മക്ക: എസ്‌ഐസി മക്ക സെൻട്രൽ കമ്മിറ്റി വിഖായ സമിതിയുടെ പ്രഥമ സയ്യിദുൽ വിഖായ മർഹൂം സയ്യിദ് മാനു തങ്ങൾ പുരസ്കാരം സമർപ്പിച്ചു. ഈ വർഷത്തെ വിഖായ ഹജ്ജ് വളണ്ടിയർ സേവനങ്ങൾ ചെയ്ത അംഗങ്ങളിൽ നിന്ന് തെരഞ്ഞെടുക്കപ്പെട്ട ഫരീദ് ഐക്കരപ്പടിക്കാണ് പ്രഥമ ഉപഹാരം നൽകിയത്.

മക്കയിൽ നടന്ന വിഖായ സ്നേഹസംഗമത്തിൽ വെച്ച് ഉസ്താദ് സിറാജുദ്ദീൻ അൽ ഖാസിമി, ഷാഫി ഫൈസി എക്കാപറമ്പ് എന്നിവർ ചേർന്ന് പുരസ്കാരവും ക്യാഷ് അവാർഡും നൽകി.

എസ് ഐ സി നാഷണൽ വിഖായ ചെയർമാനായിരിക്കെ വിട പറഞ്ഞ സയ്യിദ് മാനു തങ്ങൾ അരീക്കോട് എന്നവരുടെ അനുസ്മരണാർത്ഥം മക്ക സെൻട്രൽ കമ്മിറ്റി പ്രഖ്യാപിച്ച പ്രഥമ അവാർഡ് ആണിത്. വരും വർഷങ്ങളിലും പുരസ്കാര വിതരണം നടത്തുമെന്ന് സെൻട്രൽ കമ്മിറ്റി നേതാക്കൾ അറിയിച്ചു.