പണം വാങ്ങി റെസിഡൻസി പെർമിറ്റുകൾ അനധികൃതമായി നൽകുകയും, ഔദ്യോഗിക രേഖകൾ കെട്ടിച്ചമക്കുകയും, വർക്ക് പെർമിറ്റുകളിൽ തെറ്റായ വിവരങ്ങൾ നൽകുകയും ചെയ്ത ഒരു സംഘടിത ശൃംഖലയെ റെസിഡൻസി അഫയേഴ്സ് ഇൻവെസ്റ്റിഗേഷൻ ജനറൽ ഡിപ്പാർട്ട്മെന്റ് കണ്ടെത്തി.

ആഭ്യന്തര മന്ത്രിയും ഫസ്റ്റ് ഡെപ്യൂട്ടി പ്രധാനമന്ത്രിയുമായ ഷെയ്ഖ് ഫഹദ് അൽ-യൂസഫിന്റെ നിർദ്ദേശപ്രകാരം, മനുഷ്യക്കടത്തിനെതിരെ പോരാടുന്നതിനും അനധികൃത റെസിഡൻസി പ്രവർത്തനങ്ങൾ തടയുന്നതിനുമുള്ള ആഭ്യന്തര മന്ത്രാലയത്തിന്റെ ശക്തമായ ശ്രമങ്ങളുടെ ഭാഗമായാണ് ഈ നടപടി.

ALSO READ: 2025-2026 സ്കൂൾ കലണ്ടർ പ്രഖ്യാപിച്ച് യുഎഇ: പ്രധാന തീയതികളും അവധി ദിനങ്ങളും അറിയാം

റെസിഡൻസി പെർമിറ്റ് നൽകുന്നതിനായി ഒരു കുവൈത്ത് പൗരന് 650 കുവൈത്ത് ദിനാർ നൽകിയതായി ഒരു പാകിസ്ഥാനിയുടെ പരാതിയെ തുടർന്നാണ് അന്വേഷണം ആരംഭിച്ചത്. പ്രതിയെ വിളിച്ചുവരുത്തി ചോദ്യം ചെയ്തപ്പോൾ റെസിഡൻസി അപേക്ഷ പ്രോസസ്സ് ചെയ്യുന്നതിനായി പണം സ്വീകരിച്ചതായി സമ്മതിച്ചു.

കൂടുതൽ അന്വേഷണത്തിൽ പ്രതി 162 തൊഴിലാളികളെ ജോലിക്കെടുക്കുന്ന 11 കമ്പനികളിൽ പങ്കാളിയാണെന്ന് കണ്ടെത്തി. ഈ കമ്പനികളിൽ രജിസ്റ്റർ ചെയ്തിട്ടുള്ള നിരവധി തൊഴിലാളികൾ റെസിഡൻസി പെർമിറ്റുകൾ ന്നലഭിക്കുന്നതിന് 500 KD മുതൽ 900 KD വരെ പണം നൽകിയതായി സമ്മതിച്ചു. കൂടാതെ, കുടുംബ റെസിഡൻസി സ്റ്റാറ്റസ് ഉറപ്പാക്കുന്നതിനായി - പെർമിറ്റുകളിലെ ശമ്പള വർക്ക് ഡാറ്റയിൽ ക്രൃത്രിമം കാണിക്കുന്നതിന് 60 KD മുതൽ 70 KD നൽകിയതായും ചിലർ സമ്മതിച്ചു. 

ALSO READ: കുവൈത്തിൽ വിവിധ മേഖലകളിൽ കുവൈത്ത് വൽക്കരണം തുടരുന്നു; സ്ഥിരീകരണവുമായി പബ്ലിക് അതോറിറ്റി ഫോർ മാൻപവറിലെ ഉന്നത ഉദ്യോ​ഗസ്ഥൻ

11 കമ്പനികൾക്ക് വേണ്ടി ഒപ്പിടാൻ അധികാരമുള്ള ഒരു കുവൈത്ത് പൗരനെയും വിളിച്ചുവരുത്തി. 500 മുതൽ 600 കുവൈത്ത് ദിനാർ വരെ പ്രതിമാസ പേയ്‌മെന്റുകൾ സ്വീകരിച്ചതായും, പബ്ലിക് അതോറിറ്റി ഫോർ മാൻപവറിൽ നിന്ന് വർക്ക് പെർമിറ്റുകളും അറിയിപ്പുകളും നേടാൻ "സഹൽ" ആപ്പ് ഉപയോഗിച്ചതായും അയാൾ സമ്മതിച്ചു.

സംഭവത്തിൽ ആകെ 12 പേരെ പബ്ലിക് പ്രോസിക്യൂഷന് റഫർ ചെയ്തിട്ടുണ്ട്. ബന്ധപ്പെട്ട കമ്പനികളുടെ ഓഫിസുകളിൽ റെയ്ഡുകളും പരിശോധനകളും തുടരുകയാണ്. കൂടാതെ ഈ തട്ടിപ്പിൽ ഉൾപ്പെട്ട എല്ലാവർക്കുമെതിരെ നിയമപരവും ഭരണപരവുമായ നടപടികൾ സ്വീകരിക്കാൻ തയ്യാറെടുക്കുകയാണ്.

ALSO READ: സമുദ്രോത്പന്ന വിൽപ്പന മേഖലയെ സജീവമാക്കണം; ഇബ്രയിൽ മത്സ്യ മാർക്കറ്റിന്റെ നിർമ്മാണ പ്രവർത്തനങ്ങൾ ആരംഭിച്ച് ഒമാൻ

റെസിഡൻസി ലംഘനങ്ങൾക്കെതിരെ കർശന നടപടികൾ തുടരാനുള്ള പ്രതിബദ്ധത മന്ത്രാലയം വീണ്ടും എടുത്തുപറഞ്ഞു. സംശയാസ്പദമായ പ്രവർത്തനങ്ങൾ റിപ്പോർട്ട് ചെയ്യാൻ മന്ത്രാലയം പൊതുജനങ്ങളോട് അഭ്യർത്ഥിച്ചു.

Residency Affairs Investigation uncovers Organized Network Involved in Illegal Residency Permits. The General Department of Residency Affairs Investigation has uncovered an organized network involved in: