ഡൽഹി: നിഹാൽ വിഹാർ പ്രദേശത്ത് ഭാര്യയുടെ അവഗണനയും മറ്റൊരാളുമായുള്ള ബന്ധവും ആരോപിച്ച് 31-കാരനായ വികാസ് ആത്മഹത്യ ചെയ്തു. ബുധനാഴ്ച രാവിലെ രണ്ടാം നിലയിലെ മുറിയിൽ ഫാനിൽ തൂങ്ങിനിൽക്കുന്ന നിലയിൽ വികാസിന്റെ മൃതദേഹം കണ്ടെത്തി. ആത്മഹത്യക്ക് മുമ്പ്, വികാസ് മൂന്ന് വീഡിയോകൾ റെക്കോർഡ് ചെയ്തിരുന്നു. ഇതിൽ ഭാര്യയുടെ അവഗണന, കടബാധ്യത, മറ്റൊരു യുവാവുമായുള്ള ഭാര്യയുടെ ബന്ധം എന്നിവ വിവരിക്കുന്നു.

വീഡിയോയിലെ വെളിപ്പെടുത്തലുകൾ

വീഡിയോകളിൽ വികാസ് പറയുന്നു: “എന്റെ ജീവിതം ദുരിതപൂർണമാണ്. ഭാര്യയുടെ പെരുമാറ്റം മൂലം പലപ്പോഴും പോലീസ് സ്റ്റേഷനിൽ പോകേണ്ടി വന്നു. എന്റെ മകൻ ഭാര്യയോടൊപ്പം കഴിയരുത്. അവൻ എന്റെ മാതാപിതാക്കൾക്കും സഹോദരങ്ങൾക്കും ഒപ്പം വളരണം. ഭാര്യക്ക് പണമുള്ള മറ്റൊരാളോടാണ് താൽപര്യം, എന്റെ കയ്യിൽ അത്രയും പണമില്ല. എന്റെ അവസാന ആഗ്രഹം മകൻ എന്റെ കുടുംബത്തോടൊപ്പം ജീവിക്കണം എന്നാണ്.”

ബുധനാഴ്ച രാവിലെ 9:45-ന് സംഭവത്തെക്കുറിച്ച് വിവരം ലഭിച്ചതിനെ തുടർന്ന് പൊലിസ് സ്ഥലത്തെത്തി. വികാസിന്റെ മൃതദേഹം പോസ്റ്റ്‌മോർട്ടത്തിന് ശേഷം കുടുംബത്തിന് കൈമാറി. ബന്ധുക്കളെ ചോദ്യം ചെയ്ത ശേഷം പോലീസ് കേസ് രജിസ്റ്റർ ചെയ്തു. തുടർ അന്വേഷണത്തിന്റെ അടിസ്ഥാനത്തിൽ നടപടികൾ സ്വീകരിക്കുമെന്ന് പോലീസ് അറിയിച്ചു.

വികാസ് ജ്വാലാഹേഡി പ്രദേശത്തെ ഒരു കടയിൽ സെയിൽസ്മാനായി ജോലി ചെയ്തിരുന്നു. അഞ്ച് വർഷം മുമ്പ് പ്രണയിച്ച് വിവാഹം കഴിച്ച യുവതിയുമായി മൂന്ന് വർഷം മുമ്പ് വേർപിരിഞ്ഞിരുന്നു. ഭാര്യ സ്വന്തം വീട്ടിലേക്ക് മടങ്ങിയത് വികാസിനെ വലിയ മാനസിക സമ്മർദ്ദത്തിലാക്കിയിരുന്നു. കടബാധ്യതയും മദ്യപാന ശീലവും ദമ്പതികൾക്കിടയിൽ വഴക്കുകൾക്ക് കാരണമായിരുന്നതായി പോലീസ് അന്വേഷണത്തിൽ വ്യക്തമായി. വികാസിന്റെ കുടുംബത്തിൽ പിതാവ് രവീന്ദർ, മാതാവ്, രണ്ട് സഹോദരന്മാർ, ഒരു സഹോദരി എന്നിവർ ഉൾപ്പെടുന്നു.

പൊലിസ് അന്വേഷണം തുടരുകയാണ്. വീഡിയോകളിലെ ആരോപണങ്ങളും ബന്ധുക്കളുടെ മൊഴികളും വിലയിരുത്തി കേസിൽ തുടർനടപടികൾ സ്വീകരിക്കുമെന്ന് അധികൃതർ വ്യക്തമാക്കി.

In Delhi’s Nihal Vihar, 31-year-old Vikas took his life, alleging his wife’s affair and neglect in three recorded videos. Found hanging in his second-floor room on Wednesday, Vikas cited financial debts and his wife’s relationship with a wealthier man. He urged authorities to ensure his son stays with his family, not his wife. Police have registered a case after questioning relatives and will proceed based on further investigation.