മണ്ണാര്‍ക്കാട്: സംസ്ഥാനത്ത് വീണ്ടും കാട്ടാന ആക്രമണം. കാട്ടാന ആക്രമണത്തില്‍ 40കാരന് ദാരുണാന്ത്യം. പാലക്കാട് അട്ടപ്പാടി ചീരങ്കടവ് രാജീവ് കോളനിയിലെ വെള്ളിങ്കിരിയാണ് കാട്ടാന ആക്രമണത്തില്‍ കൊല്ലപ്പെട്ടത്. 

പശുവിനെ മേയ്ക്കാന്‍ കാട്ടിലേക്ക് പോയപ്പോള്‍ വെള്ളിങ്കിരിയെ കാട്ടാന ആക്രമിക്കുകയായിരുന്നു. തിങ്കളാഴ്ച വൈകീട്ട് കാട്ടിലേക്ക് പോയ ഇയാളെ ചൊവ്വാഴ്ച രാവിലെയായിട്ടും കാണാതായതോടെ നാട്ടുകാര്‍ തിരിച്ചില്‍ നടത്തുകയായിരുന്നു. തിരച്ചിലിനിടെ ഇയാളുടെ മൃതദേഹം കണ്ടെത്തുകയായിരുന്നു.