വാഷിങ്ടണ്‍: ഇന്ത്യന്‍ ബഹിരാകാശ യാത്രികന്‍ ശുഭാംശു ശുക്ല ഉള്‍പ്പെട്ട ആക്‌സിയം 4 ദൗത്യസംഘത്തിന്റെ മടക്കയാത്ര തീരുമാനിച്ചു. തിങ്കളാഴ്ച്ച വൈകീട്ട് 4.35ന് അന്താരാഷ്ട്ര ബഹിരാകാശ നിലയത്തില്‍ നിന്ന് ഇവര്‍ ഭൂമിയിലേക്കുള്ള മടക്കയാത്ര ആരംഭിക്കും. ചൊവ്വാഴ്ച് വൈകീട്ട് മൂന്ന് മണിയോടെ സംഘം ഭൂമിയില്‍ തിരിച്ചെത്തുമെന്നും നാസ അറിയിച്ചു.

ബഹിരാകാശ നിലയത്തില്‍ നിന്ന് 22 മണിക്കൂര്‍ യാത്രക്ക് ശേഷമാണ് നാലംഗ സംഘം ഭൂമിയിലെത്തുക. പസഫിക് സമുദ്രത്തിലാണ് ഡ്രാഗണ്‍ പേടകം സ്പ്ലാഷ് ഡൗണ്‍ ചെയ്യുക. ആക്‌സിയം സ്‌പേസ്, സ്‌പേസ് എക്‌സ് വെബ്‌സൈറ്റ് വഴി മടക്കയാത്ര ലൈവ് ടെലികാസ്റ്റ് ചെയ്യുമെന്നും നാസ അറിയിച്ചിട്ടുണ്ട്. ഭൂമിയില്‍ എത്തിയതിന് പിന്നാലെ 7 ദിവസത്തെ റീഹാബിലിറ്റേഷന്‍ പ്രോഗ്രാമിന് ദൗത്യസംഘം വിധേയമാവും. 

ദിവസങ്ങള്‍ നീണ്ടുനിന്ന അനിശ്ചിതത്വങ്ങള്‍ക്ക് ഒടുവില്‍ ജൂണ്‍ 26നാണ് ആക്‌സിയം ക്രൂ ബഹിരാകശ നിലയത്തിലെത്തിയത്. അമേരിക്കന്‍ സ്‌പേസ് ഏജന്‍സി നാസ, സ്‌പേസ് എക്‌സ്, ആക്‌സിയം സ്‌പേസ്, ഐഎസ്ആര്‍ഒ എന്നിവയുടെ സംയുക്ത പദ്ധതിയാണ് ആക്‌സിയം. ഇന്ത്യക്കാരനായ ശുഭാംശു ശുക്ലക്ക് പുറമെ കമാന്‍ഡര്‍ പെഗ്ഗി വിറ്റ്‌സണ്‍, മിഷന്‍ സ്‌പെഷ്യലിസ്റ്റുകളായ ഹംഗറിയില്‍ നിന്നുള്ള ടിഗോര്‍ കപു, പോളണ്ടില്‍ നിന്നുള്ള സ്ലാവോസ് ഉസ്‌നാന്‍സ്‌കി വിസ്‌നിവ്‌സ്‌കി എന്നിവരടങ്ങുന്നതാണ് ദൗത്യസംഘം. 

ALSO READ: ഗോരഖ്പൂർ മെഡിക്കൽ കോളേജിലെ മലയാളി ഡോക്ടറുടെ മരണം: ആത്മഹത്യയെന്ന് പ്രാഥമിക നിഗമനം; മകൻ ആത്മഹത്യ ചെയ്യേണ്ട യാതൊരു സാഹചര്യവും കുടുംബത്തിലില്ലെന്ന് പിതാവ് 

ബഹിരാകാശത്ത് 60 പരീക്ഷണങ്ങളാണ് സഘം വിജയകരമായി പൂര്‍ത്തിയാക്കിയത്. 230-ലധികം തവണ ഭൂമിയെ ചുറ്റി. ശുഭാംശു കഴിഞ്ഞ ദിവസങ്ങളില്‍ ഇന്ത്യയില്‍ നിന്ന് കൊണ്ടുപോയ വിത്തുകളുടെ പഠനത്തിനായി 'സ്പ്രൗട്ട്‌സ്' പരീക്ഷണത്തില്‍ ശ്രദ്ധ കേന്ദ്രീകരിച്ചു. ബഹിരാകാശത്ത് മുളപ്പിച്ച വിത്തുകള്‍ ഫ്രീസറിലേക്ക് മാറ്റി. കേരളത്തില്‍ നിന്നുള്ള ആറ് വിത്തിനങ്ങളുടെ നിരീക്ഷണവും ചിത്രീകരണവും നടത്തി. മൈക്രോ ആല്‍ഗെ വളര്‍ച്ചാ പഠനവും പൂര്‍ത്തിയാക്കിയാണ് മടക്കം. 

return journey of the Axiom-4 mission crew, which includes Indian astronaut Shubham Shukla, has been scheduled. According to NASA, the team will depart from the International Space Station on Monday at 4:35 PM and is expected to land back on Earth by Tuesday at around 3:00 PM.