വീട് എപ്പോഴും മനോഹരമായിരിക്കാന്‍ ഇഷ്ടപ്പെടുന്നവരാണ് ഏവരും. എന്നാല്‍ ഇങ്ങനെ അലങ്കരിക്കാന്‍ ഒരുപാട് ചെലവു വരും എന്നതാണ് പലരുടെയും ധാരണ. എന്നാല്‍ അങ്ങനെയല്ല, വളരെ ചെലവു കുറച്ചു കൊണ്ട് തന്നെ നമുക്ക് വീടിനുളളിലെ ആംബിയന്‍സ് മൊത്തത്തില്‍ മാറ്റിയെടുക്കാന്‍ സഹായിക്കും. ചുമരുകള്‍ തന്നെയാണ് അതിന്റെ മികച്ച ഉദാഹരണങ്ങള്‍. ഒഴിഞ്ഞു കിടക്കുന്ന ചുമരുകള്‍ നിങ്ങള്‍ക്ക് മനോഹരമാക്കാന്‍ സാധിക്കും. ഏതൊക്കെ തരത്തിലുള്ള വാള്‍പേപ്പറുകളാണ് ചുമരുകള്‍ക്ക് നല്‍കാന്‍ പറ്റുക എന്നു നോക്കാം. 

 

ട്രോപ്പിക്കല്‍ വാള്‍ പേപ്പര്‍

ഈന്തപ്പനയോലകളും വാഴയിലകളും കാട്ടു പച്ച കളറും നിറഞ്ഞതാണ് ട്രോപ്പിക്കല്‍ വാള്‍ പേപ്പര്‍ ഡിസൈന്‍. പുതുമ നിറഞ്ഞ ഈ വാള്‍പേപ്പര്‍ വീടിനകം മനോഹരവും പ്രകൃതിദത്ത ഊര്‍ജവും നല്‍കുന്നതാണ്. ലിവിങ് റൂം പ്രവേശന കവാടം തുടങ്ങിയടത്തൊക്കെയാണ് ഇവ നല്‍കേണ്ടത്. ഇതില്‍ തന്നെ പലതരത്തിലുള്ള ഡിസൈനുകള്‍ ലഭ്യമാണ്. നിങ്ങള്‍ക്കിടഷ്ടമുള്ളതു തിരഞ്ഞെടുക്കാം. 

 

 

ഹെറിറ്റേജ് വാള്‍പേപ്പര്‍

പുരാതന ചുവര്‍ചിത്രകല, മിനിയേച്ചര്‍ പെയിന്റിങ് എന്നിവയില്‍ നിന്നുള്‍ക്കൊണ്ടാണ് ഹെറിറ്റേജ് വാള്‍പേപ്പറിന്റെ രൂപാന്തരം. ഇത് നിങ്ങളുടെ ചുമരുകളെ കഥകാരന്‍മാരാക്കുന്നതാണ്. പുരാണ രൂപങ്ങള്‍, പഴയ ചരിത്രങ്ങള്‍, കൈകൊണ്ടുവരച്ച പ്രതിരൂപങ്ങള്‍ എന്നിവയൊക്കെ ഇതിലുണ്ടായിരിക്കും. വീടിനുള്ളിലെ ഇടനാഴികള്‍ ഡൈനിങ് ഏരിയ എന്നിവയൊക്കെ ഈ ഡിസൈനിങ്ങില്‍ കാണാവുന്നതാണ്. 

 

ഷീന്‍വാസെറി വാള്‍പേപ്പര്‍

ഇതിന്റെ രൂപാന്തരം ഷീന്‍വാസെറി കലയില്‍ നിന്നുമാണ്. എന്നാലും ഇതില്‍ മയിലുകളെയും പൂക്കുന്ന മരങ്ങളെയും പടരുന്ന വള്ളികളെയും കാണാവുന്നതാണ്. റൊമാന്റിക് ആംബിയന്‍സ് ആഗ്രഹിക്കുന്നവരാണെങ്കില്‍ അവര്‍ക്ക് വളരെയധികം ഇഷ്ടമാവും. കിടപ്പുമുറിയിലും മറ്റും നിങ്ങള്‍ക്കിത് വച്ച് ഡിസൈന്‍ ചെയ്യാവുന്നതാണ്. 

 

ഫോക് ഇന്‍സ്പയേര്‍ഡ് വാള്‍ പേപ്പര്‍

 നാടോടി സംസ്‌കാരത്തെ അനുസ്മരിക്കുന്ന വിധമാണ് ഈ വാള്‍പേപ്പര്‍ ഡിസൈന്‍ ചെയ്തിരിക്കുന്നത്. കളിമണ്ണ്, ബീജ് പാലറ്റുകള്‍ എന്നിവയും ഉപയോഗിച്ചിരിക്കുന്നു. മണ്ണിന്റെ നിറവും മിനിമല്‍ ലുക്കും ഇതിലൂടെ നിങ്ങള്‍ക്ക് ലഭിക്കുന്നു. പഠിക്കാനിരിക്കുന്ന മുറികളിലും പൂജ മുറിയിലും ലിവിങ് റൂമിലുമൊക്കെ ഈ ഡിസൈന്‍ നല്‍കി നോക്കൂ സൂപ്പറായിരിക്കും. 

 

സീപ്പിയ വിന്റേജ് 

ഗോള്‍ഡന്‍ അവര്‍ ലൈറ്റില്‍ നിന്നുള്ള പ്രചോദനമാണ് ഈ ഡിസൈനിനുള്ളത്. വാം, ആംബര്‍-ബ്രൗണ്‍ നിറങ്ങള്‍ മനോഹരമായ ഓര്‍മകളെ അനുസ്മരിപ്പിക്കുന്നു. കിടപ്പുമുറി, ഓഫിസ് തുടങ്ങിയ സ്ഥലങ്ങളില്‍  ഈ ഡിസൈന്‍ നല്‍കിയാല്‍ അതിമനോഹരമായിരിക്കും. 

 

 

Everyone loves a beautiful home, but many assume that home decor must be expensive. The truth is, with just a few smart choices—especially when it comes to walls—you can completely revamp the ambience of your house without spending much. Bare or dull walls can be turned into statement pieces using wallpapers.