനിന്നു: പുതിയ ഭാരവാഹി പട്ടികയിൽ അതൃപ്തിയെന്ന് സൂചന 

അമ്മയ്‌ക്കൊപ്പം ക്ഷേത്രത്തിലെത്തിയ മധുര സ്വദേശി നൽകിയ പരാതിയിലാണ് പൊലിസ് നടപടി. ക്ഷേത്രത്തിനടുത്ത് വെച്ച് കാറിന്റെ താക്കോൽ അജിത്തിനെ ഏൽപ്പിച്ചെന്നും, തിരിച്ചുവന്നപ്പോൾ ബാഗിലുണ്ടായിരുന്ന ഒൻപതര പവൻ സ്വർണ്ണാഭരണങ്ങൾ നഷ്ടപ്പെട്ടെന്നും ഇവർ ആരോപിച്ചിരുന്നു. പിന്നാലെ പൊലിസ് സംഘം അജിതിനെ കസ്റ്റഡിയിലെടുക്കുകയായിരുന്നു. സംഭവത്തിൽ തനിക്ക് പങ്കില്ലെന്ന് അജിത് ആവർത്തിച്ച് പറഞ്ഞെങ്കിലും പൊലിസ് വിശ്വസിച്ചില്ല. പൊലിസ് വാനിൽവെച്ച് അജിതിനെ പൊലിസ് സംഘം ക്രൂരമായി മർദ്ദിച്ചെന്നാണ് കുടുംബത്തിന്റെ ആരോപണം. സ്റ്റേഷനിൽ എത്തുന്നതിന് മുൻപ് തന്നെ യുവാവ് മരിച്ചെന്നും ആരോപണമുണ്ട്. 

Actor and Tamilaga Vettri Kazhagam (TVK) president Vijay has decided to initiate legal action regarding the recent custodial deaths in Tamil Nadu. He met with the families of the victims and assured them of his full support. Vijay also announced that legal assistance will be provided to the affected families.