ദുബൈ: നിരോധിത മേഖലയിൽ വെച്ച് ഓവർടേക്കിംഗ് നടത്തി, മറ്റു യാത്രക്കാരുടെ ജീവൻ അപകടത്തിലാക്കിയ ഡ്രൈവറുടെ കാർ ദുബൈ പൊലിസ് കണ്ടുകെട്ടി. ഇരുവശങ്ങളിലേക്കുമുള്ള റോഡിൽ എതിരെ വരുന്ന വാഹനങ്ങളെ അവഗണിച്ച് യുവാവ് അശ്രദ്ധമായി ഓവർടേക്ക് ചെയ്തത് ഗുരുതരമായ അപകടത്തിന് കാരണമാകുമായിരുന്നു. എന്നാൽ മറ്റൊരു ഡ്രൈവറുടെ നിർണായക ഇടപെടൽ കാരണം അപകടം സംഭവിച്ചില്ല. 

ALSO READ: വേനൽച്ചൂടിൽ തൊഴിലാളികൾക്ക് ആശ്വാസമായ പദ്ധതിക്ക് വിട; സെപ്റ്റംബർ 15 മുതൽ ഉച്ചസമയത്തെ ജോലി നിരോധനം അവസാനിപ്പിക്കാൻ യുഎഇ 

"ഇത്തരം അശ്രദ്ധമായ ഡ്രൈവിംഗ് ഗതാഗത നിയമങ്ങളുടെ ഗുരുതര ലംഘനമാണ്. ഇത് സ്വന്തം ജീവനും മറ്റുള്ളവരുടെ സുരക്ഷയ്ക്കും ഭീഷണിയാണ്. മറ്റൊരു ഡ്രൈവറുടെ പെട്ടെന്നുള്ള പ്രതികരണം കാരണമാണ് വൻ അപകടം ഒഴിവാക്കിയത്." ദുബൈ പോലീസിന്റെ ഗതാഗത വിഭാഗം ജനറൽ ഡയറക്ടർ ബ്രിഗേഡിയർ ജുമാ സലേം ബിൻ സുവൈദാൻ മുന്നറിയിപ്പ് നൽകി.

നിരോധിത മേഖലകളിൽ ഓവർടേക്കിംഗ് മാരകമായ അപകടങ്ങൾക്ക് കാരണമാകുന്ന ഏറ്റവും മാരകമായ കുറ്റകൃത്യങ്ങളിൽ ഒന്നാണെന്ന് അദ്ദേഹം വ്യക്തമാക്കി. ഗതാഗത നിയമങ്ങൾ കർശനമായി നടപ്പാക്കുമെന്നും ഇതുവഴി ജനങ്ങളുടെ ജീവനും സ്വത്തിനും സംരക്ഷണം ഉറപ്പാക്കുമെന്നും പൊലിസ് അറിയിച്ചു.

ALSO READ: ജോലിസ്ഥലത്തുണ്ടായ അപകടം; ഭാഗികമായി തളർന്ന തൊഴിലാളിക്ക് 15 ലക്ഷം ദിർഹം നഷ്ടപരിഹാരം വിധിച്ച് കോടതി 

അശ്രദ്ധമായ ഡ്രൈവിംഗോ സംശയാസ്പദമായ റോഡ് പെരുമാറ്റമോ കണ്ടാൽ ഉടൻ റിപ്പോർട്ട് ചെയ്യണമെന്ന് ബ്രിഗേഡിയർ ജുമാ സലേം ബിൻ സുവൈദാൻ പൊതുജനങ്ങളോട് അഭ്യർത്ഥിച്ചു. 901 എന്ന നമ്പറിൽ വിളിച്ചോ ദുബൈ പൊലിസിന്റെ സ്മാർട്ട് ആപ്പ് വഴിയോ ഇത്തരത്തിലുള്ള മോശം റോഡ് പെരുമാറ്റങ്ങൾ റിപ്പോർട്ട് ചെയ്യാം.

Dubai Police have impounded a car for reckless driving in a no-overtaking zone, endangering lives. The incident highlights strict enforcement of traffic laws to ensure road safety. Authorities urge the public to report violations via the 'We Are All Police' service or the Dubai Police app.