ചെടികള്‍ നന്നായി വളരണമെങ്കില്‍ നല്ല വളവും ആവശ്യമാണ്. അതിനായി നമുക്ക് അടുക്കളയിലെ ചേരുവകള്‍ തന്നെ മതിയാവും. അല്‍പമൊന്നു ശ്രദ്ധിച്ചാല്‍ വേസ്റ്റും കുറഞ്ഞു കിട്ടും നല്ല വളവും ഉണ്ടാക്കാം. 

പഴത്തൊലി

ഒരു വലിയ ബോട്ടിലോ അല്ലെങ്കില്‍ മറ്റെന്തെങ്കിലും പാത്രമോ എടുത്ത് അതിലേക്ക് വെള്ളമൊഴിച്ചതിനു ശേഷം പഴത്തൊലി ഇട്ടുകൊടുക്കാം. കട്ട് ചെയ്ത് ഇട്ടുകൊടുക്കുന്നതായിരിക്കും നല്ലത്. ഇങ്ങനെ പഴത്തൊലിയിട്ടു കൊടുത്ത ശേഷം രണ്ട് ദിവസം ഇങ്ങനെതന്നെ ഇതു വയ്ക്കണം. ശേഷം നിങ്ങള്‍ക്കിത് ചെടിയില്‍ ഒഴിച്ചു കൊടുക്കാവുന്നതാണ്. ചെടികള്‍ തഴുച്ചു വളരുന്നതു കാണാം.  

 

 

ഉരുളക്കിഴങ്ങിന്റെ തൊലി

ചെടികള്‍ക്കു ചുറ്റും ഉരുളക്കിഴങ്ങിന്റെ തൊലി ഇട്ട് കൊടുക്കുന്നതും ചെടികള്‍ നന്നായി വളരാന്‍ സാധിക്കുന്നതാണ്. കാരണം ഉരുളക്കിഴങ്ങില്‍ പൊട്ടാസ്യവും അയണും ഉണ്ട്. ഇത് ചെടികള്‍ക്കു ചുറ്റുമിടുമ്പോള്‍ ഇവ നന്നായി വളരുന്നതാണ്.  

 

കാപ്പി

ചെടികള്‍ കുഴിച്ചിടുന്ന മണ്ണില്‍ കുറച്ച് കാപ്പിപ്പൊടി വിതറിക്കൊടുക്കുന്നത് മണ്ണിന് വളരെയധികം ഗുണം ചെയ്യുന്നതാണ്. കാപ്പിയിലടങ്ങിയ നൈട്രജനും പൊട്ടാസ്യവും ഫോസ്ഫറസും മണ്ണിന് വളരെ നല്ലതാണ്. ഇതും ചെടികള്‍ തഴച്ചു വളരാന്‍ 
കാരണമാകുന്നു.

 

ALSO READ: തൊട്ടാവാടിയുടെ ഗുണങ്ങള്‍ അറിയോ..?   പറമ്പിലും വഴിയോരത്തുമൊക്കെ കാണുന്ന തൊട്ടാവാടി തന്നെ... ഞെട്ടും 

അരിയുടെ വെള്ളം

ചെടികള്‍ക്ക് വളരാന്‍ ഒഴിച്ചു കൊടുക്കേണ്ട ഏറ്റവും ബെസ്റ്റ് വളമാണ് അടുക്കളയില്‍ നമ്മള്‍ നിത്യേന ഉപയോഗിക്കുന്ന അരിയുടെ വെള്ളം. അരികഴുകിയ വെള്ളമായാലും പാതിവെന്ത ചോറിന്റെ വെള്ളമായാലും രണ്ടും പോഷക സമൃദ്ദമാണ്. ഈ വെള്ളത്തില്‍ നൈട്രജനും ഫോസ്ഫറസും ഉള്ളതു കൊണ്ട് തന്നെ ചെടികള്‍ നന്നായി വളരുകയും ചെയ്യും. 

 

ടീ ബാഗ്

ഉപയോഗിച്ച് കഴിയുന്ന ടീ ബാഗും നിങ്ങള്‍ കളയരുത്. ഈ ടീബാഗില്‍ ആന്റിഓക്‌സിഡന്റുകളും അസിഡിറ്റിയും ഉണ്ട്. അതു കൊണ്ട് തന്നെ ഉപയോഗ ശേഷമുള്ള ടീ ബാഗ് നിങ്ങള്‍ ചെടിക്ക് ചുറ്റും ഇട്ടു കൊടുക്കുക. ഇതും ചെടികള്‍ തഴച്ചു വളരാന്‍ സഹായിക്കും. 

 

മഞ്ഞള്‍

ചെടികളുടെ വേരുകള്‍ക്ക് ഏറ്റവും നല്ലൊരു മാര്‍ഗമാണ് മഞ്ഞള്‍ പൊടി. ഇത് പ്രാണികളും ജീവികളുമൊക്കെ വരുന്നതിനെ തടയാന്‍ സഹായിക്കും. ഇതിലെ ആന്റിഫംഗല്‍ ആന്റി ബാക്ടീരിയല്‍ ഗുണങ്ങള്‍ വേരുകളെ നന്നായി സംരക്ഷിക്കുന്നതാണ്. 

 

മുട്ടത്തോട്

വീട്ടിലുള്ള മുട്ടത്തോടുകളെല്ലാം കൂട്ടിവച്ച് നന്നായി കൈകൊണ്ട് ഒന്നു പൊടിച്ചെടുക്കുക. ഈ മുട്ടത്തോട് ചെടികള്‍ക്കു ചുറ്റും ഇട്ടു കൊടുക്കുക. മുട്ടത്തോടിലടങ്ങിയ കാല്‍സ്യം കാര്‍ബണേറ്റ് ചെടികള്‍ നശിച്ചു പോകുന്നത് തടയാന്‍ സഹായിക്കുന്നു. ഇതും ചെടികള്‍ നന്നായി വളരാന്‍ സഹായിക്കുന്നതാണ്. 

 

 

 

All these methods reduce kitchen waste and enhance soil fertility—making your gardening more sustainable and cost-effective.