ബീജിങ്: ആര്‍ഭാടമായി ജീവിക്കാന്‍ മക്കളെ വിറ്റ് മാതാവ്. ചൈനയിലാണ് സംഭവം.  ലൈവ് സ്ട്രീമിംഗ് അവതാരകര്‍ക്ക് ടിപ്പ് നല്‍കുക,  വിലകൂടി വസ്ത്രങ്ങള്‍ വാങ്ങുക തുടങ്ങി ആഡംബര ജീവിതം നയിക്കാനാണ് ആണ്‍മക്കളെ ഇവര്‍ വില്‍പന നട
ത്തിയത്.  പത്ത് ലക്ഷം രൂപക്കാണത്രെ ഇവര്‍ മക്കളെ വിറ്റത്.  ഗ്വാങ്സി പ്രവിശ്യയില്‍ നിന്നുള്ള ഹുവാങ് എന്ന സ്ത്രീ ഏകദേശം 11,600 ഡോളറിന് (ഏകദേശം 10 ലക്ഷം രൂപയ്ക്ക്) വിറ്റതായി പൊലിസിനോട് സമ്മതിച്ചതായി ചൈനീസ് മാധ്യമങ്ങള്‍ റിപ്പോര്‍ട്ട് ചെയ്യുന്നു.

2020ലാണ് ഇവര്‍ തന്റെ ആദ്യത്തെ മകനം വില്‍ക്കുന്നത്. 45,000 യുവാന്‍ (ഏകദേശം 5 ലക്ഷം രൂപ) ആണ് കുഞ്ഞിനെ വില്‍ക്കുന്നത്. സാമ്പത്തിക ബുദ്ധിമുട്ടുകളാണ് വില്‍പ്പനക്ക് കാരണമെന്നാണ് വിശദീകരണം. മക്കളില്ലാത്ത ദമ്പതികള്‍ക്കാണ് അവര്‍ കുഞ്ഞിനെ നല്‍കുന്നത്. പ്രാഥമിക വിദ്യാഭ്യാസം മാത്രമേ കുട്ടി ആ സമയത്ത് പൂര്‍ത്തിയാക്കിയിട്ടുണ്ടായിരുന്നുള്ളൂ. 

ALSO READ: നിമിഷ പ്രിയയുടെ വധശിക്ഷ നടപ്പാക്കുന്നത് നീട്ടി; യമനില്‍ ചര്‍ച്ച തുടരും 

എന്നാല്‍ കുഞ്ഞിനെ വിറ്റ് കിട്ടിയ പണം ഓണ്‍ലൈനില്‍ ലൈവ്-സ്ട്രീമര്‍മാര്‍ക്ക് ടിപ്പായി നല്‍കാന്‍ ഉപയോഗിച്ചതായി മാധ്യമങ്ങള്‍ റിപ്പോര്‍ട്ട് ചെയ്യുന്നു.

2022-ലാണ് രണ്ടാമത്തെ കുട്ടിയുണ്ടാകുന്നത്.ആ നവജാത ശിശുവിനെ ബ്രോക്കര്‍ക്കാണ് വിറ്റത്. 38,000 യുവാനായിരുന്നു (ഏകദേശം 4.5 ലക്ഷം രൂപ) വില്‍പന. എന്നാല്‍ ബ്രോക്കര്‍ കുഞ്ഞിനെ 103,000 യുവാന് ( ഏകദേശം 12 ലക്ഷം രൂപ) മറ്റൊരാള്‍ക്ക് കൈമാറിയെന്നും റിപ്പോര്‍ട്ടുകള്‍ പറയുന്നു.  

സംഭവം പുറത്തു വന്നതോടെ കുട്ടികളെ അധികൃതര്‍ ഏറ്റെടുത്തിരിക്കുകയാണ്.  രണ്ട് ആണ്‍കുട്ടികളെയും നിയമപ്രകാരം ദത്ത് നല്‍കാനുള്ള നടപടികള്‍ പുരോഗമിക്കുകയാണെന്നും റിപ്പോര്‍ട്ടുകള്‍ പറയുന്നു. 

ജില്ലാ പീപ്പിള്‍സ് കോടതി ഹുവാങ്ങിനെ വഞ്ചനയ്ക്കും മനുഷ്യക്കടത്തിനും കുറ്റക്കാരിയാണെന്ന് കണ്ടെത്തി അഞ്ച് വര്‍ഷവും രണ്ട് മാസവും തടവിന് ശിക്ഷിച്ചിരിക്കുകയാണ്. 30,000 യുവാന്‍ (ഏകദേശം 3 ലക്ഷം രൂപ) പിഴയുമാണ് വിധിച്ചിരിക്കുന്നത്. ഹുവാങ്ങിന്റെയില്‍ നിന്ന് കുട്ടികളെ വാങ്ങിയവര്‍ക്കും തടവ് ശിക്ഷ വിധിച്ചിട്ടുണ്ട്.

A woman from Guangxi, China, was sentenced to 5 years and 2 months in prison for selling her two sons to fund a luxury lifestyle, including tipping live streamers and shopping for expensive clothes.