അബൂദബി: ബോയിംഗ് 787 വിമാനങ്ങളിലെ ഇന്ധന നിയന്ത്രണ സ്വിച്ചുകൾ പ്രവർത്തിപ്പിക്കുമ്പോൾ ജാഗ്രത പാലിക്കണമെന്ന് തങ്ങളുടെ പൈലറ്റുമാർക്ക് നിർദ്ദേശം നൽകി അബൂദബി ആസ്ഥാനമായുള്ള എത്തിഹാദ് എയർവേയ്സ്. സ്വിച്ചിന്റെ ലോക്കിംഗ് സംവിധാനം പരിശോധിക്കാനും കമ്പനി ഉത്തരവിട്ടിട്ടുണ്ട്. ഇന്ത്യയിലുണ്ടായ എയർ ഇന്ത്യ അപകടത്തിന്റെ കണ്ടെത്തലുകളുടെ പശ്ചാത്തലത്തിലാണ് കമ്പനിയുടെ നിർദേശം. 

ജൂൺ 12-ന് അഹമ്മദാബാദിൽ നടന്ന എയർ ഇന്ത്യ ബോയിംഗ് 787-8 വിമാന അപകടത്തിലേക്ക് നയിച്ചത് ഇന്ധന നിയന്ത്രണ സ്വിച്ചുകൾ പ്രവർത്തിക്കാതിരുന്നതാണെന്ന ഇന്ത്യൻ അന്വേഷണ ഏജൻസികൾ പ്രാഥമിക കണ്ടെത്തലുകൾ പുറത്തുവിട്ടിയിരുന്നു. ഈ സാഹചര്യത്തിലാണ് ഇത്തിഹാദ് നിർദേശം നൽകിയത്. ഇന്ധന നിയന്ത്രണ സ്വിച്ചുകളിലെ ലോക്ക് വേർപെടുത്തുന്നതിനെക്കുറിച്ചുള്ള 2018 ലെ ഉപദേശത്തെക്കുറിച്ച് ഓർമ്മിപ്പിച്ചുകൊണ്ട് യുഎസ് വ്യോമയാന സുരക്ഷാ റെഗുലേറ്റർ ഫെഡറൽ ഏവിയേഷൻ അഡ്മിനിസ്ട്രേഷൻ ലോകമെമ്പാടുമുള്ള ബോയിംഗ് ഉപഭോക്താക്കൾക്കും അയച്ച കത്തിന്റെകൂടി അടിസ്ഥാനത്തിലാണ് നിർദ്ദേശങ്ങൾ നൽകിയിട്ടുള്ളത്.

ALSO READ: 'കൊലക്കത്തിയുമായി രാഷ്ട്രീയപ്രവർത്തനം നടത്തുന്നവർക്കുള്ള പ്രോത്സാഹനം'; സി. സദാനന്ദന്റെ രാജ്യസഭാ പ്രവേശനത്തെ രൂക്ഷമായി വിമർശിച്ച് അശോകൻ ചരുവിൽ, രമേശ് ചെന്നിത്തലക്ക് അഭിനന്ദനം

ജൂലൈ 12 ന് എത്തിഹാദ് പുറത്തിറക്കിയ ബുള്ളറ്റിനിൽ പൈലറ്റുമാർക്ക് ഇന്ധന നിയന്ത്രണ സ്വിച്ചുകൾ അല്ലെങ്കിൽ അവരുടെ സമീപത്തുള്ള മറ്റേതെങ്കിലും സ്വിച്ചുകൾ/നിയന്ത്രണങ്ങൾ പ്രവർത്തിപ്പിക്കുമ്പോൾ ജാഗ്രത പാലിക്കാൻ നിർദ്ദേശം നൽകുന്നു. ഈ സ്വിച്ചുകളുടെ അശ്രദ്ധമായ ചലനത്തിന് കാരണമായേക്കാവുന്ന ഏതെങ്കിലും വസ്തുക്കളുടെ സാന്നിധ്യം സമീപത്ത് നിന്നും ഒഴിവാക്കണമെന്നും ബുള്ളറ്റിനിൽ വ്യക്തമാക്കുന്നു. ഏതെങ്കിലും പ്രശ്നമുള്ളതായി കണ്ടാൽ വിമാന ജീവനക്കാർ ഉടൻ റിപ്പോർട്ട് ചെയ്യണമെന്നും ഇത്തിഹാദ് ആവശ്യപ്പെടുന്നു.

ബോയിംഗ് 787 വിമാനത്തിലെ ഇന്ധന നിയന്ത്രണ ലോക്കിംഗ് സംവിധാനം പരിശോധിക്കാൻ പ്രത്യേക ബുള്ളറ്റിനിൽ ഉത്തരവിട്ടിട്ടുണ്ട്. ഇന്ധന നിയന്ത്രണ സ്വിച്ച് ലോക്കിംഗ് സവിശേഷത എങ്ങനെ പരിശോധിക്കാമെന്നും ആവശ്യമുള്ളിടത്ത് അത് സ്ഥിതിചെയ്യുന്ന ത്രസ്റ്റ് കൺട്രോൾ മൊഡ്യൂൾ മാറ്റിസ്ഥാപിക്കാമെന്നും എഞ്ചിനീയറിംഗ് ടീമിന് ഘട്ടം ഘട്ടമായുള്ള മാർഗ്ഗനിർദ്ദേശവും ഇത്തിഹാദ് നൽകുന്നുണ്ട്.

Etihad Airways, based in Abu Dhabi, has issued a safety advisory to its pilots flying Boeing 787 aircraft, urging caution while operating the fuel control switches. The airline has also ordered an inspection of the locking mechanism of these switches. This directive comes in the wake of findings from the recent Air India incident in India, where safety concerns related to the fuel control system were highlighted during the investigation.