റായ്ചൂര്‍: സ്വന്തം കൃഷിയിടത്തിലെ കീടനാശിനി തളിച്ച പച്ചക്കറി കഴിച്ച് പിതാവും രണ്ട് പെണ്‍മക്കളും മരിച്ചു. ഭാര്യയും രണ്ട് മക്കളും ഗുരുതരാവസ്ഥയില്‍. കര്‍ണാടകയിലാണ്‌സംഭവം. ഗുരുതരാവസ്ഥയിലുള്ള ഭാര്യയും രണ്ടു മക്കളും ആശുപത്രിയില്‍ ചികിത്സയിലാണ്.

സിരവാര്‍ തിമ്മപ്പുര്‍ സ്വദേശി രമേഷ് നായക് (38), മക്കളായ നാഗമ്മ (8), ദീപ (6) എന്നിവരാണ് മരിച്ചത്. രമേഷിന്റെ ഭാര്യ പദ്മാവതി (35), മക്കളായ കൃഷ്ണ (12), ചൈത്ര (10) എന്നിവരാണ് ചികിത്സയിലുള്ളത്.

ALSO READ: പറന്നുയര്‍ന്ന് പൊന്നിന്‍വില;  പവന് 75,000 കടന്നു

ചൊവ്വാഴ്ച പുലര്‍ച്ചെ മൂന്നോടെയാണ് ഇവര്‍ക്ക് വയറുവേദനയും ഛര്‍ദിയും അനുഭവപ്പെട്ടത്. നാല് മണിയോടെ ഇവരെ ആശുപത്രിയിലെത്തിച്ചു.രമേഷും നാഗമ്മയും ചികിത്സ ലഭിക്കുന്നതിനു മുന്‍പ് തന്നെ മരിച്ചിരുന്നു. ദീപ ആശുപത്രിയിലെത്തിയതിന് ശേഷമാണ് മരിച്ചത്.

കീടനാശിനി തളിച്ച പച്ചക്കറി കഴിച്ചതാണ് കാരണമെന്നാണ് പ്രാഥമിക നിഗമനം. തന്റെ കൃഷി ഭൂമിയായ രണ്ടേക്കര്‍ സ്ഥലത്ത് രമേഷ് പരുത്തിയും സ്വന്തം ആവശ്യങ്ങള്‍ക്കുള്ള പച്ചക്കറിയുമാണ് കൃഷിചെയ്തിരുന്നതെന്ന് റിപ്പോര്‍ട്ടുകള്‍ പറയുന്നു. ശനിയാഴ്ച ഇയാള്‍ പച്ചക്കറിയില്‍ കീടനാശിനി തളിച്ചിരുന്നു. തിങ്കളാഴ്ചയാണ് അവര്‍ പച്ചക്കറി പാചകം ചെയ്യാനായി എടുത്തത്. എന്നാല്‍ ഭക്ഷണം കഴിച്ചതിന് പിന്നാലെ അസ്വസ്ഥത അനുഭവപ്പെടുകയായിരുന്നു. 

A devastating incident in Raichur, Karnataka, has claimed the lives of a father and his two young daughters after they consumed vegetables from their own farm that were sprayed with pesticides.