ബ്രസീലിയൻ സൂപ്പർ താരം നെയ്മറിന്റെ കരിയറിൽ നേരിടേണ്ടി വരുന്ന പരുക്കിനെക്കുറിച്ച് സംസാരിക്കുകയാണ് അൽ നസർ നായകൻ ക്രിസ്റ്റ്യാനോ റൊണാൾഡോ. നെയ്മറിന്റെ കളികൾ നേരിട്ട് കാണാൻ തനിക്ക് ഇഷ്ടമാണെന്നും എന്നാൽ നെയ്മർ കരിയറിൽ നേരിടുന്ന പരുക്കുകൾ കാണാൻ താൻ ഇഷ്ടപ്പെടുന്നില്ലെന്നുമാണ് റൊണാൾഡോ പറഞ്ഞത്. 

''അവന്റെ കാളി കാണുന്നത് എനിക്ക് ഇഷ്ടമാണ്. എന്നാൽ അവന്റെ പരുക്കുകൾ കാണുമ്പോൾ എനിക്ക് വിഷമമാണ്. നെയ്മർ എവിടെയാണെങ്കിലും അവൻ ഈ കാര്യം സ്വയം നന്നായി പരിപാലിക്കണം. ഇതാണ് എനിക്ക് അവനോട് പറയാനുള്ള പറയാനുള്ളത്' റൊണാൾഡോ പറഞ്ഞു. 

നെയ്മർ നിലവിൽ ബ്രസീലിയൻ ക്ലബായ സാന്റോസ് എഫ്സിയുടെ താരമാണ്. ഈ വർഷമാദ്യമാണ് നെയ്മർ ബ്രസീലിയൻ ലീഗിലേക്ക് ചേക്കേറിയത്. ആറ് മാസത്തെ കരാറിലാണ് നെയ്മർ അൽ ഹിലാലിൽ നിന്നും സാന്റോസിലെത്തിയത്.

2023ൽ പരുക്കേറ്റതിന് പിന്നാലെ അൽ ഹിലാലിനൊപ്പം ഒരുപാട് മത്സരങ്ങൾ നെയ്മറിന് നഷ്ടമായിരുന്നു. 2023ൽ ഉറുഗ്വായ്ക്കെതിരെ നടന്ന വേൾഡ് കപ്പ്‌ യോഗ്യത മത്സരത്തിലായിരുന്നു നെയ്മറിന് പരുക്ക് പറ്റിയിരുന്നത്. ഇതിനു പിന്നാലെ താരം ശസ്ത്രക്രിയയ്ക്ക് വിധേയനാവുകയും ഫുട്ബോളിൽ നിന്നും നീണ്ട കാലത്തോളം പുറത്താവുകയുമായിരുന്നു. 

സ്പാനിഷ് വമ്പന്മാരായ ബാഴ്സലോണയിലാണ് നെയ്മർ മികച്ച താരമായി സ്വയം അടയാളപ്പെടുത്തിയത്. 2013 മുതൽ 2017 വരെയാണ് നെയ്മർ ബാഴ്‌സലോണയിൽ കളിച്ചത്. ഈ നാല് സീസണുകളിൽ അവിസ്മരണീയമായ ഒരുപിടി നിമിഷങ്ങളാണ് നെയ്മർ ബാഴ്സക്ക് വേണ്ടി നടത്തിയത്.
ബാഴ്സക്ക് വേണ്ടി 186 മത്സരങ്ങളിലാണ് നെയ്മർ കളത്തിലിറങ്ങിയത്. ഇതിൽ 105 ഗോളുകളും 76 അസിസ്റ്റുകളുമാണ് നെയ്മർ നേടിയത്. ബാഴ്സലോണക്കൊപ്പം ഒമ്പത് കിരീടങ്ങളാണ് നെയ്മർ നേടിയെടുത്തത്. 2017ലാണ് നെയ്മർ ബാഴ്സ വിട്ട് ഫ്രഞ്ച് ക്ലബ് പിഎസ്ജിയിലേക്ക് ചേക്കറിയത്. 2023ൽ നെയ്മർ പിഎസ്ജി വിട്ട് സഊദി ക്ലബ്ബിലേക്കും കൂടുമാറി.

Al Nasr captain Cristiano Ronaldo is talking about the injuries that Brazilian superstar Neymar will face in his career Ronaldo said that he likes to watch Neymar play in person, but he doesn't like to see the injuries Neymar has faced in his career.