ന്യൂയോർക്ക്: ചാംപ്യൻസ് ലീഗ് കിരീട നേട്ടത്തിന് ശേഷം ക്ലബ് ലോകത്തെ പുതിയ കിരിടത്തിനായി പി.എസ്.ജി ഇംഗ്ലീഷ് കരുത്തൻമാരായ ചെൽസി ക്കെതിരേ ഫിഫ ക്ലബ് ലോകകപ്പിന്റെ ഫൈനലിൽ കളത്തിലിറങ്ങുന്നു. അവസാന സീസണിൽ ഫിഫ കോൺഫറൻസ് ലീഗിൽ ചാംപ്യൻമാരായ ചെൽസി ശക്തമായ നിരയുമായിട്ടാണ് ക്ലബ് ലോകകപ്പിന് എത്തിയിട്ടുള്ളത്. ഗ്രൂപ്പ് ഡിയിൽ രണ്ടാം സ്ഥാനക്കാരായി പ്രീ ക്വാർട്ടറിൽ പ്രവേശിച്ച ചെൽസി ആറു മത്സരത്തിൽ ഒന്നിൽ മാത്രമാണ് തോറ്റത്. ബ്രസീലിയൻ ക്ലബായ ഫ്ളമിംഗോയോടായിരുന്നു ബ്ലൂസ് തോറ്റത്. പിന്നീട് പ്രീ ക്വാർട്ടറിൽ ബെൻഫിക്കയെ തോൽപ്പിച്ച ചെൽസി ക്വാർട്ടറിൽ ബ്രസീലിയൻ ക്ലബായ പാൽമിറാസിനെയും വീഴ്ത്തി സെമിയിലേക്ക്. 

സെമിയിൽ ഫ്ളമിനൻസെയെ എതിരില്ലാത്ത രണ്ട് ഗോളിന് തോൽപ്പിച്ച ചെൽസി ആറു മത്സരത്തിൽ അഞ്ചു ഗോളാണ് വഴങ്ങിയത്. ഇത്രയും മത്സരത്തിൽനിന്ന് 13 ഗോളുകൾ ബ്ലൂസ് എതിരാളികളുടെ വലയിലെത്തിച്ചിട്ടുണ്ട്. അതിനാൽ ഇന്നത്തെ മത്സരത്തിൽ ചാംപ്യൻസ് ലീഗ് ചാംപ്യൻമാരെ വീഴ്ത്തി സിസണിലെ രണ്ടാം കിരീടം നേടാൻ കഴിയുമെന്ന വിശ്വാസത്തിലാണ് ചെൽസി.

അതേസമയം മികച്ച ഫോമിൽ കളിക്കുന്ന പി.എസ്.ജി ശക്തരായ റയൽ മാഡ്രിഡിനെ എതിരില്ലാത്ത നാലു ഗോളിന് തോൽപ്പിച്ചാണ് എത്തുന്നത്. അതിനാൽ ചെൽസിക്കെതിരേ ജയിക്കാമെന്ന ആത്മവിശ്വാസവും പി.എസി.ജിക്കുണ്ട്. പ്രീ ക്വാർട്ടറിൽ ഇന്റർ മയാമിയെ എതിരില്ലാത്ത നാലു ഗോളിന് തോൽപ്പിച്ച പി.എസ്.ജി ക്വാർട്ടറിൽ ബയേൺ മ്യൂണിക്കിനെ 2-0 ന് തോൽപ്പിച്ചായിരുന്നു സെമിയിലെത്തിയത്.

സെമിയിൽ അനായാസം ജയം നേടിയാണ് എത്തുന്നതിനാൽ ഇന്ന് ചെൽസിയുടെ വെല്ലുവിളി മറികടക്കാൻ കഴിയുമെന്ന വിശ്വാസത്തിലാണ് യൂറോപ്യൻ ചാംപ്യൻമാർ. " നിലവിലെ സാഹചര്യങ്ങൾ ഞങ്ങൾക്ക് ഗ്രൗണ്ടിൽ എല്ലാം ചെയ്യാൻ കഴിയുമെന്നാണ് പ്രതീക്ഷ. ചെൽ സിയെ ഗൗരമായിട്ടുതന്നെയാണ് കാണുന്നത്. എങ്കിലും ഇന്ന് കിരീടവുമായി തിരിച്ചുകയറുക എന്നതാണ് ടീമിന്റെ മുന്നിലുള്ള പ്രധാനലക്ഷ്യം" മത്സരത്തിന് മുന്നോടിയായി നടന്ന വാർത്താ സമ്മേളനത്തിൽ പി.എസ്.ജി പരിശീലകൻ ലൂയീസ് എന്റികെ വ്യക്തമാക്കി.

The Club World Cup title race is on today PSG and Chelsea are preparing for the final