ചെന്നൈ: തമിഴ്നാട്ടിൽ പൊലീസ് കസ്റ്റഡിയിലെ മരണങ്ങൾക്കെതിരെ തമിഴക വെട്രി കഴകം (ടിവികെ) നേതാവ് വിജയുടെ നേതൃത്വത്തിൽ ചെന്നൈയിൽ വൻ പ്രതിഷേധം. ഡിഎംകെ സർക്കാരിനെ 'സോറി മാ സർക്കാർ' എന്ന് പരിഹസിച്ച വിജയ്, കസ്റ്റഡി മരണങ്ങളിൽ നീതി ആവശ്യപ്പെട്ടു. പൊലീസ് കസ്റ്റഡിയിൽ മരിച്ചവരുടെ കുടുംബങ്ങൾ പ്രതിഷേധത്തിൽ പങ്കെടുത്തു.

ശിവഗംഗയിൽ പൊലീസ് കസ്റ്റഡിയിൽ മരിച്ച അജിത് കുമാറിന് നീതി തേടിയാണ് പ്രതിഷേധം സംഘടിപ്പിച്ചത്. കറുത്ത വസ്ത്രം ധരിച്ചെത്തിയ വിജയോടൊപ്പം 20-ലധികം കസ്റ്റഡി മരണ ഇരകളുടെ കുടുംബങ്ങൾ വേദിയിൽ അണിനിരന്നു. 'മാപ്പ് വേണ്ട, നീതി മതി' എന്നെഴുതിയ പ്ലക്കാർഡുകളുമായാണ് ടിവികെ പ്രവർത്തകർ പ്രതിഷേധിച്ചത്.

“24 കസ്റ്റഡി മരണ ഇരകളുടെ കുടുംബങ്ങളോട് സ്റ്റാലിൻ മാപ്പ് പറഞ്ഞോ? അജിതിന്റെ കുടുംബത്തിന് നൽകിയ സഹായം മറ്റുള്ളവർക്ക് നൽകിയോ? നിന്റെ ഭരണത്തിൽ എത്ര പൊലീസ് അതിക്രമങ്ങൾ നടന്നു?” എന്ന് വിജയ് സ്റ്റാലിനോട് ചോദിച്ചു. കോടതി ഇടപെടുമ്പോൾ മാത്രം പ്രതികരിക്കുന്ന സർക്കാർ എന്തിനെന്നും അദ്ദേഹം വിമർശിച്ചു. “ഇപ്പോഴുള്ളത് 'സോറി മാ സർക്കാർ' ആണ്,” എന്ന് വിജയ് പരിഹസിച്ചു. എല്ലാവർക്കും നീതി ഉറപ്പാക്കാൻ ടിവികെ പോരാടുമെന്നും അദ്ദേഹം വ്യക്തമാക്കി.

ചെന്നൈയ്ക്ക് പുറത്തുള്ള ജില്ലകളിൽ നിന്ന് പ്രതിഷേധത്തിനെത്തിയ ടിവികെ പ്രവർത്തകരെ പൊലീസ് തടഞ്ഞത് ഡിഎംകെ സർക്കാരിനെതിരെ ആയുധമാക്കി. വിജയുടെ ഹ്രസ്വമായ പ്രസംഗം പ്രവർത്തകർക്ക് നിരാശയുണ്ടാക്കിയെങ്കിലും, എഐഎഡിഎംകെയ്ക്കോ ബിജെപിക്കോ കഴിയാത്തവിധം കസ്റ്റഡി മരണ ഇരകളെ അണിനിരത്തിയത് ടിവികെയുടെ നേട്ടമായി വിലയിരുത്തപ്പെടുന്നു.

In Chennai, Tamilaga Vetri Kazhagam (TVK), led by Vijay, staged a massive protest against custodial deaths, targeting the DMK government. Vijay mocked CM Stalin’s administration as ‘Sorry Ma Sarkar’, demanding justice for victims like Ajith Kumar from Sivaganga. Families of over 20 custodial death victims joined the rally, holding placards reading ‘No Apology, Only Justice’. Vijay criticized Stalin for inaction, questioning police atrocities and aid to victims’ families. Despite police blocking some activists, TVK’s mobilization was a significant achievement.