ദുബൈ: അർജന്റീനൻ ഫുട്ബോൾ ഇതിഹാസം ലയണൽ മെസ്സി അടുത്ത ലോക കപ്പ് ഫുട്ബോൾ ടൂർണമെന്റിൽ കളിക്കും. അതിന് മുൻപായി മെസ്സിയടങ്ങുന്ന അർജന്റീന ദേശീയ ഫുട്ബോൾ ടീം കേരളത്തിൽ കളിക്കുമെന്നും അർജന്റീന ഫുട്ബോൾ അസോസിയേഷൻ കൊമേർസ്യൽ ആൻഡ് മാർക്കറ്റിങ്ങ് ഡയരക്ടർ ലിയാൻഡ്രോ പീറ്റേഴ്സൺ പറഞ്ഞു.

ദുബൈ പുൾമാൻ ഹോട്ടലിൽ നടന്ന അർജന്റീന ഫുട്ബോൾ അസോസിയേഷനും ലുലു ഫിനാൻഷ്യൽ ഹോൾഡിങ്സും തമ്മിലുള്ള ധാരണാപത്രം ഒപ്പ് വയ്ക്കൽ ചടങ്ങിന് ശേഷം വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.

''മെസ്സി ഒരു യഥാർത്ഥ ചാമ്പ്യനാണ്. പ്രായത്തിനപ്പുറമുള്ള ശാരീരിക ക്ഷമത പുലർത്തുന്ന താരമാണ് മെസ്സി. അദ്ദേഹം അടുത്ത ലോക കപ്പിൽ കളിക്കുമെന്ന് പ്രതീക്ഷിക്കുന്നു'' -ലിയാൻഡ്രോ പ്രതീക്ഷ പങ്കുവച്ചു.

അർജന്റീന ദേശീയ ടീം കേരളത്തിൽ കളിക്കുമെന്നും അതിനായി മന്ത്രിതല ചർച്ചകൾ തുടരുകയാണെന്നും അദ്ദേഹം വ്യക്തമാക്കി. ലോക കപ്പിന് മുൻപ് കേരളത്തിലെത്തുമെന്നും അദ്ദേഹം പറഞ്ഞു. ദേശീയ ടീമിന് ഏറ്റവും കൂടുതൽ ആരാധകരുള്ള സ്ഥലമാണ് കേരളമെന്നതിൽ അഭിമാനമുണ്ടെന്ന് അദ്ദേഹം പറഞ്ഞു. ലോകോത്തര പരിശീലകരുള്ള രാജ്യമാണ് അർജന്റീനയെന്നും, ഇന്ത്യയിൽ സർക്കാർ സഹകരണത്തോടെ കോച്ചിങ് അക്കാദമികൾ തുടങ്ങുന്ന കാര്യം ആലോചിക്കുമെന്നും അദ്ദേഹം വ്യക്തമാക്കി. ലുലു മണി അസി.വൈസ് പ്രസിഡന്റ് മുഹമ്മദ് ഷാനിലും വാർത്താ സമ്മേളനത്തിൽ പങ്കെടുത്തു.

Excitement builds as the Argentine national football team is expected to arrive in Kerala before the FIFA World Cup 2026. Fans in India gear up to welcome Messi's squad for possible training and friendly matches. Here's what we know so far.